開心星期天@大坑

承熹(31M), 采霖(7M)

星期日最開心就係唔洗趕頭趕命去返工或返學, 可以好悠閒咁享受一餐飯, 見一見老友, 就係我最享受既時間

今日約左契媽Cherry & 未來契爺去大坑食tea

大坑多食肆就係人都知, 每次去親都心大心細唔知食邊間? (大家有冇好介紹?)

今日又係, 揀左好耐, 最後選擇左一間坐得舒服啲, 放到BB車既PizzaZaza (好似係新開咁, 之前唔覺眼)




一去到妹妹俾我嘈醒左, 訓醒個樣零舍精靈~




采霖一見到契媽, 個樣好攪笑, 好疑惑, 又驚又想撩人笑咁... 笑死!

妹妹依家識認人, 基本上佢比起承熹愛笑, 見親人都笑! 但係如果對方太熱情靠得太埋, 妹妹就會有不安既感覺, 即時放聲大喊... 所以, 我多數會先通知大家 , 唔好太熱情, 保持少少距離俾佢望多一陣先!

 

 
好愛妹妹啲腳趾一粒粒

 

 
我地四個人order晒佢地四款下午茶餐, 每款都好唔錯, 尤其個炸魷魚圈, 義粉 & pizza~

另外加$5叫左麵包條俾承熹食!


依家叫承熹影相, 佢就必定整古做怪

 


另外叫左個Kid meal俾承熹, 其實都係見有薯條, 耐唔耐俾承熹食幾條, 等佢開心下!


開心得佢!


又攪事!


妹妹都一齊黎影返張相先~

  

開心果妹妹

 
呢兩張相係承熹教契媽同未來契爺一齊擺呢個pose...好好笑!