Buffet Dinner @ Cafe on M

上星期六同以前一齊係杜拜工作既朋友聚會

選擇左係海景嘉福 Cafe on M 

之前暑假約同朋友黎過一次食lunch, 覺得佢地既價錢同食物質素都唔錯

當日都無令我地失望

海鮮部份都好新鮮, 承熹最愛長腳蟹, 佢仲食得多過我.... 我剝都剝唔切!

生蠔都唔錯.. 另外仲有凍蝦, 青口, 龍蝦仔等... 

熱葷方面都有好多選擇, 我自己最鐘意係燉湯, 蟹粥, 燒青等... (人大左, 依家食buffet既戰鬥力明顯無以前咁強勁, 所以都唔係全部試得晒)

甜品蛋糕款就唔太多, 但勝在生果類有士多啤梨, 係小朋友最愛!!!

 承熹同妹妹每人應該都食左十幾廿粒

 

曾經係杜拜一齊生活, 成日一齊玩既朋友, 好多已經好似我咁有左小朋友, 相信將來會越黎越多添.... 以後我地出黎gathering必定會越黎越熱鬧!

終於完成搬家行動

Yeah...... 終於搬家成功啦!!!!!!!!!!!!!!!!!!!!!!!!!!


之前一直聽其他blog友話要搬Yblog去其他平台係一件幾麻煩既事...

有啲blog友好好彩, 有朋友幫忙; 有啲較受歡迎既blogger就有專人幫佢搬屋;

有啲唔想麻煩就直接俾錢搵人攪...

電腦白痴既我一直都作最壞打算, 心想如果真係唔識搬, 唯有接受現實 ---- 忘..記..它....

雖然YBlog  記錄左我同大少, 同朋友, 同blog友, 甚至好多無關痛癢, 大大小小既美好既回憶

但可惜好似我之前所講..... 呢個世界無野係永恒 (當然除左主耶穌既愛啦!)

所以一心諗住真係無得保留既話, 只可默然接受!!

但好感恩...

有一日俾我發現某位blogger話佢搬家成功, 過程仲要唔係佢想像中複雜, 只要step by step就可以完成

就係咁, 我又嘗試細讀一次教學既網誌, 睇完又睇, 一步一步跟住做..

當中最麻煩既過程係我有太多相, upload左兩日幾先upload得晒

其餘都有少少問題, 但感恩神賜我小聰明, 自己又不停反覆睇返個教學... 俾我誤打誤撞又成功攪得掂!!! (呢樣真係好感恩, 我呢啲電腦白痴都做到, 實在係一個奇蹟!!)

當然, 仲要好多謝好多謝寫教學個位blogger ---- 豆丁 (萬分感激)

http://seeddauding.blogspot.hk/2013/09/from-yahoo-to-blogspot.html?m=1

佢好細心一步一步圖文並戊咁教大家, 又好不厭其煩咁解答大家問題, 我係其他人問既問題中都搵到一啲自己遇到既困難, 就係咁我先可以咁成功攪掂


如果大家都有我以上既問題, 不妨都花點點時間去睇下點樣輕鬆搬屋, 如果有任何問題, 我都歡迎大家問我架 (當然, 我既電腦知識並唔叻, 但起碼我親身試過, 可能大家與到既問題, 我都遇過, 可以同大家分享下)

希望大家都會成功啦!!!!!

搬家啦!!!

越黎越迫近唯讀模式, 唔想走, 唔想理, 但始終都要處理...


今日就試試按下"備份", 從此與Y!blog 永別了!!!!


要搬去一個新既地方係需要時間慢慢適應, 


希望到時大家都會繼續保持聯繫, 再續前緣, 哈哈!!!!



我google blogspot 既新網址 : http://happinesslittlewomandiana.blogspot.hk/

facebook fans page : https://www.facebook.com/happinesslittlewomandiana


See u all later~ (希望搬家成功啦)