一直以來都好想一嚐鮮酵母既威力, 以前無焗爐就話試唔到姐, 今時今日仲等咩? 哼~
但有做開包包既人都知道鮮酵母又大磚但食用期有限, 所以我要係最短既時間內用盡佢啊!!! 
呢幾日不停係屋企焗啊焗啊焗啊~
原先呢款包包係跟獨角仙新出個本書既食譜, 佢係用紫心蕃薯做..靚好多! 可惜我買錯蕃薯, 買左黃心... 所以成個款唔同晒, 第一次用蛋糕模做麵包, 效果好得意!!!
獨角仙所教既發酵係用低溫發酵法, 好處係唔需要一氣過做包包, 部份麵團先放雪櫃發酵 (最耐可以放72小時), 到要做既時候再用, 係中種既做法! 出黎包包既效果非常軟熟, 而且煙勒有口感,, 好正! (不過我暫時未分到軟熟既原因係因為鮮酵母定係呢種中種法?!)
一出爐就俾屋企人你一舊我一舊食晒, 哈! 最鐘意d野好快食晒, 咁我又可以再做過~
做完包包即時又做吉士撻...
由於當日表弟妹過黎我屋企食飯, 知道佢地一定會鐘意食吉士撻, 一早搓定撻皮作準備! 但估唔到係當我做緊撻底時, 表弟表妹都有興趣玩埋一份, 教完佢地一次, 就由得佢地自由發揮, 效果都唔錯! 有D天份喎~
但最最最吊詭既都係............. 我老豆一個人竟然食左三件! (不過係分開兩日食!) 成日話我整既野甜唔啱佢食... 當我無預佢會食既時候, 又失驚無神食咁多, 真係難捉摸過女人~
好彩我呢庶d鮮酵母只有５０克，所以多數都可以用得晒。 我老豆又係少食甜架。
回覆刪除[版主回覆01/21/2009 02:43:00]嘩, 你就好啦, 個邊有新酵母買, 杜拜無...所以係個邊無得用, 但又攞唔到返去..
軟熟嘅原因會唔會係因為鮮酵母 + 中種法....放係雪櫃佢會唔會發酵架 ?
回覆刪除[版主回覆01/21/2009 02:43:00]唔會架, 呢種方法就係用低溫發酵, 不過時間就長d, 要十七小時
你又買了仙姐的新書呀???我又帶了回來呀!!又係好想整果個紫心蕃薯包包呀!!!!!不過唔知我呢度有無紫色蕃薯賣啊!!你果個包包好鬆軟呢!!你爸爸好攪笑呀~~~~~~
回覆刪除[版主回覆01/21/2009 02:42:00]紫心蕃薯包包好靚, 我要再去買過至得,, 佢本書好正...我呢幾日不停做!
哇, 你真係好鍾意食包包, 整包包哦
回覆刪除一出場就被清晒, 証明你D包包好好好得
[版主回覆01/21/2009 02:42:00]新鮮出爐既包包係無法抵擋...太美味!
個吉士撻好靚靚
回覆刪除[版主回覆01/21/2009 02:41:00]多謝~
我下次學下整先
回覆刪除我最近都玩過一個分析自己的心理測驗 , 勁準呀 , 準到我自己都唔相信咁準
聽講呢個測驗 , 係由德國人研究 , 有成七頁紙咁多 , 雖然好多野填 , 但係結果係超準 , 大家試下
Coupons Follow You
個包包好靚,我都想要一個啦!!
回覆刪除[版主回覆01/21/2009 02:41:00]哈... 你有冇興趣試下做?
嘩..你老豆真係好搞笑呢..夠晒特別 平時唔食甜既佢..今次都食左咁多..睇黎佢真係好鍾意食你整既野呢..
回覆刪除[版主回覆01/21/2009 02:40:00]我都捉摸唔到佢既心理... 好難估!
係唔係個個爸爸都係咁? 每次我整蛋糕, 麵包, 佢都話我想害c佢, 整埋啲又甜又肥野比佢食.. 點知佢轉個頭就同我食哂! 哼!
回覆刪除阿堅本書我都買咗啦.. 不過鮮酵母未買!
[版主回覆01/21/2009 02:40:00]我老豆成日都只會踩我, 唔會讚我架!!! 嗚~~
你係邊頭返工, 一係我俾一半酵母你!
幾時教吓我整包包呀?
回覆刪除[版主回覆01/21/2009 02:39:00]你幾時得閒先
情人節快到了!!你諗好心水買咩禮物好呢~~我知道買禮物是非常頭痛的事，假如可在家裏選購禮物，你話幾好呢!本網站為了減輕都市人的腳骨力，所以為大家搜羅又得意又能令大家滿意的貨品。
回覆刪除戒指杯$98(1隻),$188(2隻)
網址： http://hk.myblog.yahoo.com/cute-shop
我都試過買錯蕃薯啊~ 但你呢個包都做得好好呢!
回覆刪除3個唔算多喇~ 遲下你走左佢無得食, 食定先嘛
[版主回覆01/21/2009 02:39:00]仙姐本書入面教d包好正,, 你有冇買?
世伯真係難捉摸 ........................ 下次一於唔預佢, 鐘意整咩就整咩 ............. 可能咁樣佢會食哂 ..................................
回覆刪除[版主回覆01/21/2009 02:37:00]係, 我依家都唔理佢, 偶然整個低糖戚風俾佢食就算!
個包焗得好靚呀, 打埋食譜教下我地啦!!
回覆刪除[版主回覆01/21/2009 02:37:00]下, 人地啱啱出新書, 我無理由打佢既食譜出黎喎.... (唔好意思~)
"老豆" = 口不對心
回覆刪除[版主回覆01/21/2009 02:37:00]無錯!
可以以全數份量做直接發.
回覆刪除[版主回覆01/21/2009 02:36:00]多謝你既回覆啊!!!!! 唔該晒~
原來唔單止女人口不對心, 男人都一樣... wakakaka!!! 我好想讚一句 "世伯, 你好有性格呀..."
回覆刪除你都係算罷喇, 如果世伯下下讚到你飛天, 你就會無晒進步空間, 唔知自己問題嚮邊, 無晒挑戰性, 人生缺乏方向..... 而家咪幾好... 偶有驚喜呀...!!
[版主回覆01/21/2009 02:36:00]我老豆好鬼煩, 一時一樣, 都唔知佢想點!
我都係鐘意人地讚我多過嘆, 我好易滿足咋, OK就算, 哈!
真係好鍾意你整既包包，吉士撻
回覆刪除[版主回覆01/21/2009 02:35:00]啊... 好多謝你啊!!!
妹妹
回覆刪除我堅持...............你daddy係型
好緊張，我怕我星期日比你底糕，你daddy會唔肯食啊
愛你家姐上
[版主回覆01/21/2009 02:35:00]家姐
我諗你最好整兩底俾我, 一底佢試唔真啊!!!!!!
愛你既妹上
你個麵包好似麵包超人其中一個.....好可愛....
回覆刪除[版主回覆01/21/2009 02:34:00]哈, 多謝!
你買左本咩書? 我得閒去書局睇下先...! 既然你家下日日焗包, 我估你都食唔晒架喇, 快d拎嚟益下d街坊先....
回覆刪除[版主回覆01/21/2009 03:14:00]係啊, 買左獨角仙本書...
我怕你唔鐘意食啊... 咖啡啱唔啱?
今晚好得閒~
回覆刪除[版主回覆01/21/2009 12:38:00]今晚我要去謙記...哼~
oic
回覆刪除咖啡........???????? 勁啱呀, 事實上係包都啱, 哈哈! 我遲d都要買書, 到時再問你邊本好喇...!!!
回覆刪除包包真係會整上引架....
回覆刪除仙姐本書真係唔錯,叫好多人都容易明白呀!!!
你表弟妹好有天份喎!!!
[版主回覆01/22/2009 17:40:00]佢d包包好正, 我次次整都好成功!
我好遠, 我係佐敦返工架!!!
回覆刪除你我相格多麼遠, 那年那天可相見, 那處境可會改變~
[版主回覆01/22/2009 17:39:00]無理由又叫阿茄速遞 d鮮酵母俾你架!