Miele Steamer 清潔方法

想分享一下Miele Steamer 既清洗方法

因為上網Search Miele 既用家分享唔多, 所以我都希望藉著自己係用家既身份, 係到分享多啲關於呢個產品(因為我地覺得真係好好用), 希望幫到其也用家或考慮緊既買家

自從有左Miele 蒸爐, 我日日都用佢黎煮粥俾妹妹食, 真係好方便~

但上星期某一日個蒸爐突然企左係到唔郁, 無反應, 只係show 個時間同一啲符號出黎 (以下圖片)


初初心諗, 唔係掛, 咁快有問題(最怕俾工人用壞)?  但後來睇返說明書先知原來呢個符號係一個溫馨提示

平時蒸完野無乜特別需要清理, 只係抹下入面啲蒸氣水就可以

不過一個蒸爐始終都係整食物, 又點會無污垢?

所以Miele既蒸爐好細心, 當你個蒸爐用夠一定次數 (好視乎用得密唔密), 佢就會有以上圖片既提示, 表示係時候同部機做清潔啦!

我自己好鐘意呢個功能, 因為大家都知熱水壺或烚奶樽器都係需要定時用檸檬酸或其他清潔劑清潔, 否則都會有污垢或起漬

但有時候真係大頭蝦左唔記得定時清理, 到發現時先記得原來都隔左好耐了!!!



Miele既用品要用返佢地專用既清潔劑, 一盒二百幾蚊有六粒, 係Sogo有售或打去Miele銷售部訂兩盒有得免費送貨~

其實都係檸檬酸個類清潔劑, 不過大粒好多! 每次用一粒便可 

 

 

 

只要將儲水器裝滿水後, 放一粒落去, 再按開始. 22分鐘後就清洗完成, 最後將儲水器沖洗兩至三次即可, 十分方便!

溫馨提示:

其實如果當你見到清潔提示出現, 但屋企咁啱又未有清潔劑, 你都可以照按開始, 由得佢蒸22分鐘後, 蒸爐會以為已經清潔完畢, 咁就可以正常運作返.

當日我就係遇到咁既情況, 日日慣左用蒸爐一次過蒸粥, 菜同肉俾妹妹食, 突然間個蒸爐企左係到用唔到真係幾麻煩, 好彩打去服務熱線問個明白就知道有呢個小秘技, 哈! 當然, 確保蒸爐壽命可以更長久, 食得更安心, 我都會建議大家按時替蒸爐做做清潔呀!