Kidinc@Market, Island East

相信大家都有聽過太古坊有個 Sunday Market

我自己一直好想去, 但成日都抽唔到時間

咁啱上星期日去太古坊入油, 見到遠處有一大堆人及攤檔, 令我突然醒起自己仲未去行過, 即時哀求大少俾我落去行個圈, 唔買都睇下吖

就係咁, 我好急急腳咁行左一個圈


呢到真係有好多唔同種類既現成食物賣, 另外仲有好多有機食品, 酒, 麵包, 又有自家品牌既衫, BB用品等.... 睇到我好興奮!!!


不過最開心係俾我見到Kidinc 今次有係到擺檔啊!!

因為我本身都想上佢個網站買兩件衫俾承熹同妹妹黎緊開生日會時著, 咁啱俾我見到佢地係到, 即時順便揀埋

加上承熹當日咁啱又著住Kidinc 今季最新既Hoodie, 所以引起老闆娘Patty留意, 大家就開始閒聊幾句

好Surprise原來Patty有睇過我既blog, 而且佢仲話之前有媽媽因為睇左我既介紹而走去同佢地買親子裝去影家庭照

我聽到後真係好開心, 證明我既分享真係有人鐘意 ^_^

之前一直都係經online訂衫, 當日一次過見到佢地既產品, 真係件件都想買 (尤其特價貨真係又靚又抵 :P)

承熹見到都認到自己有某幾件衫



不過依家始終都係冬季, 我既target 都係買返長袖衫! 

其實好耐之前我已經買左兩set俾佢兩兄妹, 一套係黑色尿片- C字俾妹妹, 因為妹妹叫Charlene & 黑色N字俾承熹, 因為無L字, 但我地係Ng's family, 所以我揀左N..哈哈!

另外一set我買左灰色結他W字俾哥哥, 灰色波板糖R字俾妹妹, 原因純粹覺得靚, 哈哈~

呢批新款既質地好好, 貼身得黎好有彈性, 小朋友著上身突個肚腩仔出黎, 超得意!!!

原來依家係Island East Market 到買可以獨享全部新貨有7折!! 好抵, 尤其件Hoodie, 佢既料又厚又挺, 大力推介!!!!!

另外有呢啲特別整古造怪奶咀, 哈哈!!! 用黎送禮幾特別~

我今次俾承熹自己揀佢鐘意既款, 你地估下佢最後揀邊款?!

買完, 幾開心!!!!!!  黎繄2月2日承熹同妹妹一齊開生日會, 到時大家密切留意黎佢地既兄妹裝啦~

Kidinc 既攤位就對正草地位, 個到有啲人係到唱live, 幾好聽~

好多小朋友都除鞋上去草地到玩, 大人可以坐係旁邊聽下歌, 傾下計

當日有幾位坐係隔離既姨姨見到承熹都異口同聲講: 佢好得意啊, 你睇下件褸幾靚, 咦, 咁似個間啲衫既?

哈, 希望Kidinc黎緊會出更多更多既靚衫啦, 等我對仔女出街都俾人讚下麻, heeeeee

承熹聽歌聽得好淘醉~

 

呢個Sunday Market黎緊逢星期日10am-5pm都會有(詳情可以睇下佢地既facebook)

而Kidinc下星期都會繼續係到擺檔, 如果大家有興趣都可以去睇睇, 唔好miss 左佢地既七折優惠啊~

溫馨提示: Kidinc 唔係每個星期日都參與Island East Market, 有時會不定時咁係其他地方擺booth，所以檔口位置每次都有機會唔同架!!!!  如果各位想親身去睇下佢地既products, 最好去之前先上佢地既網站 (Kidincstore)留意擺檔地點及當日既檔口號碼, 或add佢地facebook專頁都會有announcement!  不過我知道黎緊呢個星期日3/2 佢地仍然會係Island East Market，大家唔好錯過啊。^_^

今次我唔夠時間行, 下星期日再去睇睇, 睇下有咩其他筍野買先!