結婚週年紀念日 2012

啱啱過完四日假期, 真係好唔捨得啊!!! 雖然我唔洗返工, 但有睇開我既blog既人都知每次放完長假或去完旅行, 我都會有工作日恐懼症!!!!

因為我實在好enjoy 大少係我身邊既日子, 依家有左小朋友, 更加珍惜假期....

不過歡樂既時間總係過得特別快, 又係時候講拜拜, 聽日又要返反去殘酷既現實 (由得我發下牢騷..哈!)

上星期六係我地既結婚紀念日!!!!  話咁快又一年, 仲記得上年book晒酒店去澳門玩, 但撞正打八號風球, 被迫取消, 依家眨下眼又一年~


有左小朋友, 咩節日都要諗埋佢地一份, 由於無老人家幫手, 極其量只可以留低妹妹俾工人湊, 我唔放心佢湊兩個, 所以二人世界?! No more la~

不過我地都唔介意既, 同埋佢地一齊出去, 雖然會攰啲, 但都好開心!!!!

一早帶承熹采霖落公園玩一陣 --> 之後帶承熹上PG --> 上完堂突然想上山頂行個圈食個LUNCH --> 夜晚去洲際食早段Buffet --> 八點食完睇埋幻彩詠香江然後返屋企!  最後仲趕到九點前返到屋企見下妹妹一面然後佢就入房訓覺~ What a wonderful day!!

 

 
依家天氣好舒服, 唔太熱, 好適合做戶外活動, 要多多出去, 否則遲啲又話凍~

承熹一落去無耐就俾我罰企!! 叫佢唔好攪啲吹波波水, 佢都係唔聽話, 仲倒瀉晒~ 唉

唔識吹, 哈!

 

原來吹波波真係係小朋友既至愛~

承熹越黎越夠膽自己一個打千秋

 

 

細膽妹妹除左陌生人抱佢會喊外, 原來去到陌生環境如果放低佢, 佢都一樣會喊!

妹妹第一次打千秋

有得落公園玩就最開心

下一站 ---> 山頂廣場

同承熹上完playgroup突然心血來潮想去山頂行個圈, 一想到去先諗起, 原來對上一次我黎山頂, 係同媽咪黎.... 好傷心, 好掛住媽咪!

  
呢到有個小型展覽, 啲作品都幾creative

 

 

承熹好似好識欣賞咁, 無啦啦自己雙手插住褲袋

 

唔知幾時佢鐘意左坐巴士, 見到呢架都話要坐! 假架阿仔, 點坐呀?

去完山頂返屋企放換件衫再出發去洲際食buffet~



承熹又係由頭帶到尾, 帶埋佢去最抵食!

呢條墨汁蒜蓉條係超超超超好味!

承熹都encore左四條!

見到佢咁鐘意食野就開心

 

好古惑!

好鐘意佢地既馬卡龍, 唔太甜, 尤其中間個隻咖啡味, 超正~

 

buffet好唔錯, 除左有好多海鮮外, 最surprise係佢地既熱葷都好好味!!!!

洲際buffet分兩個時段, 5:30-8:00pm / 8:30-11:00pm, 我地揀左前段時間, 因為大少話食前段可以睇到早晚兩種景色. 食完又可以欣賞埋幻彩詠香江先走, 又唔洗食太夜!  我初初都覺得太早, 但原來咁既安排真係唔錯呢~

食完出去睇下夜景, 當晚既月光已經好圓


三年前就係係到簽紙成為吳太, 眨下眼仲生左兩個小豆丁! 好感恩~

 

我都係第一次係街到睇幻彩詠香江, 以前多數係餐廳入面睇, 覺得好悶, 今次同承熹一齊睇, 特別好睇!