冬天都未到, 但係我既皮膚已經通知我 "唔掂啦,, 好鬼乾呀!!" 雖然我係一個專業既美容師 (如果依照文憑 o黎講) 但平時一向似住自己皮膚底質唔錯, 所以懶得就懶, 都唔會特別勤力做facial, 真係得閒到死.. 或者啱啱買左新產品o既頭幾日先會好積極去做..
但黎到杜拜呢邊, 真係發覺有少少唔對路?!
首先, 唔知係我個人生活習慣俾之前日夜癲倒既生活攪到苛爾蒙分泌失調, 引致塊面(額頭位)開始生暗粒, 定係自己既皮膚真係因為過左廿五歲而開始退化??
第二: 過到o黎除左額頭位開始有暗粒外, 唔知係水土不服定點, 連下巴位都生好多暗粒(下巴位生粒粒代表腸胃有問題!)
第三: 我懷疑帶過o黎個枝洗面奶洗得唔夠乾淨, 所以攪到我o的皮膚越黎越差
第四: 我見枝洗面奶唔好用, 就求其再去買枝Netrogena Deep Cleasing 返o黎用,, 但唔知係咪乾淨得濟, 洗晒我o的油, 攪到塊面依家好似好''鞋''好乾咁, 又痕痕地, 似敏感!!!!
好煩惱, 係呢邊, 我o的護膚架餐又唔足夠, 都唔知可以點做?! 好彩, 上個星期聽收音機咁啱講開秋冬護理 - 自制mask, 用簡單o既材料, 可以係屋企自己做mask... 其實我諗好多人都聽過呢o的方法, anyway, 我都照POST出o黎同大家分享下, 我o黎緊都會試下WORK 唔WORK, 試完再同大家分享! 希望幫到你地啦...
美白滋潤面膜
功效:
令到皮膚光彩重現, 中和油脂分泌.
峰蜜可以滋潤皮膚, 蛋白可以收細毛孔及去污垢, 麥皮可以促進去死皮.
材料 :
峰蜜, 蛋白, 麥片(未煮) 1茶匙
份量其實depends on 你塊面有幾大, 每種面膜最主要溝埋後係成糊狀, 敷到上面, 唔好太水就ok
時間: 20mins, 洗掉即可
********************************************************************************************
深層清潔面膜
功效:
去除暗啞皮膚, 令皮膚回復光澤
材料:
蛋白, 粗SALT(一茶匙)
蛋白可以去面上污垢, 粗鹽可去死皮
做法:
蛋白放入碗內打至起泡, 加入粗鹽, 用指尖將mixer輕輕係面上打圈, 即可. 但建議一星期兩至三次, 不可連續幾日做
**********************************************************************************************
漂斑美白面膜
功效:
淡化色斑
材料:
杏仁粉5茶匙配幼鹽1茶匙
杏仁有美白淡斑作用, 鹽有去死皮作用
時間 : 敷20mins即可
--------------------------------------------------------------------------------------------------------------------------------------------
暫時講住咁多先, 有興趣既朋友可以再同我一齊研究下.... 另外提醒大家一樣野, 我知道有o的人係對蛋白敏感, 所以我建議容易敏感o既朋友, 可以先試下敷係自己隻手or頸到睇下反應先, 唔好攪到塊面出左事先識驚... 以上既面膜療法如果大家有任何意見或有更好既方法可以提供, 不妨留言.... THANK YOU!
