曼谷四天團 - Day 2 (Part 1)
由於前一晚半夜先到達酒店, 大人們都好攰, 所以大家都訓到差不多九點半先起身, 小鬼們一起身當然非常興奮(唔知點解大部份既小朋友都好鐘意住酒店??)
大家急急忙梳洗完落去食早餐
感恩我兩個小朋友都算鐘意食野, 所以每逢出去食飯我都有少少既時間可以安靜一下, 自己都有得食, 不過妹妹就較麻煩, 有頭無尾.... 一飽少少就即刻又貼身膏藥咁痴實我, 都係承熹乖啲!
可惜當日落雨, 我地唔可以去游水, 大家唯有施施然食完早餐, 返房爆個堆, 休息下, 又到食晏時間 : p
契媽揀左呢間 Mango Tree食Lunch
環境無乜特別, 食物都OK
特別介紹呢個泰式沙律, 一般香港人食慣既泰式沙律都係柚子蝦, 青木瓜等... 但其實呢款泰式沙律都好好食, 值得一試!!! (香港唔係好多泰國餐館有)
佢係用一塊葉, 包住以上既材料一啖放入口, 多種唔同味道一齊湧出黎, 好特別架~
由於大家個早餐都食得太豐富, 所以到食晏時間都唔係太肚餓, 只係輕輕叫左一啲食物, 留返個肚去Chocolate Ville再食過!
到此一遊照 ~
下一個我好期待既地方....... Chocolate Ville (待續)
沒有留言:
張貼留言