用到Note 2 寫blog啦!

竟然，竟然俾我發現原來用note 2真係可以寫卜!!  

實在係一大驚人發現！(可能有人一早知，只係我傻仔)

不過我要're-confirm 睇下係咪因為咁，所以可以!

等我聽日同茄媽研究研究先，再同大家分享~

通屋爬

好似識一齊玩咁

哈，好攪笑


哇！仲可以插相添呀… 不過啲相要預先係電腦upload 上卜先。

如果可以即時upload 埋電話啲相就仲perfect 喔!


以上啲相係之前十月影的, 妹妹係八個幾月大就開始識爬，依家成日通屋走，佢同哥哥一樣好大力，我諗好快妹妹都會識行啦，真係好期待兩拖住兩隻小寶貝一齊行街既畫面，哈!

家庭照花絮

32m vs 8m

上星期六妹妹第一次去影樓影相, 之前係Kidinc訂既衫, 終於可以著啦!!!!!!

見到佢地著兄妹裝, 我覺得好睇過母子/母女裝, 感覺較溫馨

呢啲相係用Note II 冷冽復古效果影, 感覺cool cool地, 我幾鐘意!

傻妹帶左headband都係好男仔頭, 我好期待佢將來有好多頭髮既樣... 唔知會係點?

件衫真係好靚, 哈!

去到studio要等一陣, 攝影師同兩隻小鬼混熟一下



妹妹第一個被打動成功!



承熹都開始軟化

傻豬仔

承熹當日mOdel上身咁, 攝影師叫佢擺乜pose佢都肯, 反而妹妹就唔太合作, 一放佢落地坐, 我一行開, 佢就大喊!

拍攝花絮! 

要等兩星期後去揀相先知好唔好睇, 到時再同大家分享!

采霖第一次落水

采霖 (8個月)

前兩日見天氣好好, 唔太熱但又有陽光, 心血來潮帶妹妹去樓下游水


妹妹第一次去游水, 著起泳衣都好似男仔

哈,, 傻妹成日都好開心!

 

天氣有少少涼, 我諗今次係妹妹今年第一次亦都係最後一次落水! 哈~

妹妹有少少緊張

初時驚同佢帶呢個水泡, 佢會喊, 所以好小心翼翼, 好彩妹妹無喊, 只係仍然好緊張

好攪笑, 佢自己捉到個水泡好實

平時係屋企沖涼妹妹對腳會踢到成地水, 但竟然去到泳池唔敢郁

你地睇下佢個樣, 哈哈~

游多一陣個樣開始寬容啲....

對腳開始識踢水

之後放手由佢自己游

好舒服咁喎~

 

 

BB仔咁樣影相, 細細粒, 好得意!

阿女, 水泡唔食得架!!!!

短短玩左大約半個鐘就走啦, 出年夏天我地再游過啦~

你地睇下妹妹游水好攪笑, 好似隻青蛙仔咁!

采霖出牙啦!

之前大少趁我同承熹返左教會後, 花左少少時間同妹妹影相

睇返之前承熹啲相, 的確比起妹妹多好多...

其實我地唔係偏心唔幫妹妹影, 只係妹妹比起哥哥懶訓好多

加上好殘酷既事實係,,, 有個哥哥係到, 我地當然無可能好似照顧獨生女咁全部時間俾晒佢

但無論點都好, 我地都好錫呢個妹豬仔! 因為事實上妹妹真係好乖好抵錫~

 

 

妹妹依家七個月大, 今日摸到佢出左一隻牙仔, 係下面既門牙..

同哥哥一樣都係七個月出第一隻牙. 有少少唔同既係哥哥三個月起已經流好多好多口水, 但妹妹唔算多, 而且無哥哥咁鐘意放野入口咬.

見住兩隻小鬼雖然都係從我而出, 但兩個有唔同性格, 唔同表現, 感覺好得意!

希望佢地將來無論點, 都有一顆純潔既心, 做個正直既人~