上星期五有幸得家姐大少奶好好人'屎'咁帶我去Nescafe Dolce Gusto既發怖會
家姐知我一向都愛飲咖啡, 真係日日都要飲, 連大肚個時都日日飲一杯, 飲少一日都囉囉攣, 所以當我得知大少奶有份出席今次呢個咖啡機發怖會時, 我好唔要面咁叫佢帶埋我去, 亦都好多謝有關部門肯俾我出席! Thank you~
其實之前係Sogo 都見過呢部咖啡機做宣傳, 但心諗自己已經有一部, 無謂再嘥錢買, 所以試都無試就走
一去到被安排座位後, 隨即就問我地想試邊款味既咖啡
佢地Total有五款味道, 我揀左Latte
-Cappuccino
-Latte
-Mocha
-Chococino
-Lungo (齋啡)
最令人意外既係除咖啡外, 仲出左無咖啡因既朱古力奶, 啱晒唔飲咖啡既朋友, 由於無咖啡因, 就算孕婦或者小朋友都適合飲. 比起傳統咖啡機, 呢部更加啱一家大細
會場有幾部咖啡機 (俗稱小企鵝, 因為個樣似, 哈), 見到服務員唔洗一分鐘就沖好一杯
睇唔出呢部咖啡機, 機身細細沖出黎既咖啡都有起泡效果, 初時我抱住平常心既心態去試, 因為睇部機咁輕巧, 我真係唔太相信佢可以沖出好味既咖啡! 但當我飲過杯Latte後, 真係另眼相看 (即時留心聽下佢地既介紹)
右手邊個杯係大少奶既朱古力奶. 好濃郁既朱古力味, 仲有少少泡沫, 好好好好飲!!!
咖啡既精華就係晒呢個capsule到, 初初我都唔明點咩原理? 因為傳統個啲係要自己壓粉, 會有蒸氣壓啲咖啡出黎, 又要自己打泡架麻, 依家乜都唔洗就可以沖到出黎? 好匪夷所思... 但後尾聽完講解完詳細既介紹後, 我完全明白了, 對呢部機仔更有信心~
呢個capsule既設計係瑞士專利發明, 全世界都未有呢個技術, 而且佢地既咖啡粉係用100% Arabic 咖啡豆而成, 品質都係高質素
在場仲請左Cafe Corridor既老板去講解咖啡既品種同飲法 (哈, 我平時都有去Cafe Corridor飲下咖啡食下Scone, 佢話下次我去俾折頭我呢,, haaa)
介紹完畢就俾我地在場人仕自己去玩下部機. 用法真係超簡單, 只需將Capsule原粒放入機
安照唔同咖啡既份量去沖調就攪掂!
推開動制, 即時出咖啡, 前後我諗大約40-50秒就可以沖好一杯咖啡 (上面張相就係我自己試沖, 真係快靚正! 最好係咁方便簡單, 教屋企個姐姐用都無問題)
大會仲提供Tony Wong 蛋糕俾我地邊食邊享受咖啡!! 好細心.. 因為飲咖啡食甜品係最大既享受~~~~
每位出席既朋友仲獲Nescafe送贈咖啡杯一隻!
咖啡杯上有份量標纖, 方便用呢部機沖調時睇返啲份量
壓軸..............................................................好戲!!!!!!!!!!!!!!!!!!!!
Nescafe會送出一部Dolce Gusto + 五盒咖啡&朱古力Capsules俾在場有份出席既朋友, 因為名額得一部, 當然係抽獎形式抽出!!!
成世人都人無乜抽獎命既我, 一心諗住有份出席去試飲咖啡已經好開心, 當佢地抽出後讀我個名時, 我都呆左一呆, 唔敢相信係自己!!! 哈~
真係好開心, 好感恩!!!! (因為未抽獎前我已經問價錢想買一部了) 估唔到我咁好彩抽中, 又要多謝家姐一次, 無你帶我去呢個發怖會, 莫講話抽到我, 我諗我會miss左一部咁好用既咖啡機, 錫晒你~
yeah!!!! 返到去同大少講我好幸運抽到咖啡機時佢都唔信, 以為我買的.. 全套既味道有齊晒, 歡迎各位朋友上黎我到試玩&試飲, 真係好正~
啊! 咖啡粉出面賣六十蚊一盒, 每盒八杯. 為返一杯都係七個幾, 比起出面飲當然抵好多啦. (只要Nescafe唔好狂加價的話!! 哈)
大少急不及待當晚已叫我沖杯俾佢試下, 真係唔洗一分鐘就沖好, 佢都驚嘆依家既咖啡機竟然咁方便 (我地舊個部可以係櫃底摷返出黎啦...吉返個位放其他野!)
你地睇, 放係熱水煲隔離都係差不多大, 一啲都唔佔位, 又方便, 啱晒香港人用!
提外話:
不過我自己個人覺得呢部機樣樣都好, 唯一唔好既就係唔夠環保! 因為每個capsule沖完就要掉, 一杯用兩個, 如果佢地將來可以改用一啲環保物料去做capsule, 又或者啲capsule可以循環再用的話會更perfect 囉!
