曼谷四天團 - Day 1 (useful info.)

剛剛過去既中秋假期, 我地一家加埋承熹采霖契媽一家齊齊飛去泰國曼谷玩四日三夜

由於契媽唔想請多日假, 所以我地就等埋佢地一齊坐夜機 (香港航空)

不過經過今次既經驗, 我以後都唔會選擇坐夜機, 因為有細路坐夜機真係好辛苦... 

另一個經驗就係如果有小朋友既家庭, 千萬唔好選擇香港航空 (遲啲再解釋)

>_<

今次我地選擇左香格里拉酒店, 原因只係......個人喜好, 哈!  

所以大家唔好以為因為呢到特別適合小朋友或特別方便, 如果講方便, 我相信有更好的選擇!! 

但當然, 香格里拉都係一間十分舒適既酒店, 如果入住都一定唔會令你地失望~

可惜一到步兩隻小鬼已經訓得好淋, 所以我都無時間再影下間房, 啦啦聲攪掂佢地就訓覺

******************************************

我已好經好耐無去泰國啦, 數數手指都有成六七年, 所以今次行程同各樣準備都係多後契媽Cherry既悉心安排, 先可以玩得咁開心.....

另一個溫馨提示: 記得落機出閘後, 係機場大堂有電訊公司可以買到電話咭

一張呢啲電話咭價值299B (約港紙7X幾蚊) 但就包左七日既電話通話及3G數據上網, 3G數據仲可以share俾身邊既朋友一齊用, 都幾化算 (佢實際係有一個電話分鐘及數據用量既限額, 但一般我地唔係狂打長途或Download movie, 只係上下FB & whatsapp, 絕對夠用) 

電話咭除左方便大家上FB, 或是同朋友失散後可以用Whatsapp聯繫返之外, 最方便係可以用佢黎上GPS, 可以避免啲發瘟的士司機狂兜路, 呢樣係十分重要!!!!!

另外大家可以放心, 呢間電訊公司提供唔同型號既手機的Sim card大小, 就算半夜機到, 電訊公司啲人仍然有服務, 會幫你安裝好Sim card, search到台先俾你用, 十分安心 ~ (呢點我都好欣賞的, 估唔到半夜兩點幾到步, 機場啲商店仍然好熱鬧, 好多仲係未關門的)

*************************************

仲有一個資訊提供俾一家大細去既朋友知, 由於一家大細多數都有BB車或有其他親戚一齊去... 

就好似我地咁, 今次帶左兩架士的車, 加埋自己一個大喼, 契媽佢地一個大喼, 其實一般既的士係裝唔落咁多行李, 所以我地都一早book定一架七人車的士, 佢會係機場等你, 送你去到目的地, 價值泰幣800B... 其實價錢可能唔係十分抵, 同你係機場截架機場的差不多,, 但我地貪佢一到步就有人接, 唔洗再自己搵黎搵去, 又有人叫做Serve下你, 幫你推喼... 你地都知有小朋友幾咁'泥計'架啦... 所以我都會建意有大有細既朋友可以一試!!!!