天神村@樂富廣場

之前見烏吱一家去天神村影相, 覺得好靚, 但一知道要排成個鐘頭隊就即刻打消念頭

咁啱前日開車經過紅隧見到樂富廣場既廣告, 又撩起我條筋想去睇睇

所以尋日就約埋契媽契爺一齊去!!!!

我第一次去樂富廣場, 估唔到都幾大, 加埋有IQ博士既裝飾, 感覺都幾靚~

可能已經係尾聲加埋夜晚, 所以只需排大約15MINS就可以入去, 但每次分批入去只可以逗留30mins

好可愛呀!!

承熹好識得合作一齊擺pose

扮'屎'

同契媽一齊扮屎

妹妹要飛先肯笑

哈~

兩隻街童



影到後段哥哥急VV, 跟左爸爸走去廁所...剩返妹妹同我地影相

食酸梅乾變超人~

係另一期都有一個戶外既擺設, 都好靚~



妹妹依家都鐘意落地行, 唔肯成日坐車仔

食完飯再出去戶外影相, 無乜人, 真好!

哥哥係食飯時, 等食等到訓著左! 哈~



真係好靚!!!
 
但我成日有個疑問, 每逢呢啲大型主題公仔展覽完結後, 呢啲公仔會放去邊? 尤其立體個啲, 會攞去其他國家繼續擺定摧毀佢?


提外話:

我開左個facebook fans page 專放承熹同采霖既相或其他分享, 如果大家有興趣都可以去俾個LIKE~

蛋白燉奶by Miele Steamer

天氣持續寒冷

想同大家分享一款好簡單既冬季甜品

係咁凍既天氣食熱辣辣既燉蛋, 實在好溫暖!!!!!

呢個聖誕我已經整左兩次黎食...


做法同材料都十分十分簡單

材料: (可做我用個款碗5碗)

4盒盒裝全脂鮮奶
4隻蛋白
砂糖2-3湯匙 (視乎個人嗜甜程度)

做法:


先將奶煮熱, 唔要滾, 以上泡泡係我倒落去時撞出黎, 唔係煮到起泡


煮到有少少想滾起就熄火, 待涼

蛋白加砂糖輕輕打勻, 但唔好打到起太多泡

輕輕打勻便可

如見到鮮奶開始有層"依"就可以倒落蛋白到, 然後用匙羮撇去多餘泡泡

我地屋企經常好多人上黎玩, 所以整定多啲 (材料份量會double上)

用Miele蒸爐就可以一次過蒸十幾碗, 好方便!

 

承熹好期待

100度蒸13分鐘, 完全唔洗用保鮮紙封面, 只要撇走啲泡泡, 就可以有滑嘟嘟效果, 因為Miele蒸爐係無倒汗水!

同埋好愛Miele蒸爐可以一次過蒸大量食物.   因為有三層, 如果用我呢隻款既碗整, 一盤有六碗, 可以整到18碗, 你話係咪勁!!! (期待黎緊蒸蘿蔔糕)



DONE! 

凍/熱皆美味!

承熹話呢啲係奶奶, 食完唔洗飲奶奶,, 哈哈!!!

呢個食譜係朋友教的, 我上網睇過坊間一啲食譜, 大致上一樣, 不過有啲就教要過篩, 又要包保鮮紙

我就乜都無, 快靚正15分鐘攪掂, 我覺得效果都好滑... 隨個人喜好可加紅荳蓉或蕃薯蓉, 我諗一樣好味!!!!

大家可以試試~

聖誕雜炒~

聖誕加元旦假, 雖然大少無額外攞假放串燒大假, 但公司好好, 好多時都有得早放, 所以感覺同平時返工唔同

呢個幾日星期我地大部份都出外食或開party, 食到個人都肥晒....

加上呢幾日天氣勁凍, 更加想食多啲高熱量既食物, 好似我咁, 日日係屋企食朱古力, 真係唔知死!

俾大家睇下雜炒聖誕相, 遲啲再補返派對相...

妹妹不知不覺已經快11個月大, 依家開始周屋走, 比起哥哥百厭, 依家已經放手自己行幾步

平時帶佢出街, 妹妹都坐唔定, 一定要痴我抱, 湊佢真係有少少吃力!

不過我都知道呢一切都係過渡期, 唔洗好快, 妹妹又可以自己行, 自己走, 再過多大半年, 佢就好似哥哥咁識表達, 有自己既獨特性格

雖然我有時會覺得妹妹好麻煩, 但另一面我又好enjoy佢咁痴身, 咁bb feel, 哈!


23/12  餓底聖誕派對

聖誕女郎~

24/12 與友小聚, 跟住同屋企人返怖道會

撞啱阿餅一家係太古TEA, 叫佢過黎影左張相, 哈!

 

 

 

 

25/12 - 留家休息

同爸爸合力砌火車, Thomas crossover Lego

大少最叻就係無個樣整個樣, 係佢先咁有心機同承熹砌火車, 而且仲發揮創意用lego去砌條橋出黎, 我自問真係無咁好心機

 
兩個傻豬仔




26/12 BBQ 聖誕party

 
型女look出現!


妹妹朋友仔 - 施朗 BB


好年聖誕雖然好攰 (尤其姐姐放假既日子), 但都好開心!!!!!