四個月大啦~

哎吔, 又好懶添, 成日想keep住兩日一誌, 誓要記低承熹成長既點滴, 但無奈...

都係敵不過條懶根, 唉!

有時都諗起, 係時候檢討下自己既壞習慣, 因為承熹好快好快就會開始懂事,

如果我做唔到一個好榜樣俾佢睇, 又點可以期望佢會有好既生活習慣?!

承熹終於四個月大啦, 時間過得好快好快, 學大少話齋 : 我都未Save得切之前既記憶, 但個仔已經四個月大啦!

見到呢隻豬仔, 由初生只係識'食訓疴', 對住佢等同對住條魚咁, 你有你指有畫腳, 佢有佢係自己既世界話之你!

到依家呢隻豬仔不再豬, 佢彷彿大個左好多咁, 除左都係食訓疴外, 仲識得俾多好多反應. 

~見到人就識笑 (尤其對住我同大少)
~識得扭要人同佢玩/傾計
~開始識得想學人坐係到, 俾手佢捉住自己個頭會用力想抬起起身
~識得見到陌生人會有疑惑既感覺
~識得搵我同大少
~識得睇人眉頭眼額 (有次佢望住我想同我笑, 但我扮喊, 佢即刻唔笑望住我, 跟住我同佢笑返, 佢先笑)
~識得模仿人, e.g. 伸脷, 講野
~識得唔鐘意就擰歪面, 等等等等等等

但就係未識轉身!  我都唔知點教佢?

承熹人生中第一張證件相, 幫佢申請左特區護照, 好期待快D可以同佢一齊去旅行!

依家食手食到忘我境界, 得心應手, 唔再係亂打亂撞先放到隻手入口!

大少前排對住佢伸脷, 估唔到隻衰豬有樣學樣又伸脷, 最攪笑有時伸到好似唔識伸返入去咁!

BB d皮膚真係靚到無得頂, 又白滑又嬌嫩, 最啱影黑白相, 真係好羨慕呢~

前幾日適逢承熹四個月大, 契爺同契媽都係個日正式同承熹攪左個上契宴, 承熹真係好幸福啊, 咁多人錫!!!!

作為媽媽既我都動起來做左個蛋糕慶祝一下!

真係好多謝呢兩位Best Friend對犬兒既愛戴, 承熹好幸福, 真係好感恩自己有咁多錫我既朋友!

承熹, 你大個仔都要錫契爺契媽架~