妹妹粥仔食譜

好多新手媽咪面對BB踏入六個月轉食米糊或粥仔時都會顯得好不知所措!

我以前都係咁, 成日覺得好似天大既煩惱就快來臨咁..

經過第一胎既經驗, 今次到采霖進入食粥仔呢個階段, 我當然輕鬆好多啦~

再加上有Miele個蒸爐, 更加係將呢個麻煩程度再大大減低!!! (饒恕我成日提呢個蒸爐, 但我實在好愛佢... 哈!)

 

以前我會用飯煲煲粥仔, 每次都至少煲九個字, 加上飯煲煲粥好易煲多左, 好多時要食兩日或倒左去, 其實都好嘥, 唔太理想!

記得之前Miele Event有介紹過佢地個蒸爐煲粥都好掂, 而且可以一碗碗咁煮, 啱晒煮BB份呢啲份量

每次煲前兩小時, 我會用熱水將啲米放入保溫壺內浸淋佢.  上面兩張相係浸左兩小時既米, 其實已經有少少爆開

初時進食會試節瓜, 南瓜, 蕃薯, 蕃茄; 跟住再加蛋黃; 最後會加肉頪: 三文魚, 魭魚腩, 雞肉, 豬肉



時我就係一次過蒸晒幾樣, 當然時間長短唔同

1) 最先係米: 蒸25mins
2) 跟住大約過左15mins放入魚/肉
3) 最後剩5mins放菜 (只要將瓜類切薄片就好快可以蒸熟, 薄片比切粒更好)

以前我係用水烚菜的, 但發現好多時烚完啲菜好多時一唔留神烚耐左, 變到好似霉菜咁. 同埋大家都應該聽過烚菜既營養流失係多過蒸, 所以概然都係要煮俾BB食, 當然想做好啲, 改用蒸既方法會比較理想.

另外就係一次過蒸可以慳返火力, 又唔洗洗咁多野! wakakakaaa


 
蒸前 /  蒸後

蒸完既粥, 呢到啱啱夠兩碗份量, 唔多唔少, 唔洗食隔夜粥!

 
連同蛋黃一齊打幾秒, 唔洗打太耐, 因為本身已經好棉


 
魚類切忌蒸太耐, 否則會變 'un', 細細舊蒸7-8分鐘已夠

 
肉同菜就要打耐少少, 因為BB仲細, 好容易啃到, 怕啲食物人左氣管就麻煩!


 
如果真係無時間做到日日煮, 我會建議肉類及蔬菜可以一次過蒸多少少, 打蓉後攤凍就放入一條條或一粒粒凍格內(要有蓋), 然後放入冰格, 每次食前攞一至兩條份量蒸返熱佢, 效果其實一樣的 (健康院姑娘教)



三文魚節瓜蛋黃粥



雞肉甜薯粥

南瓜雞肉蛋黃粥



做好既粥仔會似糊仔咁, 唔會太稀, 容易進食!

好感恩, 妹妹同承熹一樣都係為食妹一名, 佢初初試食糊仔時係有少少抗拒, 因為仲未識吞, 但大約食左一個星期後已經不停追食!

至於食粥仔, 妹妹愛較杰身既粥, 佢可以十分鐘內食晒一碗大combi碗!

由於較杰身, 所以每次食完佢又會好合作咁飲好多水, 好好既一個因果效應, 哈哈!!!!

呢隻衰妹, 餵遲一陣都大叫

今胎有左