2 Sept 2007 - 芒果芝士慕士蛋糕
以前係香港, 我一見到靚芒果就會買黎整芒果布甸... (呢一款甜品亦係大少至愛
但過左黎杜拜呢邊, 想買靚生果... 唔在係容易既事!
由於大少同我都好鐘意食芒果... 每次都抱住俾左咁既價錢.. 希望得到既回報會係令人滿意!
可惜.......十次買十次都難食到死!!! 一係唔甜, 一係就無味... 有d個皮都熟到出晒油... 諗住無死啦!! 點知又係一場空!! 對上個次買左切黎食... d芒果肉硬到好似蘋果咁爽... 唔係自己親手切都唔信係真芒果肉.. 以為自己食緊芒果乾~~
我呢d講野唔算數既人... 又一次動搖~
(其實都係自己人食.. 整咁多野純粹為個人手痕!!! yeah~ 
)
)
算係咁啦~~ 食完即時透心涼!! (不過唔知大少收唔收貨??)
最後, 都買左左手邊個盒... 寫明 for cake Decorating , 應該啱用!! 一篩落去.. 即溶!!
大少今日好夜返, 頭先俾左件芒果蛋糕佢食~~ 佢話好味.. 但個芒果都係差... 無香港d呂宋芒咁香甜!!! (車.. 我一早知你實會咁講!!)
材料 : (6"mould)
預備 : Cream Cheese 先放在室溫解凍至少2-3小時 ; 魚膠粉用適量溫水開(約蓋過魚膠粉便可) 再用熱水座溶
淡忌廉 .......... 90 g ; sugar .......... 35g ; Cream Cheese ......150g ; 芒果茸 .......... 80g ; 魚膠粉 ........... 7g ; 蛋黃 .......... 2隻 ; 芒果粒 ......... 40g
餅底 :
消化餅碎 ..... 80g ; melted butter : 35g (做好後放入雪櫃備用)
Step :
1. 先將淡忌廉打至七成企身, 備用!
2. 打Cream Cheese 至軟身, 分三次加入糖打勻 ; 再分3次加入蛋黃, 打勻; 取後加入芒果茸打勻
3. 將2之芝士漿拌少少落魚膠粉溶液, 攪勻... 再將所有魚膠溶液倒回芝士漿內
4. 將1 之淡忌廉拌入3之芝士漿中攪勻
5. 將4之混合物倒一半入已鋪餅底之模內, 加入芒果粒, 再倒下餘下的混合物, 在枱上輕敲2 下作排氣! 雪2小時~~
6. 最後用100g 芒果茸加7.5g 魚膠粉作芒果啫喱倒上面, 再雪2小時, 即可 (此步驟可按個人喜好加減!!)
但佢多數都會問我想食乜, 依照我既意願去煮。
(個個都話我啱去做收銀,, 櫃台服務個d... 只係Show個頭,, 實無人知我肥!! 
)
