承熹呢個時候開始好好玩, 佢可以無啦啦都笑一餐
我同大少都覺得, BB仔最天真無邪既笑聲係好好聽... 咔咔咔, 大人係點扮都扮唔到!
以前承熹成舊飯咁, 有時見佢訓著識得微笑已經甜到爆!
再大少少, 開始識得清醒時同人開口笑, 但仍然未有聲...
依家, 除左會係咁ee ur ur 講野外, 笑既時候都會咔咔咔, 真係好得意!
我要記低承熹成長既點滴, 呢d都係我將來老左既美好回憶啊!!!!!!!
每次見到承熹, 有時自己都會好肉緊, 覺得自己個仔真係好得意
(相信每個媽媽都會有此想法)
見到佢一日一日咁大, 個身一日一日咁拉長, 體重一日一日咁增磅,
真係會有少少唔想佢大得咁快! 尤其睇返之前d相, 佢真係好細粒, 一pat豆腐咁!
出世當日. 諗返都好感動!
未夠一個月, 只會食同訓, 完全係一隻樹熊
兩個月大, 開始多表情
四個月大.. 識得玩玩具, 仲要玩玩下訓著!
記得以前媽媽經常會無啦啦望實我 (可能因為我地少見), 媽媽會話: 點解你大得咁快, 我好想你返去以前BB既時候, 你BB時個樣真係好得意, 就好似尋日發生咁,
但依家你已經牛高馬大! (就算我已經廿幾歲, 媽媽仍然經常懷念嬰兒時期的我!)
以前我會覺得媽媽好煩, 成日望實我(我有少少唔自在),
又提住我細個時呢樣個樣, 好似真係好想我唔大咁!
到左依家我做左人阿媽, 我深深感受到媽媽既感受!!!!!
由承熹day 1出世到依家, 每日既點滴, 我自己一靜落黎既時候都不停回味,
尤其睇返d相, 真係覺得佢大得好快! 有時我仲會同大少講笑,
可唔可以將阿仔窒返入我個肚到啊? 哈哈
我相信將來有一日承熹大個左, 成家立室或有自己一番既事業,
已經唔再係我手抱既小BABY時, 我都會十分十分十分懷念今日既一切!
你說得對，每一個ｂｂ都在媽媽眼中，都是至愛寶貝，不要說小忻忻，我看到小悅悅，也會常常想想她小時的樣子，噢！現在已六歲，很矛盾呀，不想她快些長大，但看到她長大，就很欣慰呢～
回覆刪除[版主回覆06/23/2010 03:05:00]做媽媽才會有這種矛盾的心情,, 哈!
我個仔依家都成日唔肯食奶, 六安奶, 好多時食到100ML就唔肯食, 要迫要DUM先肯再食多少少, 但都係食唔晒,, 我都好煩!
唔只你身為媽媽，我地都覺得承熹好得意架!講真架，我覺得佢可以拍一張BB大海報，即係俾其他準媽媽貼係房果D呢~ 有無諗過等佢大D，多D表情時，再去影樓影返輯靚靚相呢?
回覆刪除[版主回覆06/23/2010 03:05:00]哈, 多謝你咁俾面啊!
會啊, 我諗到佢識坐, 我會再帶佢去影啊!
媽媽真係好偉大！承熹係一個好開心既BB呀！
回覆刪除聽到佢笑聲連我都陰陰咀笑呀！哈哈
[版主回覆06/23/2010 03:05:00]係啊, 佢見人就笑, 去到吉之島係師奶殺手..hahahhaaa
承熹真係好得意
回覆刪除[版主回覆06/23/2010 03:05:00](Empty)
你講的每一句話, 真系深深咁觸動到我,好有同感之餘,同時也令我回想起她在我肚內一天一天成長的時候, 到現在佢七歲多, 每天我都有一種同佢拍拖的感覺, 因為同自己的寶貝一齊, 嗰種開心真系好WARM ......
回覆刪除我老公都同我講過, 我老爺係佢細細個都會成日眼定定望住佢! 可能就係如你所講既一樣! 雖然我未生BB, 不過都明白做媽媽個種 "希望BB大得慢D"心情! 而家 承熹仲日日痴住你, 一諗到有一日佢大左唔會成日 痴住你都幾心UP!
回覆刪除[版主回覆06/30/2010 18:38:00]係啊, 仔大仔世界, 自己都係咁, 小朋友係頭幾年最痴你, 大大下就無架啦.. 唔激死都算偷笑, 哈!
時間真係過得好快呢, 承熹已經咁大個, 呢個時間既bb越來越好玩呢, 因為同佢地玩佢地又識比反應我地..
回覆刪除[版主回覆06/30/2010 18:39:00]係啊.. 不過相對又要俾多D時間同佢玩, 唔再係NB baby時成日訓訓訓
好好味的bb!別擔心!可能是厭期!俾d耐性!遲d就無嘢!
回覆刪除[版主回覆06/30/2010 18:39:00]佢唔好under條生長線就OK!
Diana, 恭喜晒妳呀, 妳個BB好得意又攪笑又靚仔呀,
回覆刪除希望妳個BB快高長大, 聽教聽話啦 @@
[版主回覆06/30/2010 18:39:00]多謝你既祝福!
你講得好啱~~我而家都好掛住我仔出世個陣...
回覆刪除佢出世的事..就好似尋日發生咁..
但望下個仔...眨下眼..一歲多d喇~
我好珍惜佢而家o爹我、要我抱的時間...
大d..佢地就啋我地都傻
[版主回覆06/30/2010 18:34:00]係啊.. 依家有時抱佢, 佢會放軟晒撲係我膊頭, 我都好鐘意呢種感覺!
不過抱得耐真係好重, 手都斷!!! 哈哈~
He is so sweet, really 甜到爆
回覆刪除Thanks to add me!!!
回覆刪除I like your baby, and he is really cute!!
承熹is super cute and handsome! I love his little chubby legs and you captured his really adorable moment (e.g. sticking his tongue out!)
回覆刪除I can't even imagine when my boy was 4 months old... mine's now 13 months old and time really flies! I sometimes look at Cole's old pictures and wonder.... who's that little one? *especially because he lost his baby hair around that time!*