2012拜拜啦!!!!

大家好!!!! 呢兩日好凍啊... 大家有冇著多件衫啊???

我一向都唔係怕凍既人, 但呢兩日真係有啲後悔無買件厚啲既褸, 屋企啲褸大部份都係較薄身, 真係凍屎人!

今日係大除夕, 大家有冇咩特別節目??

我其實好想出街感受下大節日氣氛, 但無奈妹妹仲細, 今日又凍, 所以我都係無勇氣拖住兩隻小鬼出外倒數

希望過多年兩等佢地大個少少, 我可以重溫久違既倒數氣氛啦!


對我或好多人黎講, 年尾十二月至年頭二月都係每年好期待既日子

十二月聖誕節一向都係受歡迎節日, 一月就係小妹生日月, 二月就係農曆新年加埋我三個愛人既生日, 所以呢三個月對我黎講就好似特別唔同咁

雖然日子都係咁過, 但好似特別開心同埋好重holiday mood...wakakakkakaka


黎到2012年最後一日, 我真係好感恩過去呢一年 (應該係一直以來) 神既保守及愛戴,

人生必然會遇到挫敗或不如意既事, 但我好感恩自己所遇到既都係小事, 而且都感受到神既倍伴,  

將來既路係點無人會知, 但我好希望係我人生中無論發生咩事, 我都會記得依靠神..


依家呢個世代唔可以話好灰, 但實在越黎越多不可理喻, 變態, 道得淪亡既事發生

之前傳到鬧哄哄既1221世界末日 見到好多人既評論都會覺得, 如果真係世界末日都無所謂 (因為好多既人心態都係, 反正大家一齊死, 唔係只係我一個死)

直到過左1221大家就覺得死唔去喎, 可以馬照跑, 舞照跳!!!!

但其實世界末日未必仲係'有排'先發生既事, 因為神講過, 呢個世界係無人會知邊一日係末日, 所以世人要警醒, 做好準備.

不過好多人都寧願相信瑪雅預言都唔選擇信相聖經既預言, 實在令人好擔心

我唔係一個好叻傳福音既人, 不過我真係好希望如果大家有時間, 不妨花少少時間跟朋友去下怖道會或了解下基督教呢個宗教, 我肯定如果你願意打開心窗去接觸了解, 必定有所得益!

祝大家大除夕快樂, 新年進步!!!! 

以弗所書4章25-32節

靈修分享:

所以你們要棄絕謊言，各人與鄰舍說實話，因為我們是互相為肢體。

生氣卻不要犯罪；不可含怒到日落，

也不可給魔鬼留地步。

從前偷竊的，不要再偷；總要勞力，親手作正經事，就可有餘分給那缺少的人。

污穢的言語一句不可出口，只要隨事說造就人的好話，叫聽見的人得益處。

不要叫神的聖靈擔憂；你們原是受了他的印記，等候得贖的日子來到。

一切苦毒、惱恨、忿怒、嚷鬧、毀謗，並一切惡毒（或作：陰毒），都當從你們中間除掉；

並要以恩慈相待，存憐憫的心，彼此饒恕，正如神在基督裡饒恕了你們一樣。

(以弗所書4章25-32節)




基督徒屬靈生命是否成熟可以衡量出來嗎? 我們當然不能以一個人禱告的長度和內容來判斷,
有太多的禱告是向著聽眾而非上帝所發出的。一個人奉獻的多寡, 也不是衡量屬靈光景的絶對標準,
因為這或許只是為了被人肯定, 也可能是為了減少罪惡感。

能否寬恕他人恐怕是一個最好的標準了。饒恕一個曾冒犯我們的人是何等困難!
我們應該以耶穌為榜樣, 來檢視一下自己做得如何。我們越像衪,就越容易寬恕別人。
當想到主耶穌已經完全饒恕我們時, 我們就會願意饒恕他人像上帝在基督裡饒恕我們一樣。

英國牧師兼佈道家約翰.衞斯理與奧雷多將軍一同旅行時, 這位將軍對著他的一名屬下發脾氣。
屬下來到他的面前謙卑地請求饒恕時, 他憤怒地說: 我決不饒恕!
衞斯理牧師直視將軍說: 很好, 不過有一點, 將軍, 我希望你從來沒有過錯。

好好地想一想吧! 難道你希望上帝饒恕你的方式, 像你饒如別人一樣嗎?

copy by 靈命日糧精選

每個人既生活習慣, 性格, 處事手法都有不同, 莫說朋友, 就連最親既家人都會有分歧既時候,
但願自己會被受尊重, 諒解, 憐愛既同時, 也要懂得將心比己
感謝聖靈不斷提醒我如何作合神心意既門徒..

堅強的媽媽

作為一位媽媽, 最怕就係見到兒女生病受苦

相對, 亦都好怕自己生病, 唔能夠照顧年紀尚小既兒女

 

尋日我得知一位唔係識左好耐既blog友, 佢患上末期肺癌

呢位blog友雖然大家素未謀面,  但因為大家都係基督徒, 而且又係在同一天生BB(佢女兒同承熹同一日出世), 漸漸大家就了解多左, 經常分享湊B心得, 久而久之會覺得大家都有一份"情"!

但當我尋日去睇佢個blog時, 發現佢話自己患上末期肺癌, 我睇到後好震驚!!! 有一刻係接受唔到點解會係呢個時候有, 點解佢咁後生, 又無不良嗜好, 點解都會有???  大家都為人父母, 我好自然第一個反應, 點解會咁.. 佢啲小朋友仲咁細, 點算 (佢有兩個女)?

我眼淚不其然湧上心頭, 雖然唔係話識左好耐既朋友, 亦都無見過面.. 但我個心真係替佢好難過.. 我即時入房為佢祈禱!

但最令我覺得佢了不起既係, 知道左一件咁大既打擊後, 佢仍然可以好依靠神, 仍然懂得感恩, 心裡有平安, 真係好唔容易...  好多時人遇上不幸既事, 都會問個天/神, 點解會係我? 點解要咁對我? 必定怨氣很重, 但呢位媽媽不單止無, 而且仲覺得神無對佢唔公平, 因為佢知自己有機會信主, 有永生救恩, 佢已經覺得自己有賺.

雖然我仍然為呢位媽媽擔心, 但另一方面我覺得佢真係好堅強, 好有信德, 我好有信心神一定會看顧佢地.

從前我地既blog都係私有化, 所以如果唔係佢blog友係睇唔到佢既網誌.. 但我見佢依家將患病中既過程都公開左, 所以我都好想係到同大家分享下, 希望各位無論係咪基督徒既朋友/媽媽, 都可以為呢位媽媽及佢既家人深切禱告, 求主份外看顧, 帶領佢地.

 

讚美天父

回顧返呢段懷孕期間, 真係好多好多事都要將榮耀歸神, 大大聲咁感謝主

神對我地一家既保守真係太多太多, 恩典滿載!!!!!

大至我同小魔怪既健康平安

小至雞毛蒜皮既事, 神都一一看顧.

最令我感到神係實實在在, 係充滿大能既, 相信我呢次既生仔經驗, 真係無得走..

   首先好感謝主俾我搵到一位好好既倍月姨姨, 呢位倍月姨姨係堂家姐既朋友(做姑娘) 介紹的, 佢地圍內好多姑娘都僱用佢, 皆因呢位姨姨專業不特止, 仲要份人唔計較, 好多時除左照顧小魔怪以外既野, 做到佢都會做, 八小時既工作時間, 佢日日都做到過晒鐘先走, 絶對唔會求求其其.   遇到好幫手, 真係可遇不可求, 感謝神!

   生仔過程中, 雖然好痛好痛.. 但因為我一直都相信神會看顧我, 令我可以順利生小魔怪, 所以就算好多人同我講順產好痛, 不如開刀啦! 但我仍然堅持要自己生.. 仲要一口拒絶打'無痛分娩針'; 果然, 神真係無撇下我, 好感恩地實際痛左兩小時到就順利生左小魔怪!  感謝神~

   未生小魔怪之前我都擔心過醫院費用會out of budget, 因為唔知小魔怪會唔會踏正假期或深夜出世 (會加錢的), 又怕出世後唔知會唔會有咩問題要留院觀察, 呢筆費用真係未到出院都唔知埋單幾錢?!  好感恩, 小魔怪係平日下午出世 (已經慳返筆), 另外健康都無大礙, 只係有少少黃, 三日大就可以同我一齊出院. 

但醫生有講過BB黃疸高峰期係頭五日, 所以都分咐我地要小心觀察小魔怪, 如果一有黃到落腳仔既情況就要帶佢返醫院 (因為咁啱佢出世後就過年, 診所無開); 為呢件事, 我又係擔心左一陣, 但感恩教會一班好姊妹為呢件事幫我地祈禱, 小魔怪又過左一關, 尋日睇完醫生都confirm佢無晒黃. 感謝神!!!!!

   另一件小事就係坐月期間要用薑水沖涼, 咁大個女都未試過用花灑以外既方法沖涼, 對住呢盆薑水, 真係唔知應該點沖?! 但真係好攪笑, 神連呢D咁細微既事都為我照顧到.

事緣未生得前一星期, 個熱水爐突然壞左, 無熱水沖涼, 最後大少要煲熱水俾我沖先得.  頭一日真係沖得好狼狽, 因為一盆水我覺得無可能沖到涼 (我要既係大量水), 但第二日開始就捉摸到應該點沖可以慳水&有效率!  所以我依家日日用薑水沖涼都無有怕, 仲越沖越純熟, 同一盆份量既水, 依家仲可以有多餘水剩慢慢淋身! 哈~

另外就係好彩個熱水爐係生之前壞, 如果生後先壞, 仲麻煩! 依家換左個新爐, 安心晒~ 感謝主!

 

其實要感恩既事真係數之不盡..... 每件事都值得感恩!

每當我氣餒或感到唔開心時, 我都會記起呢段經文, 一諗起個心就會舒服好多. 

你們看那天上的飛鳥, 也不種, 也不收, 也不積蓄在倉裡, 你們的天父尚且養活他.你們不比飛鳥貴重得多麼?  (馬太6:26)

依家做左人阿媽, 好多時都會擔心自己既小朋友有咩事, 但其實過份擔憂對自己心理上都唔好, 我好慶幸自己有信仰, 有神做首領看顧, 否則如果只靠自己既力量, 真係唔敢想像!

小小分享

就是你們的頭髮也都被數過了, 不要懼怕, 你們比許多麻雀還貴重。(路加福音12章7節)

***********************************************************************

不知不覺, 小魔怪已經有31週 (七個多月)

回想最初剛知道自己有左既時候, 除左頭三四個月肉體上好辛苦外, 其餘最大既感覺就係..... 嘩, 有排先等到你出世,, 可唔可以快D出世啊?!

轉眼間, 仲有兩個月就係你既預產期, 心情開始有少少唔同左

依家既我依然好期待你快d 出黎, 但總會補多一句 : 你要足月先好出世, 唔好早產, 早產b聽講好難湊, 唔好要媽咪擔心啊!

最近家中發生太多太多事.. 我回顧返自己好似由有左到依家都無真真正正咁休息過

頭三四個月, 不停嘔, 反胃, 不適, 得返半條人命!

去到四個月穩定d就開始要攪結婚既事, 之後就係搵屋搬, 再之後就係睇傢俬, 為新屋準備

五個月開始係我既honeymoon, 行得食得訓得, 身體負荷亦唔大... 慶幸一早plan結婚月份係九月, 亦係我最佳狀態之時!

攪完一輪以為可以安安樂樂咁養胎, 誰不知天意弄人, 唔到一個月就知道媽媽生病了!

懷孕期間遇到呢d事, 我實在受唔住... 以前細個讀書時已決志信主, 但好耐都無團契/返教會..  但好感恩, 係呢段難過既時刻, 神再一次呼召我, 而我自己都感覺到好需要神.

係媽咪病塌中我要負責買餸, 煮飯, 照顧佢 (當然, daddy都好勞碌, 負責帶佢到處檢查求醫), 係個段日子真係幾辛苦, 無論身或心都好攰, 唔想接受呢d事發身係自己身上, 但仍然要去面對.

對住bb, 我都要同你講聲對唔住, 係呢段時間媽咪應該好開心咁俾d正面訊息你, 令你生長得開心, 安穩, 但好多時我都忍唔住會傷心, 會流淚, 會失控!

好多人都話大肚婆唔好去醫院, 唔好四圍走, 唔好去d唔乾淨地方... 如果換著以前既我, 我都會咁同"大肚婆"講, 但當自己家人有事既時候, 我真係無辦法因為我係"大肚婆" 而推去唔理媽咪.. 呢次真係一個好好既經歷, 神俾左好大信心我, 我知道就算要我返大陸, 去醫院, 甚至係留係醫院同媽咪過夜照顧佢, 我都無太大擔憂會影響bb, 因為我確信, 神一定會保守我地, bb同我一定會平安健康!

直到bb剛滿七個月後一天, 媽媽離開左我地.... 但感恩既係我仍然有體力去為媽媽辦身後事, 希望媽媽能夠安息!

隨著媽媽既離逝, 我既重任彷彿告一段落....

我唔知將來仲會有咩艱難既路要行, 係某一刻, 人既情緒真係會失控, 會頂唔住. 但藉著靠住主耶穌, 我相信凡事都會係美好, 都係神所成就的.

大少係呢段時間都俾左好多力量我, 無左佢, 可能我都未咁快可以復原, 再一次感謝神賜俾我既一切一切...

我相信唔係所有人都好似我咁幸運可以遇到神, 或者感受到神既愛.  畢竟信仰唔係三言兩語就可以令一個人即時信服, 但我真係好想身邊未信既家人或朋友都會試下接受, 好想神有機會撒下聖靈既種子係未信既朋友身上.

因為唯有依靠神, 人既生命先有意義!

最佳時刻

媽媽最後都敵不過病魔, 在上星期三離開了我們.

傷心, 難過, 不捨, 自責, 後悔, 害怕, 痛心, 不願接受等百感交集的心情通通都感受到

一直以來以為自己同媽媽的關係不及爸爸親厚, 如果有一天失去她, 應該也不會怎樣, 很傻地以為只要有爸爸及大少, 其他都不重要.

直到在媽媽患病中看見她所受的痛苦, 體力一日比一日差, 甚至最後連說話也無力時, 我才發現, 媽媽在我心中原來也是很重要, 不可缺少的

感謝主, 在我最無助, 最傷心, 最自責之時不停安排身邊有不同的天使來安慰我, 甚至用神的話語親自來告訴我應該怎樣去面對一切.  這幾天, 家人或朋友都很擔心我, 畢竟我腹中有小生命, 大家都怕我會受不住打擊, 會影響BB.

傷心難過一定少不免, 但再一次感恩的是神每天都安撫著我, 令我心情很快便能回復平靜, 慢慢去接受現事; 雖然偶然回想起媽媽臨走時的痛苦表情, 我的心仍然心如刀割, 自責是否做錯決定讓她去大陸醫治?!  但慈愛既神一直都細心照料我, 每當我有這些想法時, 神會即時給我話語, 叫我不要這樣想.

直到昨天, 夜欄人靜時我又一次想起媽媽, 突然疑惑媽媽這次的不幸是真的"不幸"或是人為疏忽呢?  說實在, 對於大陸的醫療, 我並沒有百份百信心, 所以我不時都會想自己是否做錯決定, 是否害了媽媽?  這些問題都令我很困擾..

曾經有一位教友安慰我說, 不論是否安排失誤, 但只要你們心裡知道當時大家決定此安排都是因為有愛, 已經足夠!  無錯, 我們當初採取此決定都是相信會成功, 才排除一切送媽媽上去醫治的.  可能在某些人心中會認為我和爸爸做錯決定, 但這是神和我們一家人所做的決定, 一切都是為媽媽好而做, 並不是草草了事.

十二月三日, 神又再一次告訴我不要再為媽媽的去逝而自責或讚牛角尖

詩篇: 116:15

「在耶和華眼中, 看聖民之死極為寶貴。」

時間到了。不是出於我們任何人的選擇, 是上帝所預定的時刻。我們也一起接受了它。

這是最合適的時刻, 因為上帝永不誤時。衪知道媽媽已完成她的工作, 且影響力及典範仍將常存。母親回天家過聖誕節; 時間已到, 在上帝的帶領中。我亦會好好照顧自己, 不負神對我的恩慈; 我相信神是無比仁慈的, 衪必會代我好好照顧媽媽, 將來我們必能在天國相聚。

愁苦有益

經文 : 傳道書 7: 1-6

金句 : [往遭喪的家去, 強如往宴樂的家去; 因為死是眾人的結局, 活人也必將這事放在心上。憂愁強如喜笑; 因為面帶愁容, 終必使心喜樂。]

傳道書的智者指出往服喪之家比宴樂還好, 因為愁苦可以使我們接觸到生命必然的結局 -- 死亡, 使我們對自己仍然能活著有所珍惜。 生命的短暫及對親人的傷痛懷念, 使我們領會到人與人相知相惜的寶貴。

哈哈大笑像放煙花般, 燦爛一閃便消逝無蹤, 傷感的淚水卻像流水般在心長流, 可以洗滌心靈。一個次次考試成績名列前茅的學生, 不易明白功課有困難的同學; 相反, 一個經歷過不合格、學業上受過挫敗的學生卻體驗到無能和愁苦的煎熬, 當他日後成績進步, 便會較易有一份謙和, 對人多有一份體諒。

因此, 愁苦令人多生一份柔和, 與其他軟弱的人相連, 看事物亦有深一層的觸覺。

***************************************************************************

好感恩最近家中雖然發生唔開心既事, 但神仍然讓我感到平安, 時時保守我地一家, 當我每次失望無助時, 神都一直安撫著我, 不斷向我彰顯神既大愛, 甚至為我們一家作好準備.

今天早上收到報告後, 心情很傷心, 當開始軟弱既時候, 我拿起"從靈開始", 揭去十一月十一日(即今日) 既文章看看, 神又一次眷顧我, 藉著書本來作安慰.

無錯, 如果人一生都活在喜樂, 無風無雨, 好容易會忘記"幸福並不是必然" ; 相反, 當人面對生命無助, 甚至死亡, 才會發現仍然能活著已經是天大既福氣。

睇完呢章經文及解說, 我心情釋放好多, 心靈又一次獲得平安!

神既因典真係太美麗~