21個月大雜炒

不知不覺, 承熹已經21個月大, 仲有個幾星期又22個月大

自從一歲半開始, 我就發現佢既發展突飛猛進, 以前都會諗, 人地個BB18個月識咁多野, 承熹十六個月, 點解仲係成舊飯咁?

曾經都有諗過係咪因為無參加什麼playgroup? 但原來人既發展就係咁奇妙

當未係時候就真係表達唔到, 到左佢地懂得表達時, 佢地可以突然表達返晒出黎

依家21個月既承熹更加係完全明白你同佢講乜, 有時會有自己既主見, 會懂得表達佢想或不想

唯一未受污染既係, 佢仍然係好天真無邪, 小小事足以令佢開懷, 呢種性格, 希望可以keep耐啲啦~

照片大雜炒~


親戚朋友個個都好錫佢, 尤其'拉叔'既女朋友Eva姐姐, 每次見到承熹都同佢玩到癲晒, 承熹都好愛佢

小朋友就係咁直接, 邊個用心同佢玩, 佢好自然就鐘意跟佢... 相反, 你敷衍了事咁玩一陣, 佢地係感受到的.

所以對住小朋友絶對唔係用物質可以令佢地快樂, 而係用心去對佢, 先至係佢地最想要!

傻豬仔乜都玩一餐, 放兩個魚網係頭到, 自己望住玻璃傻笑跳舞


@女麻女麻屋企

 

承熹由細到大都肯飲水 (好感恩), 仲要係除水以外, BB果汁都唔肯飲

初初都覺得幾好, 水不嬲都係最健康... 但後來依家煲竹庶茅根, 雪梨水等, 佢都唔飲, 激死我!

啱啱幫承熹換左個新水壺, 之前用個啲BB水杯, 條飲管難啜啲, 所以轉返普通水壺, 依家飲得好快好多


承熹依家返緊既Playgroup係基督教, 所以食茶點時都要一齊祈禱

見到承熹好似好認真咁祈禱, 我好感恩, 希望承熹以後都會跟隨神既道去成長 


為食貓

承熹上年生日, 朋友送左呢張sofa俾佢, 以前訓仲有好多位剩, 依家已經突晒出黎

朋友生左個女, 我帶埋承熹去探佢, 承熹真係好愛bb, 佢見到bb都會好開心, 又會好溫柔對佢地, 希望佢將來都會好錫妹妹, 同妹妹相親相愛

承熹無啦啦失控咁笑, 笑到我地屎! 哈~

 

與BB Yee & Brad仔相聚一刻

上星期二約左BB Yee & Brad仔食lunch, 我同BB Yee依家都係大肚媽媽, 陀一個, 湊一個, 真係唔容易

加上因為我星期二上午要返教會, BB Yee仲好好咁突登帶埋Brad仔黎同我地食晏, 真係辛苦晒佢地啊!!!

太古區lunch time 時到處都堆滿人, 要舒舒服服食餐晏都唔容易, 仲要我地拖住兩隻小鬼, 真係地方淺窄啲都唔方便

所以我又揀選左East Hotel - Feast, 話晒酒店, 點都好啲!


Brad 仔同承熹一人一張畫紙, 小朋友最鐘意畫畫畫

Brad仔同承熹都算係易湊BB, 佢地可以好乖咁坐定定一至兩個鐘唔扭計, 只要有野食, 有野玩, 我地大人就可以好安心咁食野, 俾個叻叻佢地!


Brad仔又高大左, 依家成個小男孩咁, 承熹同佢對比下就變得細個仔左

Feast 既Lunch & dinner都有Semi-buffet, 我比較鐘意呢類型既組合, 因為buffet實有包包, 又有生果, 啱承熹一齊食

我食左兩碟頭盤 & 兩碟甜品

因為承熹都要食, 所以主菜揀左菠菜龍脷柳 (可能比較油, 承熹夜晚即疴菠菜poo poo), 其實我想食咖喱

有得食承熹就最開心, 古靈精怪

依家呢代既小朋友, 我諗屋企有iphone/ipad既, 都一定抵擋唔到佢地既魔力, 承熹同Brad仔都係佢地既粉絲, 成日都嚷著要玩

玩得好專心! 哈~
我個人覺得iphone/ipad呢啲產品, 真係教識佢地多好多生字/歌仔, 適可而止咁玩係的確有用!

Brad仔啲皮膚好靚, 佢仲要好叻仔識表示要vivi, 次次都無呃媽咪架! 承喜戒左成個月都未識講

承熹幫Brad仔影的!

食完晏, 兩隻小鬼落地自由活動, 承熹明顯無Brad仔咁定性, 越叫越走... 真係甩繩馬騮咁!

依家仲細, 兩個未識一齊玩

佢兩個好好笑, 叫佢地握手, Brad仔伸手時承熹又唔肯握, 到承熹肯伸手握時, Brad仔又唔肯, 哈哈!

Brad仔好乖

馬騮熹

入到商場, 承熹又係狂奔... Brad仔好似大哥哥咁追住佢尾


仲有一個月到BB Yee就生得啦, 我係到祝你同細路都母子平安, 健健康康, 細佬同哥哥一樣咁乖咁錫媽媽! 

下次再見面時應該大家都生左啦, 到時再出黎聚一聚呀!

以弗所書4章25-32節

靈修分享:

所以你們要棄絕謊言，各人與鄰舍說實話，因為我們是互相為肢體。

生氣卻不要犯罪；不可含怒到日落，

也不可給魔鬼留地步。

從前偷竊的，不要再偷；總要勞力，親手作正經事，就可有餘分給那缺少的人。

污穢的言語一句不可出口，只要隨事說造就人的好話，叫聽見的人得益處。

不要叫神的聖靈擔憂；你們原是受了他的印記，等候得贖的日子來到。

一切苦毒、惱恨、忿怒、嚷鬧、毀謗，並一切惡毒（或作：陰毒），都當從你們中間除掉；

並要以恩慈相待，存憐憫的心，彼此饒恕，正如神在基督裡饒恕了你們一樣。

(以弗所書4章25-32節)




基督徒屬靈生命是否成熟可以衡量出來嗎? 我們當然不能以一個人禱告的長度和內容來判斷,
有太多的禱告是向著聽眾而非上帝所發出的。一個人奉獻的多寡, 也不是衡量屬靈光景的絶對標準,
因為這或許只是為了被人肯定, 也可能是為了減少罪惡感。

能否寬恕他人恐怕是一個最好的標準了。饒恕一個曾冒犯我們的人是何等困難!
我們應該以耶穌為榜樣, 來檢視一下自己做得如何。我們越像衪,就越容易寬恕別人。
當想到主耶穌已經完全饒恕我們時, 我們就會願意饒恕他人像上帝在基督裡饒恕我們一樣。

英國牧師兼佈道家約翰.衞斯理與奧雷多將軍一同旅行時, 這位將軍對著他的一名屬下發脾氣。
屬下來到他的面前謙卑地請求饒恕時, 他憤怒地說: 我決不饒恕!
衞斯理牧師直視將軍說: 很好, 不過有一點, 將軍, 我希望你從來沒有過錯。

好好地想一想吧! 難道你希望上帝饒恕你的方式, 像你饒如別人一樣嗎?

copy by 靈命日糧精選

每個人既生活習慣, 性格, 處事手法都有不同, 莫說朋友, 就連最親既家人都會有分歧既時候,
但願自己會被受尊重, 諒解, 憐愛既同時, 也要懂得將心比己
感謝聖靈不斷提醒我如何作合神心意既門徒..

HTC Window Phone 7.5 發怖會

上兩個星期六同家姐大少奶& B媽一齊出席HTC 最新Windon Phone 7.5X HTC Radar 電話發怖會

地點係灣仔The Hennessy wooloomooloo 西餐廳舉行




個view好正喔!!!!!

當日menu


兩款沙律, 唔錯


好味既包包


超濃蕃茄湯, 酸酸甜甜, 我好鐘意!


現場有工作人員講解電話設備與功能

每人一部電話試用...

電話畫面好清, 影相功能感覺十分好! 仲可以影全景相, 自動接駁

因為係行 Window, 版面應用同電腦好相似, 有MSN, outlook express, 自訂組別send message 功能, 仲有一樣好特別既翻功能, 好啱去旅行用! 

感覺上都幾好, 反應唔錯, 不過玩一陣唔知實力! 但相比現時市面一般智能電話, 呢部既價錢唔貴


有遊戲玩同大抽獎


兩款主菜..... 一般

甜品反而有驚喜!

多謝大會俾我認識多一款智能手機~

 

 

 

 

BB蕉

踏入十月中, 開始明顯感覺到秋意, 秋天同冬天一向係我愛既季節, 好熱怕到痴笠笠既我, 真係唔適宜住係東南亞, 哈~

BBQ一直都係我愛既活動, 雖然食既野唔太健康, 但好愛一班人圍住燒下燒下, 好似返去中學時代咁... 重拾失去左既青春!

餓底一班一早已約定入秋要BBQ, 大家都好期待...

 

 

  

當日每人負責預備一至兩樣食物, 有海鮮, 豬頸肉, 雞翼啊, 丸啊, 肉啊, 菠蘿啊, 蕃薯啊, 栗米啊等等等等.... 好豐富!!!!

我地唔係第一次BBQ, 但今次同之前對比已經大大不同了... 因為我地有啲已經成為媽媽級, 依家每次聚會都有四個小BB出席

承熹都係第一次BBQ, 而且地點有啲似郊區, 佢好好奇, 周圍走!


偶然接觸下大自然都唔錯, 雖然好多蚊....


貼左蚊貼都唔掂, 我同我承熹依然俾蚊咬~ 


承熹依家漸漸大個仔, 唔會下下要痴住我, 識得自己周圍發挖新事物, 或者同其他人玩, 間中玩玩下會回頭望下我, 唔見我就會叫媽媽, 但都唔會喊, 依家好湊好多!


行到成個大人咁

無野做, 又未有得食, 自己行行下坐低休息下先! (成個大人咁!)

 

擔天望也...左望右望


承熹係BB中入面最大既一個, 佢當然要照顧妹妹啦.. 俾笨C妹妹


笨C心諗: 都無野食係入面, 俾我做乜喎?

拍下手唱歌仔仲好啦~

 

最後仲有Vanlily做既生日蛋糕... 完美既一日!!!!! 超正~