悲痛

相信今個星期對全港所有市民黎講都係一個難過的一星期

星期一電視全日直播的菲國脅持港人事件, 真係令人抖不過氣來

呢幾日, 網上不斷有好多好多人發表自己(對菲國政府&警員)既不滿, 哀痛, 討論區亦有好多唔知真定假既流傳

電視重覆又重覆咁播放事情發生既經過, 每睇一次, 個心就痛一次

雖然呢個世界每日都有不幸既事發生, 我地見到都會好唔開心

但今次件事係由朝早直播住一個一個活人等待被救, 但到最後卻只有五位生還者, 個種心靈上既打擊, 稍為有血性既人都難以接受

今日各死者既遺體都運送返港, 事件將會慢慢告一段落

但親歷其事既人, 心靈幾時先可以復原?  死者既家人幾時先可以振作返? 

 

另外令我最深感受既係, 雖然今次菲國警察做得好差, 但另一個角度睇, 其實菲律賓人好慘

試諗下一個充滿貪污, 罪惡, 貧窮, 不負責任既政府的國家, 身為佢既人民係幾咁可憐

連總統自己爸爸都被搶殺死去, 總統本身都試過俾人行刺, 警察無糧出, 經常發生綁架事件, 大部份人民都要去外國工作等...  一個咁既國家, 被全世界影住點救人都可以攪成咁, 你諗下佢地平時對自己既國民又會幾盡力? 

所以我地真係要好感恩自己生於香港, 雖然香港政府仍有不足既地方(但試問哪個國家是完美的), 但相比呢啲國家, 我地真係已經好幸福!  大家加油~

 

"主啊! 求你親手扶起受難的人, 親自為他們療傷, 希望受害者可以快快堅強起來, 重新面對呢個世界! 另外亦希望主會憐憫菲律賓既國民, 饒恕他們所做的, 他們不曉得, 希望每個人都得到公平, 得到尊重.  一切交托主, 因唯獨主耶穌才能成就一切.  阿們"