39週7日

仲有三日就到左預產期, 上星期三去檢查, 小魔怪重左好多, 依家大約有3.5kg (7磅幾)... 醫生話佢依家係good size baby, 不過如果過左預產期再唔出世, 就怕再重d我會好難自己生!

近呢幾日開始明顯感覺到個肚墜落左, 個胃無咁頂! (但胃口唔算好好)

而且同書所講既好吻合, 分泌多左, 腰骨痛, 多左假宮縮, 尿頻等...

但係, 生得既特徵就仲未出現

依家我每次去廁所都會留意有冇出血/穿羊水

唔知真係到左呢一刻, 我會點?

好緊張定好興奮呢???

近呢個星期我不斷訓, 個人唔知點解好攰, 咩都唔想做, 連我最鐘意出去週圍食都唔想去, 可能個肚真係好重, 而且行耐少少都覺得好吃力, 寧願留係屋企!

之前出街出得多, 日日都四圍走, 依家行唔郁, 成日留守屋企發毛, 個人有d '呆呆地', 覺得超級悶啊!!!  所以, 聽日我想再出動一次, 好想臨生前去JW再high 返個tea, 咁就算係完滿啦, 哈!

之前我同過小魔怪講, 你唔好咁快出黎, 媽咪有好多地方想去食好野仲未去, 你等我食埋先好出世啊!

唔通佢真係咁聽話, 諗住完成晒我既心願先出世?!