香煎龍脷柳

好開心呀, 今日有個朋友仔(DAVIDWONG)主動問我呢個香煎龍脷柳點整.... 其實我有好多餸都想POST 個做法出黎, 但基於我自己本身又唔係煮飯好叻既人, 我都唔想下下都好似教人咁... 難得今日有人問我,, 我又有機會係到扮下野, 將呢個香煎龍脷柳既做法寫出黎.... 希望幫到 DAVIDWONG 你'乙水'到男朋友啦!

材料 :

急凍龍脷柳.........兩塊

醃料 :

鹽 .......  少許

糊椒粉 ......少許

醃半小時

做法 :

燒熱獲加入牛油, 燒溶,  將龍脷柳放入獲煎..... 每隔半分鐘反一次 (視乎塊魚柳有幾厚, 如太厚可再煎耐D), 其間可再加少少糊椒粉,  收細火煎至金黃及確定魚柳熟透即可..

其實魚柳係容易煮熟, 所以如果想煎到塊魚柳靚, 有少少金黃就要用慢火煎, 否則會燶過焊燶面包! 

由於龍脷柳可以隨意拼配其他食物, 所以我唔寫其他點整... 蛋沙律既食譜可以去返之前既RECORD到睇返.

下面呢張相係我之前又係用龍脷柳黎配西炒飯, 其實仲可以配義粉或飯都可以.. 最緊要係個醬汁整得好味, 就可以帶起成個餐既味道.

呢個磨菇汁其實係用罐頭磨菇湯黎煮, 只加好少好少水, 要保持杰身.. 煮熱即可倒上做汁料.

以上既菜式係非常簡單, 想係Christmas 整餐俾男朋友食,, 不妨試下.