Leave soon

最近心情起伏不定.... 感覺好奇怪, 講唔出既失落, 為免影響別人, 只好收埋自己

聽日同朋友去台灣旅行, 第一日會見媽咪... 希望我可以將自己既情感掩飾得好好, 免得被佢知道會擔心

今次唔會帶電腦過去, 甚至連電話都唔想帶.......

好想好任性咁出走一次,, 離開現實, 有咁遠走咁遠...

我好想開開心心咁做人,,, 經常眼淚洗面令到我d皮膚感覺有點兒刺痛

 

執著

好討厭自己對一D事好執著, 好著緊...

由細到大都對結婚, 完美家庭充滿憧景..

但其實結婚唔結婚係咪真係咁重要? 

係咪真係要睇得咁重??

婚前婚後既生活其實都知道分別不大... 咁其實我點解要咁執著?

愛上一個對婚姻不太有興趣既人, 我可以點?

每每提及到都會有唔開心既結果, 我諗再講都已經無意思..

我相信你對我係真, 對我好好... 其實我係咪應該已經要滿足呢?

我對好多事都可以睇得好開... 

但偏偏對感情就好著緊..

好多時我唔想嗌交, 所以我唔會出聲...

我希望自己過得開心, 亦都會令身邊既人都開心..

但有時候, 唔開心既感覺又會不知不覺表露出黎...

我知我唯一可以做既係不斷同自己講唔好諗, 唔好睇到結婚好重要, 唔好鑽牛角尖...

如果我改到.. 我相信呢個已經唔再係我...

 

      寂寞也揮發著餘香　原來情動正是這樣
     曾忘掉這種遐想　這麼超乎我想像

      但願我可以沒成長　完全憑直覺覓對象
     模楜地迷戀你一場　就當風雨下潮漲

       如果真的太好　如錯看了都好
      不想證實有沒有過傾慕
      是無力　或有心　像謎　像戲
      誰又會　似我演得更好

        從眉梢中感覺到　從眼角看不到
       彷彿已是最直接的裸露
       是無力　但有心　暗來　明往
       誰說　這算是　情愫

世事無常

見到blogger寫左一段有意思既文章... 同大家分享一下!

 

世事無常，變幻原是永恆，

所有東西會變，最美麗的東西會變，同樣最痛苦最不堪的東西會變，

但無常有一個更重要的信息，就是珍惜現在，珍惜你的所有，識得感恩，

不要為去追尋未來的$1000萬，而不去珍惜身邊的人，

你成日活在未來，不珍惜現在所有，你會連現在擁有的也沒有。

 

好多人都會為將來而努力,, 其實一個人努力係好事.... 但至少要搵到個平衡點

人既一生變幻無常... 無一個人會知自己會有幾耐命, 與其期望將來會過得更好, 點解唔好好珍惜現有的?

有時候做人太有計劃, 太多顧慮,,  其實係好定唔好呢?

人生就好似一場戲, 當你越係想擁有時就擁有唔到, 越係唔想要既時候就偏偏出現係你面前..... 天意弄人呢句說話, 我唔希望發生係我身上..