六個月大的妹妹

妹妹眨下眼又六個月大啦....

我感覺上, 妹妹仲係好BB, 因為佢由初生到依家都一樣好鐘意訓覺

食飽玩一陣就要訓, 雖然比起之前已經訓少左, 但都算係懶訓一族

如果係佢好眼訓既時候無得訓,或者好嘈, 訓唔到既話

呢個妹妹就化身一隻'殘雞妹', 大喊得好似俾人虐待咁, 把聲又大又響, 真係我都怕左佢!

其餘食遲一餐奶或者換遲一陣片佢都係好NICE, 唔會扭計既乖BB

妹妹好鐘意笑, 不過依家開始識認人, 唔係見開個啲人抱, 一抱上手就會扁咀, 繼而哇哇大哭

可能係女既關係, 我覺得妹妹好嗲....有時同佢講野, 佢會擰歪面好似好怕醜咁, 超可愛!


個個見到妹妹對脾都會好肉緊..哈!

星期三要去健康院攞成績表啦, 唔知幾多磅呢?!

傻豬妹..都唔知似爸爸定似媽媽, 好似兩個都唔似

最似哥哥鐘意食手指! 唉~

承熹哥哥都算係錫妹妹, 至少佢表面上無呷醋, 無話打妹妹, 仲成日氹妹妹笑


見到佢兩兄妹笑得咁開心, 我就好開心

妹妹試過兩次反到身, 但都唔係次次得, 唔知係咪佢肥得滯轉唔到, 哈!

 

 

兒女是耶和華所賜的產業, 所懷的胎, 是他所給的賞賜 (詩篇127:3)

感謝神賜給我兩個無價寶~