六個月大的小魔怪... (終於可以用'歲'呢個字去話俾人聽佢幾大...哈!)
真係越黎越似一隻小魔怪!!!!!
呢隻係一隻痴身既小鬼, 每次見到我就手舞足蹈, 然後就會雙手衝去我到... (我當然都好開心啦)
而身為老豆既大少, 經常性吃醋, 話個仔已經當佢透明, 唔再理佢咯! 哈~
老公, 你唔可以妒忌我架, 每朝無論幾咁攰都要起身餵奶, 換片, 倍玩, 暗訓覺等.. 做到夜晚無論幾咁攰都仍然要重複重複呢啲動作, 呢啲唔係白做架!!! 
不過承熹啊, 你要知道你daddy為左你都付出左好多好多... 所以你將來都一定要孝順daddy, 唔可以當佢無到架!
尋日自己幫承熹磅重, 粗略估計(減返啲衫&片), 佢依家應該有十七磅! 可能因為近呢兩三個禮拜佢都好肯食(托賴), 平均每日四餐七安都食得晒.. 希望係佢肯食既時間可以儲肥少少啦, 否則遲啲又有咩厭奶期又食唔夠! (最煩~
)
上星期係BB展買左少少玩具俾承熹, 因為佢開始大啦, 真係要買啲玩具俾佢玩, 啓發下腦部發展, 唔可以再好似之前咁求其俾啲野佢玩就算! 另外買左個學習尿壺, 開始試下食完奶後俾佢坐下, 就算唔成功, 但偶然去到的話, 都可以慳返少少片麻~
同埋承熹啱啱半歲, 我就試左開糊仔佢食, 不過我只係試下, 所以將糊仔放係食完奶後試餵, 睇下佢反應.. 第一次食, 好似好興奮, 不斷張開口, 但唔係好識吞, 食到成面係.. 攪笑! 遲啲要再慢慢試下餵粥仔
呢個小鬼, 打從四個幾月開始學識坐後, 依家開始坐唔定, 成日坐係到就會向前'鍾', 好想向前爬, 但當佢'鍾'到向前呢, 又唔識向前爬, 只會向後爬... 哈! 夠晒抵死~
承熹又成功坐坐下向前扒左係到, 依家個傻豬對手好有力啦!
真係睇少眼都唔得, 有次佢自己係到爬, 我知佢爬唔到, 所以無一直望住佢, 點知佢向後爬, 差啲爬左去床邊!
但有樣好奇怪既係..... 佢仲未識轉身?!
呢個pat pat + 大脾, 係我最鐘意的, 見到就好肉緊!
有好多人話承熹越大越似大少, 有啲人就話似我, 但係我眼中, 兩個都唔似, 佢個樣係自己一個樣
佢啲口水多到講到唔信, 一日至少因為口水而換三套衫, 口水肩------ 我諗一日至少八至十條! 好誇張, 幾時先會無咁多口水架?
古靈精怪
我今日先發現, 原來承熹真係好多表情, 仲要係古古惑惑咁, 我自己睇返都覺得好抵死!
眨下眼就六個月,, 時間過得好快! 可惜我既身型依然係咁肥~ 噢... 好傷心
無論我身型樣貌大大不如從前, 但係承熹心目中, 我依然是最好的! 哈~
個頭咁睇好似頭大身細咁.. 哈~
呢個笑法係上個禮拜既笑法, 承熹依家成日都有唔同表情, 之前試過有一排成日伸脷, 有一排又不停食自己個咀唇, 每個表情維持幾日就會轉, 今個禮拜既表情就係笑笑下將個頭45度角向右傾斜, 冧死唔少人..
見到傻豬仔既樣, 我做媽媽既咩辛苦都覺得值得! (呢個諗法係當過左辛苦既時候... 哈~)
咁承熹食完奶奶坐尿壺時,係咪會除左塊片片, 但佢肯坐咁耐嗎
回覆刪除[版主回覆08/17/2010 19:56:00]係啊, 除左片片俾佢試去, 但佢都唔係好鐘意, 坐左五分鐘到就抱起佢, 佢好似好唔慣咁! (因為我到依家只係試左一次!)
回覆刪除So Cute!!! I like it!
[版主回覆08/17/2010 19:56:00] thank you!
承熹好似妳呀!!真係大個左好多呀!!
回覆刪除[版主回覆08/17/2010 19:37:00]好多人話佢似老豆.. 我自己就唔覺, 哈!
回覆刪除妳真係好叻架, 冇工人一手一腳湊到佢咁肥肥白白, 仲一d怨言都冇, 又唔夠瞓又冇人幫手, 妳真係好叻架! 囝囝真係very very 可愛呀, 我成日都要過來睇睇佢d相架, 望住佢連我自己都笑埋呀!
[版主回覆08/17/2010 19:37:00]其實我都唔算一個人湊, 因為大少都幫左好多好多! 同埋我個工人姐姐上兩個星期黎左啦, 依家仲舒服啲...哈!
多謝你既讚賞啊!
幾cute!
回覆刪除[版主回覆08/17/2010 19:37:00](Empty)
真係好得意，依個時間真係好好玩呀！ BB學爬好多時都會用錯力變咗去後爬，好攪笑架～
回覆刪除[版主回覆08/17/2010 19:37:00]佢前兩日先轉身添, 我好興奮啊!
承熹有d似mommy又有d似daddy ... 無所謂啦, 咁靚仔!!
回覆刪除[版主回覆08/17/2010 19:37:00]多謝多謝!!!!!!!! 沾下阿仔啲光先~
會唔會去參加下D爬行比賽? 佢爬既時間唔長...好好把握哦.
回覆刪除[版主回覆08/17/2010 19:37:00]佢仲未識爬, 等佢遲啲識爬先算, 哈! 但佢前幾日識轉身啦~
pat pat + 大脾...我都好肉緊呀~~好想大啖咬落去~~
回覆刪除承熹愈大愈可愛呀~咁多表情~~祈緊禱果張好正！
[版主回覆08/17/2010 19:37:00]heehe...佢真係好鬼多表情!
回覆刪除係承熹同你老公心目中, 你依然是最好的...因為你呢個好媽媽真的付出很多...加油 ar
[版主回覆08/17/2010 19:37:00]哈, 係承熹眼中, 我一定係最好! 係老公眼中, 可以做得更好...wakkakakaka
但係我眼中, 兩個都唔似, 佢個樣係自己一個樣 >>>> I totally agreed with you. I have the same feelings about my kids.
回覆刪除My son was like 承熹very 多口水 when he was small. He had to wear bib all the time and had to change frequently. I can't remember exactly when he stopped. But once he started school, it would become less. So be patient Mommy : >
[版主回覆08/17/2010 19:37:00]let's meet later, maybe we can have lunch or tea at Quarry Bay, i know there have many new restaurants now! heee
Lincoln has really really much 口水, he needs at least 10pcs of bibs everyday and the 紗巾 as well... crazy!!!!! on the other hand, i hope he don't growth up soooo fast,,, i love his baby face like now!
承熹 is really really cute.. and you also still look great and ur a wonderful mom.. add oil ar..
回覆刪除[版主回覆08/17/2010 19:37:00]thank you sooo much!
Good ar. I want to meet you and see your lovely son for so long la.
回覆刪除Now I look at my kids, I also wish they are still babies.
You still have my no.?
[版主回覆08/21/2010 15:25:00]you pm the mobile to me ar!!!! thank you~
好想再見承熹呀！佢真係好叻叻。你都湊得好好呀。俾個叻你。好多時人人都會只係話個bb叻，咁當然有好多野都係bb自己學識，但係父母的功勞都不可少嘛，所以，點都要讚下你！！！
回覆刪除[版主回覆08/21/2010 15:25:00]你咪仲叻.... 我真係覺得你好勁, 因為身在異地, 始終好多野唔似香港咁方便, 有問題想問都困難啲 (不過我諗你應該好醒的..哈)
仲要餵母乳餵到依家, 我真係好佩服呢~
無錯，見到自己個囝囝長大，係好興奮的事，當你見到佢識行，重開心呀！！每一個階段，都係超級開心。
回覆刪除[版主回覆08/21/2010 15:25:00] 我尋日見到佢第一次捉隻腳入口食, 好攪笑!! 哈~
承熹真係一個開心BB, 成日都笑得咁開心 , 做媽咪既點辛苦都值得啦 !!
回覆刪除我亞B而家3個半月, 我都好期待佢所有既第一次, 哈哈 ~~
[版主回覆08/26/2010 01:13:00]3個半月開始有好多野會識做,, 至少佢識俾反應你, 識笑, 識玩, 好可愛架, 你實開心屎~~
終於可以用'歲'呢個字去話俾人聽佢幾大 <---- 我仔仔六個月大o個陣我都有咁講過架!! 承熹真係好得意! 好多表情呀!!
回覆刪除[版主回覆08/26/2010 01:11:00]我諗個個做媽媽的心態都會好似..哈哈~
承熹好得意呀
回覆刪除承熹祈禱個樣好似一個小天使,真係令人個心甜一甜言蜜語
回覆刪除