我地依家既生活黎黎去去都差不多, 有八成既時間都係照顧小魔怪為主.
不過都算OK既, 唯一犧牲既係睡眠時間, 其他都唔算有太大影響, 起碼我地都仲有興緻去行街shopping, 食tea & 睇電視等! (哈, 已經算係好識得忙裡偷閒啦!
)
最近發現小魔怪大隻左好多, 尤其個身長左... 雖然我唔知佢長左幾多, 但睇返佢著既'夾乸衣' 就明顯睇得出件衫越黎越fit, 唔再係長到拖地! 仲有就係佢既喊聲都隨住佢既日數增長而增大, 我相信佢既喊聲, 應該嘈到隔離屋都會聽到, 所以最怕佢喊!
飲奶方面, 佢都算好合作!! 人奶就唔洗講, 佢勁享受飲人奶既過程, 一埋身飲就chur到好行, 唔洗一陣就會好快想入睡; 但無奈我唔夠奶, 所以每餐都必定要補奶粉. 如無意外, 一般半個鐘耐都會飲到120ml, 尋晚開始好似飲完都唔夠飽, 要俾夠150-170ml 佢食, 先訓得林!
講到最唔合作既就係換片片, 十次換親有八次都係喊, 仲要喊得好勁, 好似我地想劏左佢咁! 同埋呢隻小魔怪成日都吼我就攪掂時先o黎開水喉, 小則又嘥多條片, 大則攪到成身濕晒, 換片不特止, 仲要再幫佢換過晒套衫!
另外有一樣野我唔明, 佢訓覺時特別多聲氣.. 成鬼日係到好大聲叫一聲 (個d聲應該係由喉嚨到發出) , 好似好不滿咁! 但一兩聲後又訓過.. 唔知佢係發緊夢? 定係投訴緊有人嘈住佢? 我諗應該唔係健康有問題掛?!
我自己呢..... 除左唔夠訓, 各方面都算OK (感恩!) ! 惡露好早就無晒, 而且'會陰'個傷口都好快埋晒, 醫生話子宮收得好好.. 不過, 醫生就強烈迫我一定要快D減肥, 否則遲左好難減!!!!
Oh... 我都知!! 但都唔知聽得邊個講. 倍月姨姨話餵人奶就唔可以減食, 要食多D五殼&湯水先有奶, 而且初初餵完奶好多時都會肚餓, 我就會即時食野, 有時半夜都照食, 不過依家唔敢lu... 有人又話餵人奶會瘦, 我諗我呢d唔多奶既人, 應該唔會瘦得去邊! 西醫話我夠大隻, 唔洗點補都ok, 但屋企人就話唔得, 一定要補好d, 將來身體先好!
咁...................究竟我幾時先可以減食呢? 見住自己個大肚腩, 原本無抑屈都變有! 唉~
呢個衰仔訓都訓得衰過人!
有時睇佢個樣好老積, 有時就似返個bb.. 我想佢似bb多d, 唔好咁老積!
唔知佢發緊咩夢? 成日發夢都係到笑, 有時仲笑到卡卡聲.. 但醒左又唔識笑喎, 激屎!
全家福!
