Royal Orchid @ Hilton (Abu Dhabi)

呢幾日忙於搬屋.....

搬屋真係一件苦差! 我係香港住左咁多年,, 都未試過搬屋.... 搬房就試得多... 已經夠煩人!! 原來搬屋仲恐怖~~

大少同我講, 搬屋係好煩架, 依家都未算!! 如果第時買左樓, 你又咁多野,, 到時要你搬, 你就真係會嗌晒救命啦!!!! 

我死撐地覆佢一句 : 唔會!! 因為我乜都唔搬,, 全部買過晒咪得囉!   

啱啱過左個星期六, 一早去新屋等傢俬... 攪完一輪已經十二點!  我地仲'懶' 閒情逸致咁去Hilton到食個Lunch Buffet... 價值 Dhs 69/head (約HK$140)

位於Abu Dhabi Hilton 1/F , Lunch Buffet 由12:00pm to 4:00pm! (但我地十二點去到, 佢話十二點半先ready好!)

室內環境較黑暗, 感覺好似去食dinner 咁

場內唔算多野食,, 不過係酒店食泰菜, 品質尚算OK啦!  不過我自己較喜歡放假時去D多陽光既地方,, 呢到太有情調,, 感覺唔夠relax~

一開始, 試下開胃沙律啦... 泰式酸辣沙律... 唔錯喎!

跟住就黎主菜啦... 都係一般羊肉, 雞肉... 什菜.. 無驚喜又唔難食咁囉...

我同大少最欣賞呢個, 記得之前係到試D中國菜館, 佢地所謂既小籠包, 燒賣, 粒粒D皮厚過乜咁,, 反而係到食泰菜, 食到皮薄饀靚既燒賣&餃子~~~ 好開心呀!

大少一心黎飲冬陰功湯... 但可惜失望而回,, 只有普通泰式湯麪... 我覺得好難食, 啖而無味!

泰式炒河!  另一樣味道怪怪既菜式~~

睇返D相先知原來好多時我都有夾到蝦片黎做伴碟, 但其實我有食埋佢落肚, 因為好脆, 好好味!!

最後我狂食左好多芒果&木瓜, 因為呢兩樣水果係到買都係較貴,, 依家可以任食,, 緊係食多幾件啦!

成個lunch 不過不失,, 因為係呢到食野不嬲都唔可以有太大期望...

大少話平時夜晚黎食散叫會好味好多,, 起碼可以order 芒果糯米飯喎!