慘慘慘....

最近十分忙錄!!!!!!!!!!!!!

上星期奶奶身體不適入左醫院, 做左幾日檢查, 感恩無乜大礙, 依家已出院

奶奶係醫院期間, 睇得出大少既兄弟姊妹個個都好孝順, 好緊張奶奶

各人都盡所能去分工合作, 好難得!

見到佢地六兄弟姊妹感情好又孝順, 真係好感恩!

我自己係獨生女, 好難會感受到兄弟姊妹獨有既一份情

現在, 我都有兄弟姊妹, 加埋阿嫂, 姐夫, 弟婦, 一圍枱都唔夠坐, 哈!

我會好珍惜神賜俾我既'家人'!


同一個星期, 又係妹妹打針既時候

可憐既妹妹分別打左兩日針, 一針私家, 一針政府~

見到枝針吉到咁入, 真係肉都赤埋!!!

打完個樣好可憐

媽媽抱返啦~

一抱上孭帶就訓著

第二日去健康院攞成績表

六個月大
體重 : 8.45KG (18.59lbs)
長高 : 65.5cm

體重線90%但身高就50%, 名符其實又肥又矮, 唉~

感恩妹妹今次打針無發燒, 等我可以安心同大少去探奶奶..


妹妹.. 你對腳..........真係幾粗!  希望大左唔係咁!


到好哥哥啦~

哥哥好慘, 上星期五晚都呆呆地... 半夜開始疴, 話肚痛, 訓下醒下第二日同佢去睇醫生

承熹依家知道睇醫生係咩一回事, 一聽到話要睇醫生就喊晒口!

醫生話承熹腸胃炎, 同佢打左枝針.. 其間又嘔, 好彩帶定套衫褲換

睇完醫生, 諗住同大少去附近食少少野先返屋企, 點知一坐低無耐, 承熹又嘔 (當時我用孭帶抱住佢訓緊覺), 我同佢一獲熟, 大家都成身濕晒, 要即走!

可憐既承熹無晒精神, 不停訓, 無胃口

同佢講左N次唔好再食手指又唔聽.. 激死我~

用Miele蒸爐煲左粥俾承熹, 好方便! 因為唔洗睇火...

半殼米加大量水(視乎你想稀啲定杰啲), 煲30MINS即可.... 想再綿啲可以蒸耐啲

係小朋友病既時候就會知道佢最痴邊個... 我呢兩個抱佢抱到腰都斷!

我奶奶以前成日話啲細路係燒餅命"唔反(玩)就燶"

即係唔百厭就即係有事!

呢兩日深深體會到, 完全死晒狗, 無心機, 剩係訓係到攤屍咁....陰功!

星期六病到今日都係仲有疴, 最慘係連我都病埋.....................................

聽日又要一齊去睇醫生, 好慘!

>__<