Healthy Meal

最近真係食左好多肉, 因為之前興致勃勃成日上網搵recepi想整新菜式俾大少食,, 但發覺我地兩個既身型好似越黎越漲咁,, 我都要停下, 唔好再煮咁多肉...

所以呢兩日都食得好清淡, 前晚都係煮左米線食, 清清地.... 

清湯紫菜雞膇水餃墨丸湯米... 大少話 : 嘩! 乜清清地都咁多餸既? 

 

*********************************************************************************************

除左前晚食清左外, 尋日晏就都食得好清架... 係Delifrance既薯仔蛋沙律三文治

 

平時係出面食蛋沙律三文治都覺得好好味,, 只係覺得唔抵食姐...  但原來自己整, 仲好味! 味道除左同出面個D一無一樣外, 仲要啖啖都好新鮮, 完全零難度!  唔係好叻煮野食既朋友(Meeko, Shirley, DAVIDWONG 大食妹, 試下學黎'林'下男朋友仔啦)

隨自己喜好, 再加埋粟米&吞拿魚... 簡直無得頂!  大少又係食到停唔到口... 呢款沙律成本又低, 又唔洗有入廚經驗都可以做到... 整完放係雪櫃, 鐘意就咁食又得, 夾面包食又得, 整西餐攞黎伴碟都得....

薯仔蛋沙律:

材料:

薯仔 ...... 一大個

蛋 .......... 兩隻

粟米 ...... 一罐

水浸吞拿魚 ....... 一小罐

沙律醬 .......... 適量

做法:

將雞蛋放入煲, 煮至熟透 (水未滾就要將蛋放入一齊滾, 如果等到水滾先放蛋, 蛋會受唔住水滾壓力而裂開, 漏蛋白出黎)

薯仔放入已滾既水內加鹽煮至熟 (用筷子試探, 篤得入為之熟, 唔好太林)

將煮好薯仔去皮切粒, 雞蛋切粒, 粟米, 吞拿魚 全部材料盡量將水份去除

將全部材料放入一大碗內, 加入適量沙律醬, 放入雪櫃雪凍即可.

其實大家仲可以以自己喜歡既口味加入材料, e.g. apple, tomato, shrimp etc.

我再post 多張我用沙律做出既LUNCH

香煎龍脷柳配蛋沙律牛角包