今個星期踏入第九週, 每日既日子總覺得過得好慢好慢, 好似身邊朋友既bb都己經有五六個月, 我仍然仲係三個月未夠, 好心急啊!
我同老公都一樣, 成日都好想時間快d過, 好想阿b快d可以出世.... 平時睇既十個月, 唔覺得係一個長既時期, 但原來當自己有左後, 十個月真係有如等幾年咁耐咁! 哈... 個種感覺真係好奇怪
踏入第九週前兩日己經開始少左唔舒服, 唔通我既害喜現象開始消失? 最近都多左聽人地話其實有害喜現像係好事, 證明bb陀得好, 發育得好... 仲話有報導話嘔得多對bb將來腦部發展都會好d. 聽到呢d說話, 辛苦既時候都會有少少安慰,, 哈!
雖然陀bb真係唔係一件容易既事, 無論心理同身理上都好攰好大壓力, 不過仍然都係個句, 只要bb健康, 我辛苦d都可以, 最緊要係無事, 可以健康地出世就ok!
最近就煩緊究竟去政府生定去私家生, 可能我揀既養和實在太貴, 如果住半私家房連醫生收既費用, 大約都要九萬蚊, 聽到呢個數真係好唔捨得俾啊, 生個仔要唔見十萬蚊, 雖然錢唔係真係大問題, 但都唔想咁嘥法! 加上黎緊又要養b, 又要買/租樓, 又要結婚, 一下子老公都會洗好多錢, 雖然佢話無問題, 叫我唔洗擔心, 但我都會心痛囉~
黎緊月尾媽咪會黎hk倍我, 好耐無同媽咪一齊生活, 希望大家都會夾得黎, 唔好成日再好似以前咁嗌交, 會好好相處...
