搬家啦!!!

越黎越迫近唯讀模式, 唔想走, 唔想理, 但始終都要處理...


今日就試試按下"備份", 從此與Y!blog 永別了!!!!


要搬去一個新既地方係需要時間慢慢適應, 


希望到時大家都會繼續保持聯繫, 再續前緣, 哈哈!!!!



我google blogspot 既新網址 : http://happinesslittlewomandiana.blogspot.hk/

facebook fans page : https://www.facebook.com/happinesslittlewomandiana


See u all later~ (希望搬家成功啦)

自製證件相

又到妹妹開始要報幼兒園既非常時期

加上妹妹係龍年出世, 唔洗多講, 大家都知咩事

不過唔知係咪始終係第二個, 有左經驗加懶左

我個心態又唔係太緊張妹妹無書讀

今次抱住平常心諗: 無N班收佢咪唔讀N囉, 上多兩日playgroup都一樣, 反正有哥哥做人版, 應該問題不大.....................掛?!

眼見同年出世既家長通宵達旦捱眼訓去排幼稚園入學申請表

老實講, 我真係無咁偉大, 亦都好鄙視呢啲學校

我唔明點解佢地要公怖只得幾多份申請表?  係都要攪到啲家長發晒矛咁先開心

點解佢地唔由得家長上網自己download application form, 用上網方式交表咪仲方便快捷, 又環保, 又慳時間 (佢地收信, 拆信, Filing等.. 呢啲時間都唔少啦)

如果真係爆晒人數, 咪以先到先得形式去安排面試囉 (即先成功入表就有得in先), 夠數咪停, 打後啲人咪唔好安排面試囉, 橫掂電腦收申請表, 無需要既資料delete佢咪一了百了!

至少咁樣唔會製造恐慌, 家長唔洗發晒矛, 對大家好~

唉, 發完up瘋 (以上純粹個人諗法, 可能現實中真係行唔通, 一定要家長訓街先Work, 我唔知啦~)

Anyway, 雖然我話唔會去撲學位, 不過我仍然會嘗試屋企附近個幾間(唔洗訓街個啲) , 其中一間當然包括承熹讀緊呢間, 始終我都希望兩兄妹可以讀同一間學校麻.... 至於結果係點, 就要學懂交托, 等神去安排!

交入學表需要一張sharp醒既學生相當然唔少得

 

多謝烏吱媽教路, 可以自己係屋企自拍證件相, 影完揀好心水靚相後, 用一個software一click, 就可以做到一張4R分割左八張證件相既效果出黎, 然後攞去曬相店到曬, 平靚正!!!!

我就揀左兩張相, 一張含蓄啲, 一張活潑啲, 你地鐘意邊張多啲?

 

 

前前後後影左二三十張, 得2張可以做證件相, 其餘就傻下傻下咁, 得啖笑, 哈!!

大家有興趣可以去以下網址試下自己做

http://www.openplatform.com.hk/chinese/photodiy.htm

(不過呢個網站好似用手機開唔到, 要用電腦先得)

巧虎月刊

前排經烏吱媽介紹有得訂[巧虎月刊]香港版, 所以係剛過去既書展時就訂左一份俾佢地睇

依家暫時只提供"寶寶版"(for 1-2歲) & "幼幼版"(for 2-3歲) 既內容

係出年9月就有"快樂版" for K1小朋友

因為我見幼幼版內容其實都啱承熹睇, 有啲可能佢都識, 但就當再同佢重溫

另外妹妹都可以一齊睇, 慳返一年寶寶版麻~

九月係第一期, 每兩期會送一款玩具, 同書既內容有關係, 以便令小朋友更易明白!  今次送既玩具係巧虎同小花(巧虎剛出世既妹妹)公仔

故事主題: 巧虎做哥哥了

另外都有應節主題

仲有啲貼紙及遊戲咭

DVD一隻: 有歌曲, 故事等...

佢兩個一人一隻公仔, 唔洗爭

日日都要睇巧虎DVD, 睇到手舞足蹈

俾大家參考下佢地既大概內容

http://happinesslittlewomandiana.blogspot.hk/

最近有時又想寫返blog... 人真係犯賤, 要係失去既時候先懂珍惜!


暫時未知邊個地方適合我... 但我都試下係google+到寫下blog...


如果大家有興趣就add我啦!!


http://happinesslittlewomandiana.blogspot.hk/


or

繼續支持FACEBOOK 

https://www.facebook.com/happinesslittlewomandiana


任君選擇! 

2013.8月份家庭照

眨下眼承熹同采霖分別三歲半同一歲半, 時間過得真係好快.... 暑假都快完結~

承熹既生長記錄實在太攪笑, 不能盡錄, 好多都要即時寫係佢地既fanspage到,
否則好易忘記

而妹妹既情況就較援慢, 已經18個月, 佢既說話技巧仍然欠理想, 好多野佢係明,
但佢就係唔肯講

其他自己進食, 用杯飲水, 大小肌肉等就OK (因為今日啱啱去完健康院, 所以口吻好似姑娘..
哈!)

上個月我安排左一家人去左影樓影相, 因為妹妹一歲大時都未同佢影相, 跟住又搬屋去旅行所以閣置左, 趁暑假有時間就book黎影!

兩個小鬼仍然係超級為食, 影相既時候個口未停過.... 

妹妹更加不受控制, 唔肯笑, 又周圍走... 我一行開少少佢就扭計, 影到大家都好攰!

不過今次我買呢個優惠好抵, 只係$599, 包2小時攝影及簡單執相, 全部相底交還...  (最鐘意就係咁, 唔洗下下就住揀相, 依家好多閒閒地一張相都四五十蚊張)

如有大家有興趣, 可以上fb 睇下佢地最近有冇咩優惠 "https://www.facebook.com/PangPhotography"  

Dr I Kids EduCentre 體驗

好耐無寫blog啦, 自從開左facebook fanspage後, 好多時啲野都係fanspage(右手邊有我fanspage 條link) 到即時upload, 過左氣又懶得寫返blog~


無add我fanspage既朋友可能唔知道呢幾個月黎我地做過啲乜


不過其實都無心特別, 最大既變化就係我地又搬屋, 搬大左, 近左承熹學校附近


另一件麻煩事就係自三月起我地一家人斷斷續續咁病到依家


一個好返又到另一個, 最嚴重就係我, 其間病到失聲, 到左依家把聲都未好返晒! (一唱歌就知, 完全唱唔到高音 >_<)


最近又到承熹病, 首先係上星期一開始發燒, 好彩係低燒, 個人又好精神... 但過幾日就開始有咳, 睇左醫生話喉嚨發炎~


唉, 好攰啊!!!!!  成家人沒完沒了咁病令到我好煩惱, 成日都驚又一次過一齊病, 究竟流感高峰期幾時先過?



好啦, 等我講下其他野先~

之前烏吱媽知道我想幫承熹搵phonics學, 所以介紹我去上Dr Kids Phonics課堂, 可惜之前又病又搬屋又去旅行等一直夾唔到時間..

Dr Kids 好貼心咁送左一套習作薄俾我睇睇先, 仲有一隻好可愛既博博熊公仔喔!

 

估唔到一向唔好公仔既承熹, 又好鐘意博博熊, 依家佢自己一個一間房, 晚晚都要同博博熊訓, 仲成日幫佢襟被! 哈~

呢套習作分三個Level: Starters/Movers/Flyers

我本身無特別好谷咁教承熹英文, 平日對答都唔會加插英文, 最多都係有時俾佢睇下啲Apps, 睇下故事書咁. 不過佢學既英文字都唔少, 好多野佢都識英文既讀法, 發音仲好鬼正(跟Apps讀)!

不過睇Apps始終都係要成日望住部電話或ipad, 我就唔係咁想, 所以都戒左好一段時間無再睇ipad, 只係好耐先玩下Apps既拼圖games

初初睇呢本習作覺得都幾深下, 因為用listening既形式去完成, 聽內容, 答問題!

以承熹既年紀及學識, 我都唔expect佢會識做, 不過照陪佢一齊試下, 睇下佢聽到幾多

初時做佢都有啲唔習慣, 後來聽多幾次, 發現佢都識聽好多, 不過就要重覆俾佢聽多一兩次先catch到 

例如上圖左手面既習作係聽指示講 A dog behind a chair, 跟住就將隻狗連線去張櫈後面

雖然承熹唔明 behind, in front of, under, between of 等字眼, 但佢識動物及物件名, 所以都略估到一二,

如是者, 聽多兩三次, 佢已經分到  behind, in front of, under, between of 等字眼...

 

另外我十分欣賞Dr Kids 呢套習作, 真係好用心去製作!

初時見到本薄內附CD, 加上係listening形式去做, 我心諗: 下, 咁麻煩, 要播碟?!!

再細心睇下先發現原來每個chapter都有一個QR Code, 只需要手機 (iphone/Andriod機) 一影低個版既QR Code, 就代替左用CD去聽, 十分十分方便!!!!!

另外佢地仲有啲習係劍橋英語模擬試題, 呢樣我都幾鐘意, 有機會都買黎試下俾承熹做~

而且佢地每個chapter既做法都唔同, 唔會太沈悶, 唔錯呢!

做到第三個chapter, 承熹開始聽得明更多既指示, 做起上黎更加得心應手, 好開心!

呢兩日病左係屋企, 全靠有呢啲習作做下先無咁悶~




另外Dr. Kids有電話Apps(free for download) & 博博熊漫畫提供, 都係好精美, 可以學到好多野, 大家有興趣可以去睇睇


想知道更多詳細資料, 可add佢地facebook 查詢 : https://www.facebook.com/DrIKidsEduCentre

&lt;&lt;好消息&gt;&gt;Birthday Gift by Kidinc

好消息!!!!!!!!!!

話說Kidinc睇到我上一篇blog 知道2月份係承熹同采霖既生日

佢地知道我一向係Kidinc既粉絲

所以好好咁送左一份禮物俾我地


禮物就係........

 

 

 

 

 

 

 

 

禮物就係送我同埋我既讀者獨享全店7折優惠!!!!!!! (之前過年期間都有七折, 但已經完結, 依家真係只係for 我同你地咋~)

大家只要係佢地既Website : www.kidincstore.com 到結帳時打入: dianarocks 就可以享有7折啦~

呢個優惠由今日起至到3月10日, 大家唔好錯過啦~


**  多謝Kidinc 咁窩心既禮物  **