近況

好耐無寫下係中東既生活, 其實每日都係上網, 食飯, 做下蛋糕, 訓覺不外如事!

不過自從識左一班志同道合既香港朋友後, 所有既野都會變得一大班人一齊做, 所以好難乜都影相同大家分享!

以前係香港咁大個女都只係打過一次保齡咁大把..

從來都無諗過自己會鐘意打保齡, 更加無諗過會打得好!

但自從係到開始同一班朋友接觸保齡後, 由"落坑王"終於到依家打出穩定既水準 (唔好誤會, 穩定水準唔代表高分..hahaha)

我同大少依家都好似發左燒咁熱愛保齡, 每日食完飯無野做都會走左去玩返一兩局, 哈!

兩三個月前大少同一班朋友仲走左去整個"私家波"... (當時我係香港)

原本無諗過整波既我, 最近發覺自己都有明顯進步, 真係好想再打好d .  最後係尋日終於整左啦!!!!!!

穿波地方位於較遠, 個保齡球場好大啊!

呢個就係我揀既"私家波"... 靚嗎?!

有冇人都鐘意打保齡啊? 返香港記得約我玩返局啊~

除左打保齡, 我地平時weekend仲會去朋友屋企撚雀食水煙

朋友屋企係Villa, 前後有花園, 我地平時最鐘意黎呢到浦.....

水煙係中東特色消遣, 好多中東人都鐘意飯後圍埋一齊食下水煙, 傾下計.. 幾識嘆!

水煙有好多味道, 蘋果, 西瓜, 蜜瓜, 朱古力等等等等.... 食落都好香架, 一D嗅煙味都無架!

我影相先知原來水煙既料係咁樣, 好似辣椒醬咁!

先要燒熱舊碳 (上面銀色個舊)

然後等一陣用力吸就食到你所選既味道

哈, 雖然話食水煙唔難食, 蘋果味仲好好味... 但原來食水煙對身對所做既傷害仲勁過食普通煙, 所以都係少食為妙, 試過就算! 

有時候都會覺得係呢到既生活幾寫意, 雖然黎黎去去都係咁, 有時可以話悶... 但其實都好relax, 好開心!  感恩~