幸福小女人- Diana: 大小節日慶典

顯示具有 大小節日慶典 標籤的文章。顯示所有文章

2013年3月3日星期日

團拜新菜式[荷香麵包蟹蒸糯米飯]

過年時期初七個日係我同班best friends既團拜聚會

今年過年想整一啲新菜式, 所以除左過年必備既發財好事, 冬菇炆雞腳外, 我今年特別仲整左荷香麵包蟹蒸糯米飯, 燒腩仔同埋珊姐雞

燒腩仔同珊姐雞都係跟馮美基May姐本食譜

而<荷香麵包蟹蒸糯米飯>就係跟Miele之前係大閘蟹季節時係Sogo 10/F Miele counter攞既食譜咭整既

不過我就唔係用大閘蟹, 改用麵包蟹

初時都有啲擔心會失敗, 因為我本身唔太愛食蟹, 所以怕唔識整

但好感恩, 出到黎既效果十分十分好, 大家仲激讚

最開心係, 其實個做法係超簡單, 效果卻好好, 啱晒我地開party食 (好味得黎又唔阻時間去整)

今次我整左六個餸, 一個飯

發財好事同冬菇炆雞腳雞翼係前一晚整定

當日只係用焗爐整燒腩仔

且埋烚珊姐雞

其餘都唔洗點落獲炒, 亦都唔洗成日留係個廚房

啲西蘭花同糯米一齊蒸, 蒸3分鐘即可, 保持翠綠又唔會太淋

當日朝早買既麵包蟹, 屋企樓下個街市有間海鮮批發店, 所以可以買到好多較特別既海鮮

下次想挑戰龍蝦!! heeeee

做法非常簡單

糯米先浸3小時, 然後蒸40mins, 我煮左8 嘜米 (用獲蒸可能要耐少少)

溫聲提示: 糯米已浸軟, 所以蒸飯時唔洗落太多水, 比正常煮飯減少1/3

蟹切件洗淨, 用鹽, 糖, 豉油, 熟蒜(我用李錦記蒜蓉醬)及少許薑醃30mins

兩塊荷葉洗淨, 用熱水過一過令佢軟身 (用蒸爐蒸1分鐘亦可)

最後拼埋: 將荷葉放底, 放入糯米飯, 蟹件鋪面, 連同蒜蓉粒以100度蒸20分鐘 (視似蟹既大小再加減時間)

即可~

真係超級方便

啲糯米飯完全吸晒蟹既鮮味, 加埋蒜蓉吊味, 真係好好食!!!!

每次同一班好朋友聚會, 見到大家食得開心, 玩得開心, 就算幾辛苦都覺得值得... (不過今次真係好輕鬆)

2013年2月18日星期一

承熹采霖生日會2013

每年十二月至二月都係我地家最熱鬧既時候

因為12月係聖誕, 1月係我生日, 2月係大少, 承熹, 采霖既生日, 再加埋情人節, 過年等大大小小節日, 真係開心到不得了!!!!!

係2月2日我地特別為承熹&采霖舉行左一個生日會 (哥哥三歲, 妹妹一歲, 兩個相差6日)

原本都十五十六唔知攪唔攪好, 但突然有一晚訓唔著, 上網search下有咩地方攪生日會係平靚正

最後我選擇左"薯仔屋" (但老實講, 佢地唔算平, 不過叫做地方就腳, 包晒食物飲品, 又無太多限制, 啱晒我呢啲怕麻煩既人, 所以就扑搥)

由於我揀左佢地"新會道本店"位置 (我鐘意佢個到似屋企Feel, 感覺好cozy!! 佢地有另間凡高廳可以容納60人), 所以人數方面要就住大約三十人到, 唔係會太迫

就係咁, 我主力只係請有小朋友既朋友一齊參加, 而且希望大家既年齡相若, 玩起上黎唔會有太大衝突, 哈! (我好怕有啲大個啲既小朋友成日蝦啲年紀較小的)

話咁快就一歲, 但妹妹啲頭髮依然好少

哥哥三歲了!!!!! 越黎越明白事理, 但相對少左一份BB既無知感, 對媽媽黎講好矛盾, 又想佢快啲大, 但又想佢好似BB咁傻下傻下

妹妹同哥哥暫時都未好識一齊拍住玩, 不過感恩佢地都尚算相親相愛, 好多時都可以和平共處 (如果妹妹唔再失驚無神整爛哥哥啲lego的話

)

阿茄個仔 - 豆豆, 好靚仔! 一出世啲頭髮已經多過妹妹依家

越大越靚女既Aubrey

開餐前影張大合照先!!!!! (真的好多謝各位俾面來臨)

薯仔屋好專業, 已經準備好晒開party必備既decor (等我仲買左Happy Bday banner & 派對帽, 不過唔記得攞去用)

佢地仲有啱大人玩既wii, 各類集體遊戲, 卡拉OK等.... 大人一定唔會悶

小朋友天地~

小朋友更加唔會悶啦, 佢地有大量各式其式既玩具, 又有地墊, 小朋友可以自己玩, 大人可以安心食下野, 傾下計!!!!

食物方面我一早都好放心, 因為係網上見評語都唔錯, 話晒都即時烹調, 起碼食既時候係新鮮熱辣, 唔會凍晒, 好多朋友既feedback都話食物好唔錯~

但最開心係有餅神Vanlily既精選甜品黎助慶, 大人同細路都勁愛!!!!

有雜碎果仁曲奇, Cupcake, Marcaroon & Mango Pudding, 個個都愛食!!!!!!! 好多謝甜甜啊~

妹妹首先體力透支訓左先~

Jadie好乖, 雖然有事要走先, 但臨走都送個goodbye kiss 俾承熹~
好多謝你地老遠都黎出席呀~

我係Kiwi Sweet到訂左個4磅 2D 麵包超人蛋糕, 個圖案係我自己影張相俾佢地跟主做, 因為承熹同采霖都愛打鼓, 做呢個款就唔會偏心~

講返Kiwi Sweet 既蛋糕, 好開心佢地做得好靚, 比例好好(好驚見到網上有好多做到比例錯晒既公仔蛋糕), 而且佢地2D蛋糕係用海綿蛋糕, 較軟熟同無咁漏, 我選擇左士多啤梨夾心, 應該係大路鐘意既口味!!!!!! 雖然3D糖皮蛋糕係靚, 但我唔想因為貪一時靚而嘥左個蛋糕, 唔好食又浪費, 所以我最後都揀左2D, 大家都話唔錯呢~

之前係Kidinc就係買左呢兩件衫, 好sharp既兩兄妹 ^_^

再黎一張大合照先~

最後就係要多謝大家既禮物啊, 今年收到好多實用既用品, yeah!!!!!

多謝大家!!!!

2013年2月4日星期一

采霖一歲生日快樂!!!!!

哎吔吔.....

我又遲左啦!!!!

2月4日係我家采霖妹妹一歲生日啊!!!!

妹妹, 生日快樂!

媽媽好希望你身體健康, 做個快樂寶寶就夠了~

妹妹11個月大已經識行, 每日都有進步, 越行越穩陣, 依家已經通屋走... 真係精力旺盛到不得了!!!!

其他方面大致上都無乜大轉變, 依家出緊第五隻牙仔, 開始識得反身從床或sofa落地, 每日都不停學學學, 尤其鐘意望住哥哥所做既一切, 跟住即時copycat

有時對住呢個妹覺得佢又可愛又百厭, 真係好抵屎!!!!

你睇下佢幾百厭

真係無時停!!!!

我終於明白人地話, 雖然同一個阿媽生, 但係兩兄妹啲性格真係好唔同!

承熹由細到大都係一個較斯文, 受控制, 膽小, 淡定既小朋友 (依家大左反而曳左 >_<)

妹妹就剛相反, 十分好動, 坐唔定, 好惡死, 好大膽既烈女

就係咁, 我有時都好R頭唔知點教佢?!

因為哥哥乖開, 依家對住阿妹, 我會覺得有啲吃力, 唔係好敢帶佢周圍去 (最怕佢成日係到大叫)