上星期見天氣回暖, 又無天陰陰, 就的起心肝帶承熹去'鰂魚涌公園'玩
承熹係第一次落去呢個公園玩, 佢彷佛去左世外桃源咁
一去到, 放佢自己落地行, 佢已經一枝箭咁標左去執樹葉
雖然地下唔乾淨, 但聽朋友講依家有啲幼稚園都會帶小朋友去公園, 佢地既活動都會一齊執下樹葉, 哈! 我聽完覺得都唔錯, 小朋友係應該多啲親親大自然, 俾佢地接觸下神創造既事物, 好過下下只係玩玩具或睇乜乜美語教學 ~ (不過就真係要睇實佢, 一見佢想放手入口就一定要抺手!)
見到佢自己踎低執樹葉, 對所有野都好好奇, 睇得我幾開心!
佢執完一塊有時會俾我, 有時會俾工人姐姐, 然後再執.. 好有媽媽心呢!
平時佢起身要用兩隻手'禁實'個地, 撓起pat pat先起到身. 但因為兩隻手都攞住心愛既樹葉, 佢又唔捨得放低, 唯有只靠自己既腰力&腳力去起身
得左! 又學識一樣新野, 識得唔扶任何野去平衡自己.. 叻叻
見到搖搖馬, 又好新奇, 但抱佢上去玩, 佢有啲驚!!!!!!!
好彩有另一款, 感覺上安全啲, 即時笑返!
我得閒要教下工人姐姐點樣影到靚相, 咁可以叫佢幫我地影相, 唔洗成日自拍!
傻豬好開心!
鰂魚涌公園好大, 而且設備都幾好, 有好多唔同款式既設備俾小朋友玩, 唔錯呢!
一如以往, 見到乜都唔執輸掂下, 雖然佢唔識玩, 但我發覺承熹都幾主動
原來承熹都唔係太怕醜, 見到有哥哥玩緊個樣, 佢會自己走埋去想玩埋一份, 好彩佢啲態度又唔算好霸道, 佢會行埋去睇人玩一陣, 跟住伸手去玩, 好似好乖咁! (希望佢可以keep住呢啲良好行為)
我係呢塊板後面叫佢, 佢識踎低搵我, 然後爬過黎, 笑死!
同佢玩'捉姨欣', 佢就最開心
見到承熹一日一日咁健康地成長, 真係好感恩! 除左感恩, 真係唔知可以講乜?!
古惑仔! 哈~
Very Cute!!! Love him so much!!!
回覆刪除我都覺得小朋友應該接觸多d 自然的東西...人都會開心d
回覆刪除小朋友可以健健康康成長真係要好感恩喇
回覆刪除承熹好可愛好叻仔呀
好可愛呀....
回覆刪除去公園玩, 除左可以接近大自然, 仲可以俾小朋友多啲機會同其他小朋友一齊玩, 可以練習下的social skills, 又可以訓練下佢同其他小朋友share, 好好架.
回覆刪除見住自己個仔一日一日咁長大,真係好感動!
回覆刪除Is it far to get there if I go from Sai Wan Ho entrance?! I have to take Cole there when we come back!
回覆刪除[版主回覆03/09/2011 00:20:00]It's very close to Sai Wan Ho entrance, we can play together when u come back with Cole
最重要係玩度佢攰！佢就訓得又多又好！
回覆刪除承熹行得好叻
回覆刪除無錯~ 見住仔仔一日一日長大, 那一種感覺是很溫暖的！
回覆刪除是真的啊！
呢個公園幾正喎, 係邊到附近架？
回覆刪除[版主回覆04/11/2011 15:31:00]Quarry Bay Park