開心週

今個星期好開心, 有三個好開心既消息...

第一個係吱吱作動了, 應該聽日/後日又有小生命出世啦! 感恩感恩

另兩件開心事就係....... 應承左朋友唔講住, 遲啲先講, 哈!

呢兩日天氣涼左好多, 連我呢個 '暖爐' 都覺得有少少寒意, 呢種天氣真係好舒服, 唔洗開冷氣都好涼爽, 其實天然既涼風真係比起風扇&冷氣機舒服得多

承熹個樣有時睇好醜怪, 好似蠟筆小新

但幾醜樣我都一樣咁愛,, 因為你係媽咪既心肝寶貝!

我媽咪以前都係叫我做 "小寶貝", 我有時都覺得好肉麻, 好核突, 但原來媽媽既心聲就係咁肉麻

好愛承熹既肥手, 真係同大少一樣, 其實都有啲似我... 又肥又短既鳯爪手, 哈!

秋意綿綿正好眠, 連承熹都好訓左, 夜晚喊醒既次數減少左, 試過兩晚可以一覺訓天光, 但我無諗過佢會咁懶訓

今日發現佢上顎出緊第三隻牙, 見到白色, 可能因為已經爆左出牙肉, 所以佢無咁忟憎, 訓得好左, 又食返多左奶.. 

上星期日同一班係杜拜識既朋友食飯, 大家睇住我大肚, 睇住承熹滿月長大, 眨下眼又八個月, 個個都話佢好健碩 (但其實佢只係中碼baby), 加上佢一反常態肯跟人, 個個抱都無事, 攪到個個都係咁讚佢好乖好易湊 (哈, 但實情係我先知. 呢個仔一時時咋)

承熹第一次坐BB櫈, 都坐得幾定, 但我發現唔係好多餐廳/酒樓有呢類一張過既highchairBB櫈, 多數都只係加左櫈仔係餐椅上, 但個隻款我又怕承熹周身郁會反櫈!

坐地鐵返屋企時個嗅豬無啦啦食腳趾, 真係失禮晒!

百無了賴, 好似好悶咁~ 比起坐的士, 佢應該鐘意坐的士多啲, 起碼有街景睇! 哈