觀禮

好感恩, 過去一星期相信好多人都對呢個"鮎魚"議論紛紛.  部份人好想佢打得成, 可以得到一日休假; 但部份人又會好怕佢會直接吹正香港, 影響計劃!

我自己本身都唔想鮎魚打得成, 一來呢個風真係好勁, 我唔想又有人受到災害; 二來今個星期五係大少既家人結婚, 結婚係人生大事, 當然唔希望佢地會受到影響!

但真係誓估唔到, 風打唔成之餘, 仲要好好天, 無乜落雨咁滯, 真係要好好好感恩~

當日只係去觀禮, 所以裝備可以輕便啲, 唔洗帶咁多野出門口

承熹件Printed Tee係姨媽(大少奶)買的, 好啱身, 感覺大禮得黎又唔會隆重, 好鐘意!!! 加埋佢呢個'賴'有型食手指look, 眼神有啲憂鬱.  真係愛死呢隻仔! 哈~

一早七點半起身食奶, 玩到十點要出門口先黎眼訓, 吹漲!

黎緊十一月, 十二月, 一月都有飲宴要出席, 好多人結婚, 好替佢地開心!  出年一月唔知承熹識行未?

去到婚姻登記處見到承熹的'堂堂哥'?! 唔知點稱呼佢地啲關係, 係大少堂細佬既仔! 佢一見到承熹就好肉緊, 但承熹啱啱訓醒, 對人好冷漠! 如果佢係女仔, 可能會好啲~

堂堂阿哥都係大眼仔一名, 佢有個妹妹, 仲可愛, 大承熹一個月, 可惜個日無黎到!

當日見到好多好少見既親戚, 就係因為少見, 個個都想抱承熹, 可惜呢個仔好唔合作, 可能一來唔夠訓, 二來怕生保, 人地一抱佢就喊, 跟住就好似貼身膏藥咁痴實我!

佢仲要衰到人地摸下佢隻手, 拖下佢, 佢都fing開人, 驚死人地擄走佢!

觀禮既時候承熹無啦啦自己係到拍手, 好好笑...  我心諗: 承熹好叻仔, 知道陣間禮成要拍手, 依家拍定先!!

 

但點知........ 到真係禮成時佢又唔拍, 係咁掛住望人地拍, 人地拍完, 佢先拍! 激死~

個日天氣真係唔錯, 無落雨但有少少陽光, 真係涼風輕輕吹到 俏然進了我衣襟. 夏天偷去聽不見聲音

之後大家去酒樓食飯, 承熹頓時變左做"o靚模", 哈

攪左成朝, 終於頂唔順訓左

途經沙田新城市, 想影下相之際-----------相機無電!