Papa John's Pizza@Abu Dhabi

星期五放假同大少出外走走, 買下餸又過一日

係香港返黎後, 對呢到所有野都不感興趣, 係呢到住無論行街/買衫/食飯都唔夠香港吸引, 純綷只為行下而行街, 感覺係悶D, 但做人偶然俾個腦休息下, 好奢侈咁浪費時間, 優閒地過下日子, 都唔錯啊!!

呢邊間新Mall (Khalidiya Mall)開左Papa John's Pizza, 以前同大少出杜拜佢必定要食呢間既芝士批, 但依家Abu Dhabi都開左間, 以後想幾時食都得啦!

聽大少講, 以前佢同兩個同事初黎步到, 發現呢間pizza係佢地食過咁多間最好食.. 而且價錢合理, 好受歡迎!

選擇都有好多款

個日下午三點先去食, 唔想食得太飽, 只係叫左一個一人餐加多碟義粉

呢款係Shrimp, Mushroom, Tomato Pizza,  雖然見唔到大大蝦, 但食落卻好重蝦味, 不錯吃!

最正係佢地既芝士真係好多!!! 唔係廣告至有呢種效果, 堂食都有架~

另外最得大少歡心既就係呢款芝士批, 其實我唔sure係咪咁叫, 但一般佢地只當係小食, 個料乜都無, 只得濃濃芝士, 配上佢地既秘制醬汁..  第一次係杜拜食都已經覺得唔錯, 唯一弊處就係一邊食, 一邊好有罪惡感!!!!

薄薄一塊, 但如果一個人食晒成份, 飽死!!! 但我地呢個只係細size, 大size個款大呢個一倍到!

最後仲有義粉, 我唔記得咩意料..  少辣, 好好味!

呢個一人餐(包汽水) + 一碟義粉都係港紙八十大元!!! 我覺得係到食呢d仲平過係香港, 平時係香港兩個人去義粉屋食個下午茶餐都要百幾蚊.. 而且仲唔係好好食, 返完香港返黎, 覺得呢到D野又唔係真係咁貴!

熱鍋上的我

Day 1 @ Abu Dhabi, Moody

我已經返左杜拜啦!

首先要同原本口頭約左我, 但又未能見面既朋友講聲唔好意思.. 下次返黎再約過下!!  Sorry~

告別杜拜四個月, 一落機已經周身唔自然, 今次係我離開得最耐既時間, 返到黎真係唔慣.. 就講天氣, 都已經令人有窒息既感覺!!

夜晚十點半到屋企(即香港半夜兩點半), 返到黎有少少陌生, 感覺好冷清, 而且呢幾個月都係由鐘點阿姐執屋, 我感覺上樣樣都唔乾淨, 唔係太習慣呢! 不過唯一無變既係, 張床依然係我訓過咁多張, 最舒服既一張~

今朝起身仲未回魂,, 下晝同大少出去食Wasabi, 話晒第一餐, 唔想同香港有太大差別, 食餐好既先!!!!!!

小食 : 雞肉球

我同大少一人一份定食

 

呢間日本餐廳係呢到算係唔錯既日本料理, 食物新鮮, 而且價錢同香港差唔多(set lunch only), 好受歡迎架!

 

 

我既刺身定食

大少既燒三文魚定食

天氣真係熱到痴線,, 我想像唔到如果一世都要住係我, 做人會有D乜野樂趣???

今晚等大少放工, 有特備節目 : 去supermarket 買餸~

Morelli's Ice Cream

星期五六係我最期待既日子,, 大少放假, 又可以成日倍住我!!! 我地去左一個新MALL (Al Wada Mall),, Abu Dhabi 越黎越多新shopping mall 開幕,,好正!!! 因為呢到地方大, 人流少,, 行街/high tea真係好舒服, 唔洗同人迫~

行完一輪, 我地仲去左呢間Morelli's 到食雪糕..

其實我地不嬲對雪糕都唔係話十分十分喜愛,, 但因為佢既紫色 & 雪糕既display,,令我好想試下啊!!

呢款雪糕望到都知好滑好滑,,, 仲有咁多款味道俾你揀... 未食我已經好開心!!

原本只係想叫個普通兩款味既雪糕邊行邊食... 但係呢到既環境&座位又唔差,, 最good feel係個大大大天幕透d陽光入黎,, 感覺好舒服... 所以最後決定坐低慢慢嘆!!

云云雪糕中... 我揀左一款個名好強勁既黎食!

就係Lenoardo da Vinci....唔知食完個人會唔會變得好神秘?!

我地揀左檸檬味, 哈蜜瓜味 & Tiramisu.. 呢到係一個禁酒既國家,, 但我同大少都食得出佢地既Tiramisu雪糕有強烈既酒味... 食落又唔錯, 唔知點解咁呢?!

行完呢個商場,, 我就開始唔舒服, 越夜越痛!! 尋日打俾香港個家庭醫生問一問症,, 經佢推斷, 應該係骨膜炎... 有時不自覺整親都唔知!!!  攪到我呼吸又痛, 轉身又痛, 最慘係笑都痛!! 不過尋日已經好轉左好多..呼吸已經無問題... 醫生話好小事,, 休息兩三日應該會好返~

真係感恩感恩,, 初初仲怕自己爆肺,, 定個心有事?! 如果真係咁大獲,,我都唔知坐唔坐到飛機返香港..  身在外地,,真係要小心身體

Happiness High Tea with....

你地唔好當我傻啦,, 我今日真係同"真人"去high tea 架!!!!! 呢次係我第一次同人係Abu Dhabi High Tea... 好興奮呢!!

今朝大少一早已經話唔返黎食晏.. 懶訓既我仲唔大昏迷咩!  十二點起身發現有人約我High Tea!!!  GOOD ar..  即刻準備下先~

 

由於時間關係, 焗左快靚正既蛋糕仔當見面禮, 希望你會鐘意啦!

今次相約去Mugg & Bean 嘆咖啡,, 仲有一個大大大Scone!!! 食完啪下"羅柚"就走得, 唔洗洗碗~ 爽!

二安既Cuppucino好靚啊, 係屋企真係做唔到!

我覺得high tea 一定要飲咖啡先夠'型'...

原本想整Scone俾二安,,但諗起Mugg & Bean既Scone又大又好味,, 好似拳頭咁啊,, 都係留返黎呢到食好d!!!!  二安,, 下次我地挑戰下佢個四寸Cake囉..heee~

嘆完茶同二安行Mall..第一次同"非大少物體" 行街,, 感覺好正啊!! 哈,, 可能Shopping都係女人既天性,, 睇乜都有傾有講,, 我終於係到搵到個"朋友"啦~~ 超感動!!!

時間啱啱好.. 當差唔多行完時, 大少剛好放工黎車埋我走.. 哈! 終於一嚐做"濶太"既滋味!! 好過癮呢~~

Mina A' Salam - Al Muna (Part 2)

Mina A' Salam - Al Muna (室內)

佢地d怖置又係充滿阿拉伯色彩... 我覺得好靚!  比起帆船個裝修,, 有品味好多~~ (想睇返帆船, 可以click呢到!)

我真係好鐘意佢地d擺設.. 好有味道!!

酒吧,, 源源不絶既香檳, 啤酒供應!

呢到d Services好好,, waiter不停為客人refill 香賓/水... 完全唔洗你操勞!

 

因為太多相show唔晒出黎.. 所以desserts部份我用Slide show 播俾大家睇!!  呢到d desserts 款式望落好似好多..但多數都係麻麻地~~

老實講, 一分錢一分貨!! 雖然呢到都唔算平,, 但相比帆船, 當然仲差一小段距離~

環境黎講, 我覺得呢到比帆船靚,, 更有特色! 可惜食物就略遜一籌... 所以如果第一次黎杜拜既朋友,, 我都係會建議返佢去食帆船既"Friday Brunch"!! 平日就唔好去啦,, 好呃錢架...

呢到雖然都有生蠔, 魚生, 海鮮等,, 但比起帆船既海鮮,,呢到真係少得令人失望... 又或者呢到食既野主攻地道菜式, 所以多數都係阿拉伯菜.. 反而海鮮類真係好少.. 得呢三盆稍為出色!!!

最好味係呢款蝦.... 又大隻, 又爽甜!!

另外當然係回本生蠔啦!! 我覺得呢到d生蠔好味過香港.. 雖然唔算大隻.. 但好新鮮... 我鐘意食到有淡淡海水味既生蠔... (不過唔好處係,, 等佢慢慢開, 想一次攞多幾隻都唔好意思!)

我最愛既包包... 呢part對我黎講係天堂啊~~

唔講太多啦.. 自己睇d相啦!

Cheese Area

Salad Bar ~

Sushi Bar ~

Arabic Salad Bar

熱葷 (噢,, 因為我無興趣食熱葷, 所以無乜點影!! 但其實有好多野食.. 入d仲有即叫即煮Spaghetti Area,, 係我食飽左既時候先發現!)

Arabic Desserts

我選擇既美食~~

今次既介紹完滿結束... 多謝收看!!