承熹已經一歲三週啦!!!!! 
呢一個月承熹明顯行得穩左好多好多, 又識踎低執野, 手指靈活左好多.
最近我見我啲朋友好放膽俾佢地既小朋友試好多唔同款既食物, 一向都唔俾雜糧承熹食既我, 都開始會俾啲星星餅, 唔同種類既包包, 有時大人食既米粉, 飯, 湯等.. 我都會俾啲佢食
不過, 佢飲奶方面就比以前少左, 以前早晚各八安, 下午茶六安... 依家早晚都係六/七安, 下午茶有時五安! 有時六日出街去夜左, 十一點幾先返屋企, 佢會眼訓到連奶都唔肯飲就訓, 但中間又唔會喊醒, 直踩到八點
我一向都覺得飲奶重要過食飯仔, 依家承熹飲咁少奶, 但又迫唔到, 唔知會唔會唔好呢?
之前係芝士餅既百日宴, 烏G姨姨俾左兩個氫氣球承熹玩攞返屋企玩, 承熹初初都好驚, 抱佢行近啲個波都驚, 但大約三日後, 佢就日日都不停係咁望住個波波, 要我地攞俾佢玩!
直到依家, 同個波Friend到打band, 日日一起身就要搵波, 仲要揸住通屋走, 唔肯放...
你睇佢個樣幾得戚!
日日都不厭其煩咁揸住個波...
招招積積, 好似揸住個波好巴閉咁! 俾佢激死
Carrie姐姐買俾承熹既工人褲係18M, 好明顯條褲太長, 但個肚腩位啱啱好咋! 唉~
走啊!!!!!
走鬼啊!!!! (好似孖寶兄弟食左磨菇變大中... 哈哈)
我諗好快佢真係會識跑..
Happy Boy!
多謝Carrie姐姐送既工人褲, 媽媽好鐘意, 著到承熹好攪笑!
承熹好叻仔 ar....我對BBS好鐘意行...但未敢自己行.....一定要人扶佢....
回覆刪除[版主回覆02/28/2011 19:09:00]我諗承熹因為係男仔, 所以啲骨骼硬淨啲, 我帶佢去公園玩, 有啲十四個月大過佢既都係未識行..
好可愛呀!咁你帶佢出街比幾個波波佢楂住就唔怕走失啦
回覆刪除[版主回覆02/28/2011 19:08:00]哈,, 玩左個幾禮拜, 佢依家對個波波又無興趣啦..
好可愛呀!! 但真係要睇實佢玩啊!! 小心个 ballons條繩, 否則好危險啊!!
回覆刪除[版主回覆02/28/2011 19:12:00]多謝你既提點啊, 我都有叫工人姐姐俾波波佢玩時要睇實, 真係要小心啲~
哈, 個波仲有氣呀? 好勁啊.
回覆刪除佢真係好似孖寶兄弟啊.
雜糧只要唔係多調味, 都唔緊要啦.
[版主回覆03/02/2011 00:27:00]仲有少少氣啦.不過應該就快打柴,, 哈!
叻仔
回覆刪除[版主回覆03/02/2011 00:28:00]thank you
haha 佢真係好鍾意個ball 喎
回覆刪除個樣好招積hahaha