幸福小女人- Diana

2012年11月4日星期日

錦田鄉村俱樂部

上星期我地去左錦田鄉村俱樂部 BBQ

記得上年二月份餓底gathering都係去呢到摘士多啤梨, 可惜我臨近預產期, 所以無法參與, 今日終於有機會去睇睇...

呢到環境感覺唔錯, 真係好適合一家大細去玩, 地方夠大, 好多野可以玩, 任君選擇

承熹第一次玩風箏, 一去到就同爸爸去放

但可能仲細未識玩, 玩唔夠十分鐘就走左去玩滑梯, 得返爸爸一個自己同隻風箏與風, wakakkkakakaa

都係滑梯啱玩啲

原本都想俾妹妹落草地一齊玩下, 但佢扭眼訓, 發緊脾四

玩完一陣, 諗住又俾承熹試下咩叫燒野食, 點知佢一坐近個爐, 已經掩住塊面話好熱, 即閃!

最後都係乖乖地坐係到等食啦!

燒野食啲食物無乜特別, 都係腸啊, 丸啊, 雞啊, 牛啊, 豬啊等.... 幾十蚊一個人頭, 係咁上下架啦!

都算承熹合作, 肯自己乖乖食野

我見隔離有人自己帶左張網床, 跟住放晒啲細路入去玩, 好過癮, 哈!

我都好想有張網床然後掉阿妹入去, 阿妹依家識爬就唔肯乖乖就範坐係車仔, 一係要人抱, 一係想落地, 真係好鬼煩!

抱妹妹呢個重任就交俾大少, 我就同承熹玩...

無意間俾我發現左一樣兒時玩意... 即刻買黎玩俾承熹睇, 哈

大家估唔估到係乜?

應該知啦掛

吹...

我再吹.....

無氣啦, 咁難吹既?!

終於吹到啦 (其實係我幫佢吹左第一下)

大家應該都知係乜! 我細個好鐘意買黎玩架, 但今次再玩返其實都唔知有咩好玩, 到承熹覺得好新奇!!!

以前我吹完一個波會好小心翼翼咁玩, 好驚會整穿, 一穿要即時補救!!!! 但承熹係破壞王, 次次一吹完到佢手就即刻同我揸爛佢, 激死!

不知不覺燒到八點幾我地再轉場去元朗食B 仔涼粉

諗返起上次入去已經係四五六年前啦, 難得入到黎呢頭, 幾攰都要食埋先走!

好好彩去到好快就等到位, 即刻order碟腸粉食, 超滑!!!!

次次見到都會嘩嘩聲既B仔涼粉!

依家叫親承熹笑, 佢都會故意唔笑兼做啲古怪樣, 百厭星!

其實仲想食其他甜品, 咖喱魚蛋, 雞腳等.. 但實在太飽食唔落啦!

今手冬天, 我要帶承熹去一嚐摘士多啤梨既滋味啊~

2012年11月2日星期五

淘 - Samsung Galaxy Note 2 Case Sharing

其實我換Galaxy Note 2 既原因係好偶然

話說我知我爸爸一早已經好想買Samsung Galaxy Note 1, 但一直都唔捨得買

而我本身又覺得Note 1仍然未夠好, 所以都無支持佢去買

直至十月頭有一次同朋友相聚, 偶然機會下試玩佢部Note 2, 發現真係好唔錯, 除個mon好夠大外, 速度同反應都令人有驚喜

所以我就決定買一部俾爸爸做生日禮物, 俾個驚喜佢

其間我一直都無諗住轉, 因為本身用緊iphone 4S覺得都唔錯, 又無壞, 無謂嘥錢 (加上好主觀地覺得iphone係最好的, 哈!)

最後當我買左部Note 2返黎後, 撞啱爸爸唔係香港, 我就想不如先為佢叉好電, set好晒setting, download定佢有用既apps等...

等佢一攞到部機就可以用, 就算佢唔識, 到時佢有任何問題我都識解決

就係咁, 掂左部機兩日............就...........................出事了!

一望返部iphone 4S覺得, 點解個mon細成咁既????????

再加上其他function真係略勝iphone一籌, 所以...........................

學大少話齋: 你啲女人變得真快!

Anyway, 用左兩星期到, 除左覺得佢打字方面無iphone 咁準確, 影相無iphone 5靚外, 其他方面我都幾滿意, 值得推介!

今日想分享我係淘寶訂既電話套, 呢間店鋪既老闆都好nice, 而且品質好好, 大家有興趣可以去睇睇

呢個係我依家用既既套! 我本身鐘意橙色, 同埋聽朋友講Samsung機如跌落地下好易爆mon, 所以我就揀一款包埋mon既套! (有小朋友既你就會有同感, 手提電話係小朋友最鐘意攞黎玩既物件之一, 經常處於危險狀態, 所以帶返個套安全啲! 哈~)

一打開個套時我好開心, 因為quality好好, 完全係我想要個款, 個質地唔係假皮或膠, 而係布料, 唔容易冼手, 而且做工精細

係鴨寮街同其他電話店賣類似既套都要HK$98-HK$128, 但我係淘寶訂只需RMB58, 連優質保護貼, 大愛!

旁邊有兩隔暗隔, 方便我袋住承熹張學生接送証, 呢張証緊要過身份証! :P

http://item.taobao.com/item.htm?id=16210893568