蒜蓉粉絲蒸魷魚

上星期去飲茶時勁想食蒜蓉粉絲蒸魷魚, 但好失望地原來依家唔係間間酒樓都有呢款食物

尋日心血來潮, 自己落手落腳整, 我仲將前一日打便爐食剩既生菜&芫茜加埋落去一齊蒸,

效果..........................出奇地夾!



先將魷魚用豉沖, 糖, 紹興酒醃一小時
用凍水浸淋粉絲兩扎
生菜 (極力推介一定要加)

調味料:  水(大約浸到粉絲便可), 雞粉/史雲生雞汁, 白胡椒, 魚露 (按照個人濃淡口味而落)
做法:
先將生菜放底(如愛芫茜, 加埋落去一齊蒸食落更香)
再放已浸淋粉絲, 鋪上魷魚, 倒入調味料
最後加大量蒜蓉加椒絲
我用Miele蒸爐蒸3-4mins即可

出黎既味道好香, 同酒樓一樣, 同埋啲生菜'索'晒啲汁, 好好食!!!!!!!! 

又係一餐好方便既晚餐, 炆牛肋條(下午炆定), 蒜蓉蒸粉絲(4mins), 西芹炒肉碎(同蒸魷魚時同步炒)

前後10mins就唔洗就可以埋枱食飯, 攪掂!