采霖上契飯

係八月份時, 采霖既契爺契媽同妹妹安排食上契飯, 我最近先攞得返啲相, 要寫返個post黎做個紀念


契媽今年結婚啦, 到時妹妹仲未識行, 做唔到花女, 只有承熹哥哥可以幫手做花仔!

契媽好錫承熹同妹妹, 但係唔知點解佢好似都唔係好識同小朋友玩咁, 所以兩隻小鬼都唔跟佢, 反而鐘意未來契爺Kit 哥哥! 我成日笑契媽係Baby Killer, 哈哈



契媽又買衫俾承熹, 呢個牌子啲衫係本地設計, 有親子裝, 幾靚幾特別~



折野及破壞係小朋友既天性

今個呢個post係private的, 只係同老朋友分享, 因為有大少出鏡, 哈!

 

 

承熹真係乜都玩到一餐

 

妹妹好可愛, 個樣成日都懵下懵下

扭眼訓!  妹妹依家八點半就要訓, 否則喊到拆天

當日撞啱妹妹六個月大

 

 

契媽


契爺

眨下眼, 依家七個月啦, 好快又一歲! 好期待~

采霖妹妹(6m)

妹妹係8月11日正式第一次靠自己反到身啦!!!!

佢既進度同哥哥一樣, 哥哥當年都係六個月自己反到身, 不過哥哥要我攞啲野去氹佢先肯反

而妹妹就自己反, 好叻叻!!!

當我一讚妹妹反到身, 妹妹就笑到好開心, 好似真係知道我讚佢咁!




唔知點解一講同做RockNRoll Never Dier 呢個手勢, 妹妹就笑到卡卡聲

Rock 妹~

 

傻豬妹妹~

六個月大的妹妹

妹妹眨下眼又六個月大啦....

我感覺上, 妹妹仲係好BB, 因為佢由初生到依家都一樣好鐘意訓覺

食飽玩一陣就要訓, 雖然比起之前已經訓少左, 但都算係懶訓一族

如果係佢好眼訓既時候無得訓,或者好嘈, 訓唔到既話

呢個妹妹就化身一隻'殘雞妹', 大喊得好似俾人虐待咁, 把聲又大又響, 真係我都怕左佢!

其餘食遲一餐奶或者換遲一陣片佢都係好NICE, 唔會扭計既乖BB

妹妹好鐘意笑, 不過依家開始識認人, 唔係見開個啲人抱, 一抱上手就會扁咀, 繼而哇哇大哭

可能係女既關係, 我覺得妹妹好嗲....有時同佢講野, 佢會擰歪面好似好怕醜咁, 超可愛!


個個見到妹妹對脾都會好肉緊..哈!

星期三要去健康院攞成績表啦, 唔知幾多磅呢?!

傻豬妹..都唔知似爸爸定似媽媽, 好似兩個都唔似

最似哥哥鐘意食手指! 唉~

承熹哥哥都算係錫妹妹, 至少佢表面上無呷醋, 無話打妹妹, 仲成日氹妹妹笑


見到佢兩兄妹笑得咁開心, 我就好開心

妹妹試過兩次反到身, 但都唔係次次得, 唔知係咪佢肥得滯轉唔到, 哈!

 

 

兒女是耶和華所賜的產業, 所懷的胎, 是他所給的賞賜 (詩篇127:3)

感謝神賜給我兩個無價寶~

 

Nice Weekend

上星期日約左大少啲朋友去Gateway Ricepaper食飯, 當日天色好舒服啊~




哥哥一上車就訓左, 訓到落車仲訓緊, 同妹妹調轉左角色, 哈!

好耐無黎呢間食野, 感覺好味左!

承熹竟然可以差唔多一個人食晒成個菠蘿炒飯, 傻左!

食完飯去百老滙行左轉, 最後買一部相機 --- Sony Nex5N, 想買左一段時間, 終於扑搥, 哈!



佢係微單相機, 外型靚仔又易用, 最緊要反應快同埋做到景心效果, 我地影小朋友既一定要反應快!  

呢幾日仍處於摸索階段, 希望遲啲影到多啲靚相同大家分享!

好鐘意妹妹呢張相, 笑得好開心~

口水妹~

 

五個月大的妹妹

妹妹五個月大啦!!!!!!!!!!!!!!!!!!!!!!

真係眨下眼又五個月

以前承熹細個, 我好期待每個月既來臨, 好想快啲用'歲'黎形容佢(e.g. 半歲, 一歲)

但妹妹, 我就唔再期待, 反而好想將時間停頓

因為BB真係大得好快, 又或者咁講, 時間過得快慢係每個人都一樣, 但BB仔頭一年既生長速度實在太驚人

0歲同1 歲既分別好大, 1歲同2歲既分別係更大!!!!!!

我做阿媽既要係兩三年內經歷呢啲咁大既轉變, 如果唔記低, 唔影低, 唔錄低就真係好似一陣風咁吹走了!

妹妹最近食奶食得太慢兼食到一半唔肯食,  我同佢轉左十字咀, 奶速係佢自己控制飲大啖定細啖, 依家飲奶可以一次食晒, 又快左!  感恩~

都係每四個鐘飲七安, 一日四餐!

唔知係我多心定點, 覺得無飲人奶既妹妹, 依家無咁漲... 啲肉好似Buo左! >__<

睡眠時間: 夜晚大約八點半或九點飲完奶, 歇半個鐘就入房訓, 可以一覺訓到第二日八點半或九點

依家妹妹有時好惡死, 嘈住佢訓覺就大咸, 所以阿妹一訓覺就要承熹keep quiet, 等佢訓著左先可以講野, 好麻煩! 咁細個都有要求



呢件衫係80碼, 妹妹著落好啱身, 唔知係啲二手衫縮左水, 定真係妹妹大隻呢?



依家揸住物年既技術好左, 無咁易甩手



仲識得唔洗扶住坐十幾秒, 不過我唔會俾佢自己坐咁多, 因為條腰骨未有力, 費事扭親

但識坐後, 沖完涼著衫方便左



好似想同Sophie講: 我要食左你, 受死啦! (哈哈)

有少少識認人, 但唔算太誇張, 不過對於陌生男人會大反應啲!



妹妹有時都好嗲, 冧死媽媽!

妹妹笑到好孤寒, 但係一笑起上黎又好攪笑!