D corner

返左黎咁耐都未約YY Cake 見面,, 知道佢近呢排十分忙錄, 又開班教口金, 又要出書, 又要返工湊仔..... 等等等!!  你永遠都係我心目中既"Super Woman"啊!!!!!!!

前日終於有機會見面, 仲相約左烏G一齊食lunch~

D corner... 係蘭桂芳一棟好隱蔽既大廈樓上, 上到去真係好似柳暗花明又一村!

 

一見面除左不停傾傾傾之外, 仲有YY Cake大派禮物... yeah!!!

每次見YY Cake都有豐富既禮物.. 今次亦不例外,,, 有我近年愛上既焦糖果仁片

另外就係 ---------- yeah!!! 一個大口金化粧袋&迷你口金電話繩!!!!!!!!!!!   YY Cake真係好多謝你, 你好錫我啊!! 仲記得上一次既花花袋 (<--重溫), 真係好靚好靚,, 但我唔捨得成日用添啊!!! 

收到別人親手為你做既野, 真係好窩心, 好幸福啊!!!!! 

收到禮物後, 整日心情都好興奮,,, 成餐飯都覺得好好味, 食得好開心..哈!

包包都唔錯! 烏G問我依家食開自己搓既包 , 會唔會唔鐘意食出面既包包??  其實我都無諗過呢個問題,, 可能我好少搓西式包... 哈哈!

烏G既莧菜湯, 我同YY既南瓜湯.. 原來南瓜湯加少少檸檬汁係好飲d... 中和返太甜既南瓜味!

***********************************************************************************

頭盤& main course都有三款, 所以每樣order一款大家share

 

三款頭盤都好好味....

**********************************************************************************

三款main course入面, 我最鐘意呢個三文魚乜乜卷... 個脆脆卷好香脆美味!! (我唔記個脆脆叫咩????)  有冇人識點整啊???

羊架同扁義粉都唔錯!

********************************************************************************

 

甜品有提拉米穌 & 香芒慕絲蛋糕.... 反而Dessert好一般!!!!!

最後仲點少得我心愛既咖啡呢!!!!!!!!

好滿足既一餐.. 完全唔記得自己係身處人多擠迫既中環區~

**********************************************************************************

食飽後同YY Cake向上海街出發...每次去上海街都係跟YY Cake去, 佢就好似一位大姐姐帶住我去shopping,,, 教我揀好野, 買平野... 買完野仲會遞上濕紙巾俾我抹手呢! 哈~

但我同YY都唔明, 點解每次去上海街都可以買咁多野?? 點解??? 點解???  血拼完一輪轉站去朗豪坊休息片刻... Italian Tomato

$38一個tea set, 估佢唔到又幾好味喎!! 後面條腸仔超正.....

粟子蛋糕都ok!

夜晚拖住疲乏既身軀返屋企連飯都無食... 就係咁一直坐係電腦面前玩pet pet!  之前都無咁沈迷, 自從家姐大少奶玩埋一份後, 攪到我有少少不能自拔!