教導小朋友理財的卡通片

一篇聖誕前要出既post, 原來放左係草稿到一路忘記左, 實在唔好意思!!!!!


************************************************************************************************************************************

聖誕前有幸得到邀請出席Cha-Ching Cartoon既 blogger event

第一次聽Cha-Ching呢個名有啲陌生, 但原來Now 既Cartoon台一直都有播

呢個故事內容主要係教導小朋友對"錢"既概念... 尤其依家呢個年代咩都用八達通, 好多小朋友都以為有八達通就有錢, 唔會知啲錢究竟點得黎?

所以故事主題係講及 Earn, Save, Spend & Donate 呢四樣野, 用故事形式向小朋友解說錢係咩一回事, 係點得黎? 要用咩態度去用錢? 同埋要知道儲錢既意義及學懂要幫助有需要既人

"遇到跟金錢有關的現實狀況時，他們總是互相幫助。為了學習理財方法，他們創作了一些朗朗上口、以 4 個重要金錢概念為主題的歌曲，好幫助他們學習如何做選擇，以便得到需要和想要的東西，也就是：「收入、儲蓄、消費和捐獻」" 
 

Cha-Ching既故事主角有六人, 佢地係一隊band, 所以故事唔少得有音樂元素, 有好多好好聽既歌

雖然承熹同采霖咁細暫時唔會完全明白當中意思, 但如果真係要俾卡通佢地睇, 我都會prefer選擇一啲有意思既卡通

可惜既係暫時只有英文versioin, 小朋友未必完全明白, 不過佢地話將會推出有中文字幕! (其實我覺得都好啱大人睇, 因為好似我呢啲敗家媽媽, 成日俾老豆話我無理財觀念, 可能就係細個無乜人教 >_<)

一有歌聽, 承熹就好留心睇

Event中有兩位主角出現, 左手邊係Prudence, 右手邊係Zul

承熹有少少驚佢地, 哈

妹妹反而唔怕

 

 
Pizza Express 啲野食唔錯

原來Cha-Ching都有出Apps, 好啱小朋友玩, 而且係免費的, 不過承熹既年紀仲未好識掌握, 哈!

 

啲games 都係同音樂有關, 打下拍子, 都幾好玩!!!!  但個concept都係俾小朋友學習, 要付出先有收獲

另外仲有一份Back to the Budget俾小朋友試下自己去理財, 不禸過暫時就未啱承熹呢個年紀去做

Cha-Ching 主要target 7-12歲o既小朋友, 所以如果屋企有小朋友大約係呢個歲數, 不妨俾佢地睇下Cha-Ching, 我相信就算唔完全明白晒都會有個概念 (尤其依家啲小朋友咁鬼醒)

大家有興趣可以上佢地既Offical Web Site了解下, 佢地既網頁做得好精美, 而且詳細介紹人物及故事大綱, 仲有MV睇同遊戲玩, 內容好豐富

http://www.cartoonnetworkasia.com/cha-ching/hk/index.php