6m@台灣Studio

之前係承熹六個月大既時候, 係台灣影左一輯家庭照

因為呢輯相係免費的, 所以.....要求就無咁高啦... 哈!

但求留個紀念, 耐唔耐睇返都幾開心

我自己最鐘意係承熹剝光豬 & 著格仔Polo shirt呢兩個feel, 因為有自然光做背景, 影出黎啲感覺好自然, 好舒服!

 

六個月既承熹, 真係肥過依家, 見到佢對粗脾, 真係"成廿八寸大脾"!!! 哈哈哈~

開心大發現

踏入六個月大既承熹, 真係有好多新嘗試

我自己覺得承熹既生長時期分左幾個階段

0-3months: 係最一舊飯時期, 亦都係我覺得最辛苦既時候, 因為個時仲未適應做新手媽媽, 而且承熹頭兩個幾月都仲係唔肯自己訓, 每次訓都要暗好耐..個時真係人都癲!

3-4months: 係我開始有滿足感既時候, 因為承熹開始對人有反應, 識得同人笑, 唔再係一舊飯! 加上係大約兩個半月時戒左夜奶, 三個月時就戎埋要抱住暗訓&奶咀, 真係令我同大少大大鬆左一口氣, 好湊左好多..

4-5months: 係佢四個月大時, 佢開始想坐, 唔鐘意訓, 後來五個月時就真係識得坐(不過仲旁住)&襟住佢對腳, 佢自己識用腰力起身(簡稱做sit up), 同埋佢由細到大都已經好硬淨, 到左呢個時期, 輕輕逗一逗佢雙手, 佢會成個企係到, 公公最鐘意咁同佢玩

5-6months: 開始認人, 勁痴我!!!!!!!!! 每次見到我都會想撲過黎我到, 同埋已經可以自己一個坐得好定! 每朝早訓醒會自己玩一陣, 唔會喊, 最多咦咦哦哦, 我醒左望一望佢, 佢就會對住我笑..勁冧!

6m-now: 終於成功自己轉到身啦, 人地四個月識既野, 佢六個月先識... 唉, 都好, 俾我親眼見到, 勁開心!  仲有就係... 登登登登~~~~  前日星期三晚發現左佢出左兩隻牙仔啊!!!!!!!  係下面門牙兩隻一齊出, 哈~ 

另外就係承熹開始食糊仔, 食左大約五日到.. 不過仲未食得好好, 同埋唔知係咪因為出牙, 無胃口, 連食奶都差埋! 但係呢... 佢依家識得攞起自己隻腳食腳趾, 哈哈! 我終於等到呢一日啦, 因為我覺得BB食腳趾好得意...hehehehe

仲有仲有, 依家個衰豬識得搵人, 係右邊見我唔到會望左邊, 左邊見唔到會望右邊, 有時我特登'離埋', 佢仲會打側頭去搵我.. 真係好攪笑!

六個月開始, 生長進度特飛猛進, 依家佢已經成日周身郁, 自己轉身後就想爬.. 我諗不久既將來, 我真係要看牛咁看佢啦!

承熹仲試過自己猛住床邊既欄企左起身, 我同大少即時勁驚訝, 真係睇少一眼都唔得!

睇下佢食得幾狠死...hahahahha

呢隻仔最識逗公公開心.. 如果婆婆係到, 相信婆婆都會好開心

承熹上星期仲參加左佢人生第一個生日會, 鄭太兩個寶貝孖三歲生日啊! (我都第一次參加M記生日會, 哈!) 原來氣氛好好, 個個小朋友都好開心, 滿載而歸.. 承熹仲未識玩, 但大少反同啲細路一齊玩.

承熹今次第一次成功轉身係o係台灣發生,, 當時我仲係到整緊奶粉, 咁啱係塊鏡到俾我見到佢轉身, 我即時掉低手頭上既事, 即刻將佢打平再試過... YEAH! 終於成功, 哈~

 

大少成日都話承熹好似啲阿伯行路發軟蹄, 但又勁鐘意跳跳扎, 我地睇親都覺得好攪笑

iPhone有個apps好好玩, 好多得意既公仔攞黎加工照片, 我又係到攞個仔黎玩..hehehe

老公, 你終於恨到有個女啦...好卡娃兒呢!

呢個頭罩簡直係為承熹呢張相而設, 好fit啊!! hahahaha

我係電光超人, 焦焦焦~

 

感謝上帝保守承熹既健康, 希望承熹將來都會係一位合神心意既義人, 求主帶領!

半歲啦....

六個月大的小魔怪... (終於可以用'歲'呢個字去話俾人聽佢幾大...哈!)

真係越黎越似一隻小魔怪!!!!!

呢隻係一隻痴身既小鬼, 每次見到我就手舞足蹈, 然後就會雙手衝去我到...  (我當然都好開心啦)

而身為老豆既大少, 經常性吃醋, 話個仔已經當佢透明, 唔再理佢咯! 哈~

老公, 你唔可以妒忌我架, 每朝無論幾咁攰都要起身餵奶, 換片, 倍玩, 暗訓覺等.. 做到夜晚無論幾咁攰都仍然要重複重複呢啲動作, 呢啲唔係白做架!!! 

不過承熹啊, 你要知道你daddy為左你都付出左好多好多... 所以你將來都一定要孝順daddy, 唔可以當佢無到架!

尋日自己幫承熹磅重, 粗略估計(減返啲衫&片), 佢依家應該有十七磅! 可能因為近呢兩三個禮拜佢都好肯食(托賴), 平均每日四餐七安都食得晒.. 希望係佢肯食既時間可以儲肥少少啦, 否則遲啲又有咩厭奶期又食唔夠! (最煩~)

上星期係BB展買左少少玩具俾承熹, 因為佢開始大啦, 真係要買啲玩具俾佢玩, 啓發下腦部發展, 唔可以再好似之前咁求其俾啲野佢玩就算! 另外買左個學習尿壺, 開始試下食完奶後俾佢坐下, 就算唔成功, 但偶然去到的話, 都可以慳返少少片麻~

同埋承熹啱啱半歲, 我就試左開糊仔佢食, 不過我只係試下, 所以將糊仔放係食完奶後試餵, 睇下佢反應.. 第一次食, 好似好興奮, 不斷張開口, 但唔係好識吞, 食到成面係.. 攪笑! 遲啲要再慢慢試下餵粥仔

呢個小鬼, 打從四個幾月開始學識坐後, 依家開始坐唔定, 成日坐係到就會向前'鍾', 好想向前爬, 但當佢'鍾'到向前呢, 又唔識向前爬, 只會向後爬... 哈! 夠晒抵死~

承熹又成功坐坐下向前扒左係到, 依家個傻豬對手好有力啦!

真係睇少眼都唔得, 有次佢自己係到爬, 我知佢爬唔到, 所以無一直望住佢, 點知佢向後爬, 差啲爬左去床邊!

但有樣好奇怪既係..... 佢仲未識轉身?!

呢個pat pat + 大脾, 係我最鐘意的, 見到就好肉緊!

有好多人話承熹越大越似大少, 有啲人就話似我, 但係我眼中, 兩個都唔似, 佢個樣係自己一個樣

佢啲口水多到講到唔信, 一日至少因為口水而換三套衫, 口水肩------ 我諗一日至少八至十條! 好誇張, 幾時先會無咁多口水架?

古靈精怪

我今日先發現, 原來承熹真係好多表情, 仲要係古古惑惑咁, 我自己睇返都覺得好抵死!

百厭星樣

好似祈緊禱啊! 哈~

見到乜野咁開心? 老豆是也..

好似打緊自己一拳咁!

笑到對眼細晒... 變左豆豉眼, 哈!

眨下眼就六個月,, 時間過得好快! 可惜我既身型依然係咁肥~ 噢... 好傷心

無論我身型樣貌大大不如從前, 但係承熹心目中, 我依然是最好的! 哈~

個頭咁睇好似頭大身細咁.. 哈~

呢個笑法係上個禮拜既笑法, 承熹依家成日都有唔同表情, 之前試過有一排成日伸脷, 有一排又不停食自己個咀唇, 每個表情維持幾日就會轉, 今個禮拜既表情就係笑笑下將個頭45度角向右傾斜, 冧死唔少人..

見到傻豬仔既樣, 我做媽媽既咩辛苦都覺得值得! (呢個諗法係當過左辛苦既時候... 哈~)

停不了的啜----手指

係時候講下5m2w既承熹生長狀況

唔知做乜鬼, 近呢兩個禮拜, 承熹明顯開始唔肯個個都跟

好多時奶奶或有d親戚過黎探佢, 一o黎到想抱佢, 佢就喊, 喊到扁晒咀好似好慘咁!

但佢又唔算怕生保, 平時推佢行商場, 行過d人撩佢, 佢又會同人笑, 同人玩, 真係要睇佢心情

不過最麻煩係, 依家有時連大少都攪佢唔掂, 好似當我煮緊飯時, 大少係廳到同佢玩, 佢都嘈嘈閉, 一抱佢去廚房門口見到我就即刻收聲仲會笑

無可口非, 做阿媽既我見到個仔咁痴我 我都開心既, 證明我係佢心目中係最重要/最鍾意既人, 我既付出(辛苦)係無白費!!!

但另一方面睇, 我其實好怕小朋友咁痴身, 最怕佢再大d會痴到一見我唔到就喊, 死都要我倍實咁我就屎得! 

大少都有同承熹講: 媽咪成日鬧你(都唔係鬧, 不過有時佢唔食奶又扭計我會語氣重少少話佢), 又唔抱你, 你仲乜仲咁痴媽咪????

哈, 可能呢啲真係天性... 鍾意聞到我陣'除', 哈哈! 

承熹食手已經食到忘我境界, 無時無刻都係咁食, 而且勁多口水. 啲人話成日食手, 多口水又疴豆腐嗅嗅就係出牙仔徵兆, 雖然承熹都中左九成, 但我暫時都未發現有出牙仔.

佢啲口水多到一日要換成八至十條口水肩, 紗巾又係十條八條走唔甩, 好彩依個年代有尿片, 否則除左要洗紗巾, 口水肩外, 仲要洗埋尿布, 真係成間屋俾埋佢都得 (依家掠衫都己經掠到成房係)

有人問我 : 佢係咁食手唔好架喎, 不如俾奶咀佢食!  但我心諗.. 我好難先同佢戒左奶咀, 依家又俾返佢食, 無野啊?  同埋我個人認為外觀黎睇, 食手無食奶咀咁醜怪, 哈!   同埋我諗食奶咀/食手都係佢呢個時期既生理&心理需要, 再大個啲應該會有改善! (再唔得先試擦白花油啦!)

食到津津有味, 最抵死係一食完奶佢更手就會以九秒九放隻手入口再食, 但佢唔係未飽, 只係心理需要!

曾經睇過一篇報導話:

食人奶既bb由於埋身食既次數多過食奶粉的bb(因為奶粉襟飽啲), 相對佢地做吸啜呢個動作既次數&時間都係多過食奶粉既bb, 所以佢地食手指既需要會較食奶粉既bb少.

而食奶食得慢既bb由於吸啜奶咀既時間較耐, 所以食奶食得慢既bb比起食奶食得快既bb對啜手指既需要又會較少

咁即係話, 吸啜呢個動作係bb天生既需要, 給予越多, 佢既需求就會越少...

但好可惜既係............. 承熹一直都係食奶樽 (人奶+奶粉), 所以埋身食既次數較少; 另外呢隻衰仔好似前世無食過飯咁, 係佢肯食既情況下黎計, 佢一般七分鐘可以KO一枝180-200ml既奶...

所以種種跡象黎睇.... 佢係極度缺乏吸啜呢個動作, 所以引致佢依家手不離口! 唉~

我唯一可以做既係, 密密同佢抺手, 換口水肩, 換紗巾... that's all!  

另外呢兩日承熹食奶又係唔穩定, 好多時後勁不計唔肯食, 跟住我就試下用spoon餵佢食奶, 初初佢個樣好似好怪咁, 唔想要.... 但試多兩啖, 佢就開始識得吞, 唔再吐出黎... 後來佢仲係咁追食, 未隊到埋去個口邊, 佢已經開定個口好似好想食咁.

唉, 呢個仔都係貪新鮮架啦 (似我),, 不過當係俾佢試下用spoon餵係應該點吞, 下個月開始餵糊仔時麻煩你多多合作啊!

我覺得呢張相承熹好似鄭則士,, hahahahhahah 仲要係情越雙白線入面揸的士個LOOK, 好似一隻手放係車窗到, 等緊生意!! 哈

最攪笑係有一次佢係到扭計, 我無彩佢(突登眼尾都唔望佢, 但其實我坐係佢隔離上緊網), 點知過左大約十分鐘無晒聲, 我望一望佢, 原來佢訓著左!  但佢隻手放左係個玩具呔盤到, 好似揸揸下車好眼訓訓著左, 哈!!

阿仔, 大個你唔好咁, 會累人累己架!!!!!!

見到人地既BB有好多頭髮, 點解阿仔你無乜架???? 唔通遺傳左公公啲基因? 屎火~