餅餅生日飯

聽日係芝士餅生日, 佢地一家會去澳門慶祝, 預祝人地一家玩得愉快~

上星期五約左烏吱同餅餅一齊去食生日飯, 預早慶祝, 順便俾承熹同餅餅一齊玩

 
每個小朋友天生都有唔同性格, 餅餅好主動, 好活躍, 承熹相比就顯得較文靜同含蓄, 好慢熱

  
餅餅見到我部電話又好好奇攞黎玩, 我即時用佢個樣整個buddy出黎俾佢玩, 佢覺得好新奇 (分享Samsung Apps係最低下)

 
承熹就化身做bar tender, 係到將啲水左倒右倒

餅餅好可愛, 雖然同承熹同年, 但爭八個月就真係爭好遠, 餅餅仲有啲BB feel.. 承熹就好老積

  

  

  
餅餅一向對承熹都好熱情(應該話佢對個個都好熱情, 哈), 但承熹就成日都避開佢, 唔令餅餅情

但當晚承熹都俾餅餅既熱情溶化了, 終於都接受左肯俾餅餅拖或靠近, 哈哈~

見到佢兩個好好笑, 佢地個高度好襯, 嚴如一對小model咁

 
好彩係餅餅生日前趕得切係美國訂到件Birthday Pricess俾佢生日著

終於肯糖痴豆啦

 

 

  
  
好sweet~

餅餅, 99預祝你越大越醒目, 健康快樂, 聽教聽話!

食完飯同兩隻馬騮去玩一陣車車, 兩個興奮得不得了!

 

餅餅同承熹一樣, 都唔愛入錢玩, 只愛就咁坐上去已經滿足

不過玩玩下餅餅突然睡魔急call, 即時扭眼訓唔肯再玩 (小朋友就係咁直接, 哈)

傻豬仔!




呢個Android Apps叫Buddycon 2.0, 可以免費整兩個連絡人圖像, 有左呢個圖像, 佢會係你個screen到行黎行去, 跳舞...

你一按個公仔兩下就可以直接打撥去呢個連絡人, message, whatsapp 或玩games, 十分攪笑, 值得download