采霖一歲生日快樂!!!!!

哎吔吔.....

我又遲左啦!!!!

2月4日係我家采霖妹妹一歲生日啊!!!!

妹妹, 生日快樂!

媽媽好希望你身體健康, 做個快樂寶寶就夠了~

妹妹11個月大已經識行, 每日都有進步, 越行越穩陣, 依家已經通屋走... 真係精力旺盛到不得了!!!!

其他方面大致上都無乜大轉變, 依家出緊第五隻牙仔, 開始識得反身從床或sofa落地, 每日都不停學學學, 尤其鐘意望住哥哥所做既一切, 跟住即時copycat

有時對住呢個妹覺得佢又可愛又百厭, 真係好抵屎!!!!


你睇下佢幾百厭

真係無時停!!!!

我終於明白人地話, 雖然同一個阿媽生, 但係兩兄妹啲性格真係好唔同!

承熹由細到大都係一個較斯文, 受控制, 膽小, 淡定既小朋友 (依家大左反而曳左 >_<)

妹妹就剛相反, 十分好動, 坐唔定, 好惡死, 好大膽既烈女

就係咁, 我有時都好R頭唔知點教佢?! 

因為哥哥乖開, 依家對住阿妹, 我會覺得有啲吃力, 唔係好敢帶佢周圍去 (最怕佢成日係到大叫) 

Birthday Princess, 一歲啦, 希望妹妹你大大下會明白出街唔可以成日亂咁尖叫啦! 哈~



同埋希望你啲頭髮快啲生多啲

 

爸爸放工係美心買左個彩虹蛋糕, 屬於妹妹自己既生日蛋糕

妹妹平時八點半就要訓, 但今日因為要切蛋糕, 被迫等到九點影埋相先可以訓, 個樣呆滯左!

我知佢好想一手摸落去, 所以我不停係旁邊叫住: 唔好啊, 唔準啊.... (haaa)

係Old Navy訂左兩件衫, 今日生日一定要著晒, 否則無左個意義! (媽媽好seafood)

哥哥今日剪左頭髮, 好冬菇, 哈哈!

好啦, 個蛋糕係你既, 你無得食都俾你掂一下啦~

 

待哥哥替妹妹吹完爉燭後, 妹妹就入房訓lu.....

哥哥見到啲綿花糖就雙眼發光~

估唔到美心既彩虹蛋糕都做到唔同味道既效果, 都OK wor!


如果大家想每日都睇到承熹&采霖既攪笑事, 可以去facebook搵到我地架 : https://www.facebook.com/happinesslittlewomandiana

歡迎大家光臨!!!!!!