9m4w@JW

上星期日大少要返工啊!!!! 一聽到weekend都要返工, 真係好灰~

大少知我好失落, 即時提出左一個建議 : 不如順便去JW high tea 囉!

就係咁, 我就自己帶住承熹去JW同大少會合

我地到先, 承熹一去到就周圍望, 好開心!

無幾耐, 大少出現啦!!! 大家留意下承熹個樣.... 開始興奮

咦, Daddy, 真係你啊! 乜咁啱既~ (設計對白)

去JW食tea已經係無數次, 都無乜好介紹, 今次第一次同承熹去, 真係眨下眼...哈!

記得承熹出世前正正兩日, 我都係去左呢到食tea, 我同肚裡面既承熹講: 阿仔, 你俾媽咪食埋個tea先好出世啊!!!!

果真, 承熹好合作!!!

我至愛既食物

承熹突然又好似大個仔左, 著左呢條褲好似高左咁!

同呢隻小鬼去食tea, 當然係麻煩啲架啦... 無可能再好安落咁慢慢嘆, 又要睇住唔好俾佢扯到啲野, 又要安撫佢唔好扭計攪攪陣, 所以每次出去都要執晒啲發寶入背囊!

但呢隻仔都算係咁啦.. 只係八卦左啲, 不停周圍望, 撩隔離左右, 只要唔大吵大鬧, 我已經好感恩!

開心連環圖

承熹臨尾唔知做乜無啦啦好high咁不停又笑又拍手, 之後有外國人行過時, 佢又識同人拜拜, 咁細個見到靚女就識撩人, 莫非真係異性相吸?!

 

 

聖誕節的確係一個令人開心既大日子, 但自從承熹出世後, 我覺得今年既聖誕節比以往過得更開心, 真係好想帶承熹去勻其他商場影相! (雖然佢成日都周圍望, 好難捕捉)

個傻豬竟然怕聖誕樹, 行近少少佢就攬到我好實, 唔敢哄埋去

玩左成大半日無訓晏覺, 成個眼訓樣走晒出黎!

無笑容既承熹, 個樣好cool啊!

有兩張全家福承熹仲要打住呵欠影, 好好笑!

9m4w

呢排勤力左影相, 所以黎緊都會密啲出post,, 哈!

承熹初初出世時, 我地日日都攞住部相機不停影影影..... 但時間耐左, 就無之前影得咁密. 不過, 依家有手機已經好好, 起碼就算質素唔好, 都叫有啲野睇下! 

但為免將來後悔, 我都係做返一個媽媽應有既責任, 幫小朋友記錄多啲回憶先~

以下相片took by Panasonic LX5

朋友送左一份麵包超人玩具俾承熹, 佢好鐘意, 一訓醒就玩!

麵包超人既玩具真係好吸引, 我成日都不停上網睇, 呢樣又想買, 個樣又想買, 但睇多兩睇又覺得好貴, 所以都係耐唔耐先買, 哈! 買麵包超人玩具, 某程度上係滿足媽媽我既慾望, 因為我唔鐘意Thomas, 又唔可以俾Hello Kitty野承熹玩, 所以麵包超人係我最愛既選擇~

承熹真係好鬼多口水, 成日都醃到塊面紅左一撻

件老虎仔抓毛又係契媽買的, 好可愛, 薄薄地唔太厚, 訓醒著啱啱好!

又打側面扮Q

九個月人仔學野真係特別快, 玩幾次拉, 轉, 推, 扭呢啲動作俾佢睇, 佢就識得做返出黎! 工人姐姐好驚訝佢識得開玩具上既門, 攞入面啲積木~ 

 

好可愛既玩具, 顏色又colorful~ 超愛!

用相機其中一個噴沙mode..

好似黑得滯... 影到承熹好憂鬱

另一個剪影mode, 好blue~

正常既黑白mode - 個姿勢想點?!

仔... 做乜咁忟憎!

針孔mode - 又流口水

正常mode - 哈! 小吉黎啦... bube bube buuuu

肥手仔

以下照片by iPhone 4

屎啦, 承熹係咪有少少鬥雞?? 之前係健康院check 過眼球話無, 但點解我覺得佢好似有啲鬥雞

臨訓前望落好似好精靈, 攪攪陣.. 但一放佢落床, 佢就可以好快訓著

承熹最近食奶又差左, 食得六安就唔肯食! 對於呢啲事, 雖然都唔係第一次發生, 但作為媽媽既當然希望佢會食多少少啦. 但都係個句 ----- 迫唔到! 唉~

9m雜炒

Playback返兩個禮拜前既事先!

兩星期前朋友帶左佢姪女上o黎探承熹, 女仔即係女仔, 好似天生母愛氾濫咁, 一見到承熹就好錫住細佬, 順應晒佢要求

初初承熹見到佢都有少少怕醜, 但好快就肯同姐姐玩, 仲肯坐係姐姐大脾一齊睇相!

妹妹得四歲, 承熹坐係佢上面好得意, 兩隻都細細粒!

好專心咁睇VCD

坐多一陣, 妹妹終於頂唔順嗌救命: 啊... 弟弟好重啊! 姑姐, 可唔可以抱走佢啊????

哈~ 細路仔最可愛既就係'真性情'!!!!

同一日, 夜晚去參加大少朋友既婚禮! 姨媽(大少奶)買俾承熹件禮服printed T又出動, 因為再唔著就唔啱架啦, 唔好嘥, 著多次!

承熹個日唔知做乜勁痴身, 可能唔夠訓, 又多人, 大少抱佢去同朋友social時 (我無跟去), 突然聽到遠處有BB嚎哭聲, 原來真係我家承熹, 哈! 失禮死人~

酒店果然設備都完善啲, 問佢攞BB櫈, 真係成張BB專用既high chair攞黎, 仲有埋前面個張枱, 勁! 如果酒樓都有呢啲較安全既BB櫈就好~ (發夢中)

 

某日, 承熹契媽帶住一大袋戰利品上黎, 全部都係契媽係大阪買返來既手信, 大部份都係承熹既衫&玩具, 我都有份, 哈哈! 多謝契媽~

承熹依家一開心就會自己拍手, 仲要拍到有聲出, 好攪笑!  見到佢雙手肥嘟嘟, 手指又肥又短, 真係好鬼肉緊~

承熹, 你想打契媽??? 唔係啊, 我見到契媽有眼屎咋..wakakkakakaka (設計對白)

契媽買左幾件GAP既衫俾承熹, 其中我最鐘意既就係呢套牛仔睡衣

著左上身真係好攪笑, 因為佢係貼身剪裁, 但有彈性, 唔會緊... 將承熹玲瓏浮突既身型表露晒出黎

 

揸住條iphone charger, 成隻胡迪咁~

細路, 你有左幾多個月啊? 做乜鬼個肚腩仔好似你阿媽咁大架?

擺多個靚pose俾你地睇, 頭大身細, 丁字腳!

又一邊食生果, 一邊玩yoga

隻衰豬有時笑笑下就會打側塊面笑, 成個女仔咁, 引死路人甲乙丙~ *

*註: 甲=媽媽(我), 乙=爸爸(大少), 丙=公公(我老豆), 哈哈!!!