仿台式魯肉飯~

大少係一個好易服侍既人...

隨便一碗撚手炒飯, 一碟蒸水蛋或係一煲湯既湯渣都可以令佢食到津津樂道!! (相對地... 就係咁, 我d 廚藝煮黎煮去都無乜太大進步!

)

前幾晚,, 又有一味餸令大少一路食, 一路讚!!

好好味呀!!! 點解咁好食既... 魯水送飯真係一流呀!! 百吃不厭~~ 點解咁好味架...

你點整架, 點解仲整得好味過我... 我個d已經整得好好味架啦.. 呀!! 果然一山還有一山高.. 你調既味仲正!!

讚到我都R晒頭?? 真係咁好味??  好易整咋喎....  我都係求其整咋喎... 你洗唔洗真係講到咁好味呀?? (攪到我都唔知俾咩反應佢好!)

只有兩個人食, 我整左幾隻雞翼, 有d 雞腎, 再魯多隻蛋俾大少食... (不過我已經開始嚴禁佢食蛋黃!)

雖然我係半個台灣人!!! 但對於台灣小食.. 我真係唔識整.... 但見屋企有免治豬肉剩... 又有魯水汁... 我咪順便炒香個免治豬.. 整個'仿台式魯肉飯'俾大少嘆下!!!

果然, 大少又係食到停唔到口,, 又係咁重覆又重覆讚好食, 又話台灣魯肉飯係佢既至愛.. 佢前前後後讚左好多次!   食飽都攬住個肚話飽得好舒服.. 真係好好味~~~(我知,, 其實可能未必係我整得好食, 只係我捉正佢條路,, 因為大少不嬲都好鐘意食排骨呀, 肉碎呀呢d... 一有呢d送飯.. 佢就例必添飯!!)

我今次仲要抵死到煮日本米黎送魯肉飯... 因為台灣d飯同日本米好似, 又係肥肥, 圓圓一粒粒, 好有口感架!!

HAAAAA..... 我唔知自己d廚藝係好定壞... 煮到餐飯令到大少食到咁開心.. 我都好開心!!!