多謝PR邀請, 上星期我地一家連同公公去左澳門Sheraton 玩左兩日一夜
其實金沙城入面既酒店我地都住過晒, 一直都得覺佢地既設施同Service都好好, 所以今次知道有得住夢工場做主題既家庭套房, 真係未出發, 先興奮!!
話明係夢工場做主題既家庭套房, 當然唔少得有夢工場人物既擺設及用品.
小朋友房更係色彩繽紛, 仲有Wii Game提供, 簡直係小朋友既樂園~
小朋友都似乎好鐘意呢類兒童床, 有得行上行落已經樂翻天~
附設小朋友神褸同拖鞋, 好cute呀!
洗手間擺設亦都係以夢工場卡通人物為主, 而且提供既用品都係以小朋友為中心, 好細心呀!!
如購買"體驗夢工場"馴龍歷驗套票仲會送"體驗夢工場"歡迎禮品包
承熹之前已經睇左"馴龍記2"呢套電影, 所以佢一見到馴龍記既野就開心到暈~
話時話, 套戲好好睇, 我都好鍾意
之後我地參加下午3:30開始既"馴龍訓練營", 係酒店4樓 - 里海宴會廳
好鍾意呢幅3D Background, 影出黎又真係幾立體
馴龍訓練營入面有幾項遊戲俾小朋友去參與
1) 維京藝術 - 頭盔裝飾
2) 勇者格鬥訓練
3) 馴龍技巧常識
4) 勇者防衛裝
5) 勇者眼界訓練
2) 勇者格鬥訓練
3) 馴龍技巧常識
4) 勇者防衛裝
5) 勇者眼界訓練
不過大家唔洗擔心啲活動名好似好格鬥咁, 其實都係做一啲手工藝, 大小肌肉訓練
完成任務後仲有一張證書攞, 以及可以同"無牙仔"影相呀!!!!!!
我地三個玩得好投入, 哈哈!
呢隻無牙仔雖然係假, 但佢扮得好真, 除左識眨下外, 佢又會扮到同戲中描繪既一樣, 好似好百厭咁, 我地大人都覺得佢好可愛~
"馴龍訓練營"每日有兩場, 分別係上午10時或下午3時30分.
大家有興趣可以去一齊玩, 小朋友實鐘意!
陪小朋友玩完一輪, 返酒店休息一陣, 就出發去酒店餐廳"盛宴Feast"到享用自助晚餐
呢到既食物質素好唔錯, 海鮮好豐富, 有生蠔, 龍蝦, 長腳蟹等 ...
熱葷方面大部份都好好, 不過我特別鍾情佢既即叫即炒義粉, 用龍蝦汁去炒, 好香口
今日真係好開心, 最開心都係見到啲細路玩得開心, 咩都值啊!!!
Day 2
體驗夢工場既節目仲未完架!!!!!!
原來喜來登酒店仲特別設有一個"體驗夢工場"動畫明星早餐,
可以同心愛既動畫明星共進早餐
一入到ShrekFast就好似入左去睇show咁, 到處怖置都係夢工場卡通人物, 原本仲未訓醒既細路們, 一見到呢啲公仔, 即刻醒神晒!
早餐九點開始, 無幾耐就有夢工場卡通人物出場, 載歌載舞
妹妹睇到目不斜視
每枱客人都可以安排同卡通人物合照, 唔洗驚排長龍或影唔到~
呢個Shrekfast真係好難忘, 好似去睇左場Show咁, 又可以同唔同卡通人物影相, 好開心~
嘆完早餐返上房收搭下細軟, 即刻落泳池玩下水
承熹今次游水有進步, 踢水踢得好好, 可以只帶個小手袖, 自己可以游到好遠好耐
妹妹更加係個大膽妹, 完全自己攪得掂咁, 唔俾我地扶
Sheraton泳池好靚, 又夠大, 有機會想去再玩
下午我地仲去埋參觀變型金剛30周年展覽
承熹未睇過變型金剛, 所以對啲人物角色無乜太大感覺.. 但我相信如果係變型金剛迷, 一定會好鍾意~
總括今次呢個旅程真係好開心! 澳門其實去左N咁多次, 出面啲景點反而無乜特別好去, 今次可以唔洗離開酒店都有咁親子活動玩, 真係落雨都唔洗怕啊!!!
趁仲未放完暑假, 如果想一家人去個Short trip叉叉電, 澳門金沙Sheraton確係一個唔錯既選擇 ^_^
如對澳門喜來登酒店- 「體驗夢工場」馴龍歷險套票有興趣
可以致電+853 8113 0228 或瀏覽 sheratonmacao.com/dreamworks
