養尊處優福岡trip - Day 4 (p.m.)

Day 4 - 黑川 --> 阿蘇山 --> 高森田樂保存會 --> 黑川溫泉いこい旅館

講遊記講左成個月, 我都覺得自己好悶, 好悶, 好悶....  怪就怪在自己太懶, 懶執相, 懶update, 懶打字... 各位, 請在忍耐多一會吧!

去完阿蘇山, 係時候要搵地方醫肚.. 未去福岡前睇旅遊書&聽朋友講, 福岡好出名BBQ, 但佢地既BBQ方法係好特別, 齊齊坐係爐邊碳燒食物, 別有一番風味, 話一定要試喎!!

\
入左呢個電話落GPS, 地方原來都幾偏僻, 如果唔係自己揸車, 應該都幾難去到!

環境好靚啊!

呢到地方好大, 係開放式既設計, 相信係方便空氣流通..

我地大約三點先去到, 唔係太多人...  可以慢慢週圍影下相, 唔會騷擾到人!

 

呢間餐廳有成三十幾年歷史, 放滿晒有好多名人同老細影既相!

一坐低由於雞同鴨講, 店員見到我地係揸住旅遊書..用有限既英語問我地係邊到人後, 就自動波serve我地, 又教我地點樣攪呢"擅"野!

一枝枝已插好既野食應該係"基本菜式", 另外可以再散叫牛肉, 雞肉等其他食物

跟餐配埋飯&湯... 好飽啊!!!!!

食完一餐富豐既late lunch, 係時候返黑川入住另一間溫泉酒店 -- いこい旅館

其實住黑川溫泉係一個朋友極力推介(Thank you to Sam & Honey), 呢到除左係溫泉勝地外, 最出名係呢到集中左好多間好靚好有特色既溫泉酒店... 大家除左可以浸自己訂左既酒店溫泉外, 仲可以係黑川溫泉觀光協會或各酒店買一塊"入湯手形"(YEN1200).  有左呢塊"入湯手形"就可以另選三間黑川酒店任浸溫泉...觀賞其他酒店既設備或溫泉特式!!

去到己經黃昏, 係酒店附近影一陣相就等食晚飯~

Reception 好有特色!

酒店大門外有溫泉蛋供應, 每隻50YEN, 自己自行找贖...

酒店外有足湯俾遊人/客人浸腳... 

呢間酒店出名為"美人湯", 大大小小有成十一個溫泉, 大部份為女性而設, 又靚又多款式, 好正架!

反而男湯就係等於混浴, 男女都入得, 如果妳夠"吉士", 相信男人無任歡迎...哈!

房間唔算大, 但尚算整潔!

晚餐大約都係個D.. 個日因為食完個late lunch, 我同大少都無乜謂口食夜晚個餐, 嘥晒啊!