打完呢篇blog, 再過兩個鐘就出發坐早機去約旦玩三日兩夜
從來無諗過會去呢d地方, 直到最近confirmed會去, 我先留意下約旦有咩玩! 原來呢個地方係十大世界文化遺產之一, 亦係耶穌為約翰洗禮既地方!
雖然今次未必會去到約旦河, 但可以去到耶穌曾經到過既地方, 個心唔多唔少都有點兒感觸, 好似同神既距離又拉近左! hee....
今次同行有六人, 我地會自己租車暢遊約旦..
對於呢d唔算文明既地方, 唔知會有咩好食.. 所以今日突登做左兩款"乾糧" for 不時之需. 一款係Raspberry Muffin, 另一款就係呢個"栗子包"! 正~
第一次做栗子包, 包底既做法係跟獨角仙(仙姐)既白吐司麵團, 內裡就係栗子蓉+栗子粒做餡...
其實自己未試過食"栗子包", 唔知味道係點?! 但係朋友話栗子包好好味, 咁...我就不妨試下啦!
好耐無post煮飯, 甜品, 麵包既作品...
其實唔係我一直都無做以上既野, 只係依家少左煮飯係事實, 到要煮既時候, 一係就係好普通不過既餸, 費事post ; 一係就有一大堆朋友黎作客, 好難要咁多人等我慢慢影啊!
至於蛋糕麵包一樣, 一出爐已經俾人搶購一空, 根本無時間慢慢好好咁影低, 唉~
攪到我好似好鬼懶咁.. (雖然我真係好懶..哈!)
尋日做左一盤菠蘿包, 個個係到嘈話好耐無食過港式菠蘿包..
好啦好啦,, 做一爐出黎滿足班餓鬼啦! hee
P.S. 但呢位"食神"係一位小妮子,, 又瘦又靚, 係我至討厭個type女仔..哈哈哈!!!!
Day 4 - 黑川 --> 阿蘇山 --> 高森田樂保存會 --> 黑川溫泉いこい旅館
講遊記講左成個月, 我都覺得自己好悶, 好悶, 好悶.... 怪就怪在自己太懶, 懶執相, 懶update, 懶打字... 各位, 請在忍耐多一會吧!
去完阿蘇山, 係時候要搵地方醫肚.. 未去福岡前睇旅遊書&聽朋友講, 福岡好出名BBQ, 但佢地既BBQ方法係好特別, 齊齊坐係爐邊碳燒食物, 別有一番風味, 話一定要試喎!!
食完一餐富豐既late lunch, 係時候返黑川入住另一間溫泉酒店 -- いこい旅館
其實住黑川溫泉係一個朋友極力推介(Thank you to Sam & Honey), 呢到除左係溫泉勝地外, 最出名係呢到集中左好多間好靚好有特色既溫泉酒店... 大家除左可以浸自己訂左既酒店溫泉外, 仲可以係黑川溫泉觀光協會或各酒店買一塊"入湯手形"(YEN1200). 有左呢塊"入湯手形"就可以另選三間黑川酒店任浸溫泉...觀賞其他酒店既設備或溫泉特式!!
